2 PETERUS 3:14 - Nanduk Ngget Tul Pidnak Wene

¹⁴ Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

2 PETERUS 3:14 ပူးပေါင်းရင်းမြစ်များ

MATIUS 24:26

Nde, ap-nen yak kodogolar-e: ’Yu ker-o. At iri-ge karu me worasu-o’ luk yogola-ge, iri nggwe mbururak pug-o. Are, ’Yu ker-o. Iri me kura worasu-o’ luk yak kondogola-ge, ndemerer-o luk purak pug-o.

MATIUS 25:7

Yogolikma-ge, kwami ereba na oboksa men yigarik, ental paiga-o.

LUKAS 12:43

Nde, eid na lobok yuwanggal, ndegel oboso nap iri-nen at ebem pidnak yabu iri na-t ndak ndag-et wanosoma lobok yuwa nab-e alen kujwa-o.

LUKAS 2:29

”Nagawan Indo wa-e. Yawo-ge kat-nen urul pigen na-ge ndak tak pigen pem-e, ndegel koboso nap an-e yamuk tak pem-et wat eyeg-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

PILIPI 1:10

Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

PILIPI 3:20

Nde, nit perak nde nunuwi elem ma-ge aid arem-et worasu-o. Nit Ninmiri Yoso Nap Nagawan Indo Yesus Kerisut iri-ge aid arem-nen mbuma-o luk yik karok worali-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

1 TIMOTIUS 6:14

Wene yu-nen yidnak yidnak kwarosolar-e, kindi mbek tak, ambut lak irit worasoma, Nenagawan Indo Yesus Kerisut nam ma tarem wok mag-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

2 PETERUS 3:1

Nanggamirak kenabuwa worak wa-e. Engga yu-ge mberen pem tak posolat kenmanggim mbara pil lobok yusu-o. Nde, engga mberen yu arem-nen yeberak kunpusu wene iri-nen kit kenarem-e marak woragwi kinndi nam makluk engga ya mbarigi-o.

2 PETERUS 3:16

Paulus-nen mbaridnak engga pidsa bem-e pempa iri wene na mbarosor-o. Nde, at-nen mbaridnak engga bem-e wene erep yebet kudtag-e angin worak me, inndi kol woragwi nap min kwara inndi angin tubu yugwi buk nap min-nen-e wene na-ge nden penden tak pili-o. Iri nag-e lag-o. Mbal Pem Nagawan engga bem mbaridnak wene erep na it iri-nen-e iri nggal-et nden penden tak pogolar-e, it ondomok-nen kwaridnak iri na-net ondomok lak tak unpusu-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.