2 PETERUS 3:11 - Nanduk Ngget Tul Pidnak Wene

¹¹ Nde, yi mende ndi mende lak tak posolar-e, iri nggal kwasa lak tak puwa me, kir-e mondok marak woragolat, Mbal Pem Nagawan-nen yidnak yidnak nak kwarogolat wolmer-o.

2 PETERUS 3:11 ပူးပေါင်းရင်းမြစ်များ

NDAWI ENGGA 37:14

Meya yugwi nap ereba na-nen-e enarengge lak, anggun panggun woragwi ereba na min mot mot nak kwarogolat woragwi ereba na min undurak pem enkabo lit kagolat, ensan-e enambigit kunarak worali-o.

MATIUS 8:27

Iri kwarosoloma-ge, ap iri na wi luk-nen yogolar-e: ”Ap yu-ge no nap kali-o? Obube min yi koma min-et nde at-nen yidnak wene kuluruk, at-nen yidnak yidnak nak kwarij-o!” luk yiga-o.

OROMA 13:11

Yawo worali-ge kir-e kali me, wene yu-ge kwara kwarogolat wolmer-o. Nde, iri-ge kit nene yugwi na kunluk momtag-e abu panggo yij-o. Nde, nandug-et ninndi angin tubu yige tarem-e ninmiri yurak panggorag-e lag-et nde, yawo-nen perak nde, ninmiri yurak tarem-e panggo yij-o.

OROMA 13:12

Kubu lak yosolat, o nda yurak panggo yusu-o. Iri bem-e nit-nen-e ndamuk arem-nen kwarugwi mende keya buruk, yaya bem-nen wim mbarugwi san wanuwog-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 3:20

Nde, nit perak nde nunuwi elem ma-ge aid arem-et worasu-o. Nit Ninmiri Yoso Nap Nagawan Indo Yesus Kerisut iri-ge aid arem-nen mbuma-o luk yik karok worali-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

1 TIMOTIUS 6:3

Nin wene owak mul ondosolat, nit Nenagawan Indo Yesus Kerisut-nen ndemeret yidnak wene min Mbal Pem Nagawan-nen kwaroso nggal nit-nen mul undugwi wene min ”Ndemerer-o” luk perasu buk nab-e

1 TIMOTIUS 6:6

Nde, ap mbi-nen perasolar-e: ”An narengge yu-ge ndak worasu-o” lu peraso nap amanggim-e aid wene-nen-e ndemeret terak lesa wok toso-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YAKOBUS 1:24

At erare-ge yanem-et lombot pidnak na-t nde, waring kasolat-nen-e ”Nerare na ngge nggal nde kagi-o?” luk kabak tak poso-o.

YAKOBUS 3:13

Kit kennggendumu ap mbi indi tenggerak, indi nggat nggat worak mbi worala-ge, at-nen woraso abage konak iri na bem-nen nam tak posolar-e, konak nak kwarosolar-e, indi teberak, indi nggat nggat worak irit kwarosolat wolmag-o.

1 PETERUS 1:15

Are, wene mbo kinpid Mbal Pem Nagawan-e marak nak woraso me, kit-nen yi kwatlik ndi kwatlik kwarogolar-e, kit-nen na iri nggal mot mot nak kwarogolat wolmer-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

2 PETERUS 1:3

Nir-e at ondomok unu kek tak woraso min at lud tak nak kwaroso min at imin winde yuwakluk wene mbo ninpid nap na nenaru yidnak pem nir-e Mbal Pem Nagawan indi konak-nen kwaroso na ndak kwaruwakluk, Mbal Pem Nagawan-nen idnak amawi-nen-e yi mende ndi mende pidsa wok nindid irir-o.

2 PETERUS 1:6

Nde, enaru yugwi mende min lombok tak pogolar-e, kondomok-nen kinndi tena woragwi na lambuksa waner-o. Nde, kondomok-nen kinndi tena woragwi na min lombok tak pogolar-e, kinndi tugup lak woragwi na lambuksa waner-o. Nde, kinndi tugup lak woragwi na min lombok tak pogolar-e, Mbal Pem Nagawan-nen kwaroso nggal kwarugwi irit lambuksa waner-o.

2 PETERUS 3:10

Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.

2 PETERUS 3:12

Iri nggal kwarogolar-e, Mbal Pem Nagawan-nen idnak Tarem yik karok woragolat, ndaget nak lobok yuwag-o luk tu mbarogolat wolmer-o. Iri Tarem-e mbal na kan-nen nuruk, lak tak puwa-o. Nde, mbal pem woraso mende na kan embem-nen tamuk kan ninggidnak nggal lak ma-o.