2 PETERUS 3:10 - Nanduk Ngget Tul Pidnak Wene

¹⁰ Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.

2 PETERUS 3:10 ပူးပေါင်းရင်းမြစ်များ

NDAWI ENGGA 102:26

Alat nde, ereba-ge oboksa lak ma-t nde, kar-e pem irit woragun-o. Nde, ereba oboksa-ge sum erare ngget lak yosolat umbuk yoso nggal ma-o. Iri yosola-ge, kat-nen-e sum umbuk mbo bidnak nggal mbo bugunmu, oboksa lak ma-o.

NDAWI ENGGA 46:6

Mbal Pem Nagawan ene o nggu nggal yosolat, o yu-ge yigisa ndamera nggururak pusu-o. Yi ap ndi ap oboksa-nen enne lek kagolat, nggweyakma nagawan-nen tenagidnak wi ereba na nari wari mbosolat yusu-o.

YOEL 1:15

Mondok Amawi Worak iri na-nen yigisa lak tak unpurak tarem, kwiye-nen enaboro min wat yurak tarem, Nagawan Indo-nen idnak tarem iri na-ge panggo yij-o.

YOEL 2:1

”Lak tak nunpurak wok yamu-o” luk yenggerak puwakluk, Mbal Pem Nagawan woraso sa Sion ndobo marak iri na bem-nen terompet ene pu yer-o. Ene pu yogolat kwarer-o. Nagawan Indo-nen idnak tarem-e panggo yosolat, ndag-et nak wok ma me, Yewura woragwi nap wa-e. Kwiye-nen ye le mber-o.

YOEL 2:31

Molengen mom ki yosolat, waneya-ge mep worok yosolat kwaruwa-o. Nde, ereba kwat ma iri-ge Nagawan Indo-nen idnak tarem mondok kwiye worak kwiye-nen enaboro min linggi yurak iri na awo wok yigit lak ma nandug-et kwat ma-o.

YOEL 3:14

Nagawan Indo-nen idnak tarem mondok ndag-et wok yurak ala karuk, Ap Enpem Wene Mbenarugwi Mbirik iri na me-ge ap mondok kwarat (ribu ribu) irit ndok worak worali-o.

AMOS 9:13

Nagawan Indo-nen yosolar-e: ”Nggandum mbato ndag-et nak mborosolat, ebe mbarogolat na pempa kundugu kandugu mbal tenak nak woragolat, anggut ari na ndag-et nak mborosolar-e, wigak yosolar-e, ab-e pempa anggut engen amburu-ge pempa amburu mbelel tenak nak woragolat, anggut amburu ndobo ereba na bem-nen yik sik mborosolat, ndobo amun ereba na bem-nen urusu kundik mbururak tarem-e wog-et ma-o.

AMOS 9:5

Nagawan Indo Mondok Kek tak, Amawi worak iri na nen o yu sil kasola, o yu lele yosolat, o yu ebem woragwi nap oboksa-ge unmud-nen yip tuwa-o. Yi Nil-nen ebe kobong luk, leyok luk kwaroso nggal o yu-ge laruk mburuk kwat tenak wolma-o.

MIKA 1:4

Ndobo oboksa at ijok ma-nen kolpo kan ma bosoma kwaroso nggal yi nggal kwatluk larok ma-o. Yi ndobo bem-nen mboroso nggal nggweyakma mabunuruk, mbirikmu ereba na mbuwa-o.

MALEAKI 4:5

Alat nde, Nagawan Indo-nen idnak tarem mondok kwiye worak, ija lombok an-nen lud tak pigi iri na wok yigit lak ma-ge nandug-e an nene lomboksa yoso nap Elia iri na-ge kendam pil lobok yimin-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

MARAKUS 13:31

Mbal min nggweyak min lak ma-t nde, an-nen yidnak wene-ge lag-e ma bug-o.

LUKAS 12:39

Nde, wene yu-ge yeberak wolmer-o! O winde-nen-e yariya wanurak nap lobok yurak tarem aru woragaidnggal-e, at ama ngguwa naru, kwara towarak woraleb-o.

OROMA 8:20

Ndak worak inpidnak mende iri-ge ebe lak mende makluk, keya bij-o. It inndi-n pidnak pem ebe lak mende yusu-ge lag-o. Are, Mbal Pem Nagawan indi-n pidnak pem-ner-o. Iri rak inpidnag-et nde, it enmanggim inndi mbung mbung tak wolmomtak wene yu worasu-o:

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 KORINTUS 5:5

Nagawan Indo-nen idnak Tarem-nen at indi imiri yuwakluk, iri kwaridnak nap iri-ge Sere eram kegera per-o, at ebe lak tak puwakluk.

2 KORINTUS 1:14

abok-nen mondok iminep mbara-t kenaru yugub-o luk an nindi mbung mbung tak worasu-o. Nde iri-ge, Yesus Kerisut-nen idnak tarem-nen nir-e kit kenpem ala ninndi abi kek tak pul nggal, kit-nen na nit nenpem ala kinndi abi kek tak pugub-o.

1 TESALONIKA 5:2

Yariya wanoso nap-nen yariya waneyekluk kubu nggwe lobok yoso nggal, iri nggal-et Nagawan Indo lobok yurak Tarem-e wok ma-o luk kit na mondok kenaru nar-o.

1 TESALONIKA 5:4

Alat nde, nenggamirak wa-e. Kit perak nde ndamuk arem worali buk me, iri Tarem-e yariya wanoso nap nggal mimo wok yosola-ge, kir-e wendet yugup pug-o.

2 PETERUS 3:11

Nde, yi mende ndi mende lak tak posolar-e, iri nggal kwasa lak tak puwa me, kir-e mondok marak woragolat, Mbal Pem Nagawan-nen yidnak yidnak nak kwarogolat wolmer-o.

2 PETERUS 3:12

Iri nggal kwarogolar-e, Mbal Pem Nagawan-nen idnak Tarem yik karok woragolat, ndaget nak lobok yuwag-o luk tu mbarogolat wolmer-o. Iri Tarem-e mbal na kan-nen nuruk, lak tak puwa-o. Nde, mbal pem woraso mende na kan embem-nen tamuk kan ninggidnak nggal lak ma-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

YURAS 1:6

Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

NAM PARA WENE 16:15

”Kwara koler-o. An-e yariya wanugwi nap nggal lobok yimin-o. Nde, ap inmbiri bem sum yirigit lak ngenwa waring kasolat inggiri kamin naru, kwara uruk woralat, at usum na kwara yirik wolma nab-e alen kujwag-o!”

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.

NAM PARA WENE 21:1

Iri luk, an yik kaginggal-e, mbal ngget min nggweyak ngget min kagi-o. Nde, nanduk woraso mbal min nggweyak min lak yosolar-e, yi koma min-et lak yij-o.

NAM PARA WENE 3:3

Iri bem-e, kit-nen-e nanduk mirik kinpidnak wene kuligep na-ge tuguruk kwara yebet ker-o. Yebet karug-e, wene iri-nen yidnak yidnak kwarogolar-e, kit meya yidnak keya buruk, kondok yer-o. Nde, kir-e kunluk yigit lak ala-ge, an-e yariya wanugwi nap nggal kendam lobok yimin tarem iri-ge kir-e kabag-et woragub-o.

NAM PARA WENE 6:14

mbal na engga linggisa yunggurugwi nggal lak yosolat, ndobo min yi terapmu (pulau) min oboksa-ge ondolma-nen nin sa lembera mborosola-ge,