2 PETERUS 3:16 - Nanduk Ngget Tul Pidnak Wene

¹⁶ Paulus-nen mbaridnak engga pidsa bem-e pempa iri wene na mbarosor-o. Nde, at-nen mbaridnak engga bem-e wene erep yebet kudtag-e angin worak me, inndi kol woragwi nap min kwara inndi angin tubu yugwi buk nap min-nen-e wene na-ge nden penden tak pili-o. Iri nag-e lag-o. Mbal Pem Nagawan engga bem mbaridnak wene erep na it iri-nen-e iri nggal-et nden penden tak pogolar-e, it ondomok-nen kwaridnak iri na-net ondomok lak tak unpusu-o.

2 PETERUS 3:16 ပူးပေါင်းရင်းမြစ်များ

NDAK WIRIDNAK WENE 49:4

Kar-e yi nggal pilak nak yosolar-e, kar-e an-nen imin nene yoso ndegel noboso kwe iri na imin nene yigendik, keid nene yoso ondoro na-ge emben to rak pigen me, kar-e ebe lak mende kwat yigen-o.

1 NAGAWAN NAGAWAN-NEN KWARIDNAK WENE 10:1

Nde, o Seba kwe nagawan iri-ge Salomo anggu obok mborosola kulurug-e, kwe nagawan iri na-nen-e wene angin worak onggo nggesa yurak nggal ereba na Salomo indi ngarurak Yerusalem lobok yij-o.

MBIRIGA WENE 23:2

Ap kwarat-nen meya kwarogolat, imiri mbarak pidnak wene iri na lugud tak puwokluk ennesiget wene yogola-ge, kir-e inmbirik lambu nak yurak pug-o.

MBIRIGA WENE 23:6

Isilobulo lak nap-nen nde owene waruk wene mbenarugwi sa wok yosola-ge, at owene iri-ge mot mor-et mbenarurag-o.

YEREMIA 23:36

It-nen wene yogolar-e: ’Nagawan Indo-nen angin worak nenpem pidnag-o’ nak yili iri-ge keya buwag-o. It-nen nde wene iri nggal iri nde kundugu-t woragola-ge, an-nen yidnak wene-ge mondok ndemeret at amanggim-e angin worak tag-et pimin-o. Ap-nen yogolar-e: ’Nagawan Indo-nen angin worak nenpem pidnag-o’ yogolar-e, iri-ge Enmbal Pem Nagawan uruk nak woraso, Nagawan Mondok Namawi Worak nene iri na nden kagolat-nen yili-o.

ABAKUK 1:4

Iri nggal kwarogolar-e, imiri mbarak pidnak wene ereba na-ge te rak pogolat, mot mot kwarugwi ereba na-ge nggok tak pigit lak yogolat kwatli-o. Meya kwarugwi nap-nen-e mot mot kwarugwi nap ereba na-ge tebek tak unpuruk, ir-et kek yili-o. Iri kwarogolar-e, mot mot kwarugwi ereba na-ge nden yaga nin tak pili-o.

MATIUS 15:3

Yogolikma-ge, at-nen wene erep nggarosolar-e: ”Nde, kir-e noluk-nen kit kenlawingga-nen kwarugwi iri na nak kwarogolar-e, Mbal Pem Nagawan-nen ’Iri nggal kwaru-o’ yidnak wene na kuruk tili-o?

MATIUS 15:6

yoso nap iri-ge at eid ija enne kulusu buk iri-ge ob-o’ luk yili-o. Nde, kit-nen iri nggal yogolar-e, kit kenlawingga-nen kwarugwi nak kwarogolar-e, Mbal Pem Nagawan-nen yidnak wene na lak tak pili-o.

MATIUS 22:29

Yogolikma-ge, Yesus-nen wene erep nggarosolar-e: ”Kir-e Mbal Pem Nagawan engga mbarak iri kenaru buk, Mbal Pem Nagawan amawi na kenaru buk yili me, kir-e mondok kabak yili-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

IBERANI 5:11

Yesus tepan ombo nggulok worasu wene-ge wene erep kwarat yak kundurag-et nde, kir-e ndag-et yenggerak pili buk ala, mirik kunpurag-e meya-o.

YAKOBUS 1:8

Nde, indi mberen worak nab-e indi yamuksa worasu bug-o.

1 PETERUS 1:1

Yesus Kerisut-nen wirik nibidnak nap Peterus an-nen-e Mbal Pem Nagawan-nen len kinpidnak nap, ap ennggenggerak sit mbit tak, o Pontus min Nggalatia min Kaparokia min Asia min Mbitinia min worali nap kit kenmanggim engga yu mbarusu-o.

1 PETERUS 2:8

engga wene misik-nen yosolar-e: ”Ap unuwok abis pijasa wosa mberak onposo kere irit ma-o” luk yij-o. Nde, it unuwok abis pija yugwi iri-ge ir-e Mbal Pem Nagawan-nen yidnak wene kuruk togola-nen pija yugwi-o. Iri yugwi-ge Mbal Pem Nagawan-nen it inmin-e: ”Irit ma-o” luk yidnak pem-nen kwatli-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

2 PETERUS 3:2

An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.