2 PETERUS 2:20 - Nanduk Ngget Tul Pidnak Wene

²⁰ Nde, ap-nen-e Nenagawan Indo Ninmiri Yoso Yesus Kerisut na enaru yidnak pem-nen nggweyak ma yu-nen kopkap tobok tak woragwi inggem-nen wesera labuk yidnag-et nde, iri mende-nen tuguruk it kamat unpuruk, urugwe nggwe rak onposola-ge, ap iri na nanduk meya kwarogolat woraidnag-e meya-t nde, abok-nen kwatli iri-ge mondok meya lombog-o.

2 PETERUS 2:20 ပူးပေါင်းရင်းမြစ်များ

YESKIEL 33:13

Konak nak kwaroso nap imin-e an-nen-e kimiri yimin-o luk urul yak timin-et nde, at iri-nen meya kwarosolat-nen yebet kasolar-e, an-e nandug-e konak nak kwarosolat woragirik me, an-e nimiri yuwa-o luk yebet kasolar-e, iri-ge lugud tak nggwe yebet kasu-o. An-e at-nen nanduk konak kwaroso iri na-ge mondok yebet kamin pug-o. At iri-ge at-nen meya kwaruwa bem-et wat ma-o.

WONARIDNAK WENE 24:20

Iri luk, yik kagwi mende iri na bem-nen yik kagaidnggal-e, Amalek nap irit yik eneyagaij-o. Eneyarug-e, abok-nen kwat ma wene yu urul pij-o: ”Yi nap ndi nap oboksa ennggendumu-nen-e mondok amawi worag-e Amalek nap nag-o. Alat nde, it Amalek nap iri-ge abog-e abu abu mondok lak ma-o” luk yij-o.

TUGURUK YIDNAK WENE 32:29

It nde inndi worak nggal-nen-e it lak momtag-e inndi yebet kaleb-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

2 TIMOTIUS 2:4

Wim tomboroso nap-nen wim tomborosolar-e, at owe nagawan-nen at alen iyujwaklug-e, at ondomok owene-ge yebet kaso bug-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.

2 PETERUS 1:2

Kir-e Mbal Pem Nagawan min Nenagawan Indo Yesus min kenaru yigep pem-e, we wok ondoso elem min yamuksa woragwi elem min kobongsa wok kunduwag-o.

2 PETERUS 1:3

Nir-e at ondomok unu kek tak woraso min at lud tak nak kwaroso min at imin winde yuwakluk wene mbo ninpid nap na nenaru yidnak pem nir-e Mbal Pem Nagawan indi konak-nen kwaroso na ndak kwaruwakluk, Mbal Pem Nagawan-nen idnak amawi-nen-e yi mende ndi mende pidsa wok nindid irir-o.

2 PETERUS 1:4

Iri nggal kwasa Mbal Pem Nagawan-nen urul posolar-e, wene mondok ija, nggulok lombok irit urul yak nindij-o. Nde, kit-nen urul pidnak iri wanogola-ge, nggweyak ma yu-nen ukwe ukwe yugwi mende na inggem-nen wesel yogolat, Mbal Pem Nagawan abage wanili-o.

2 PETERUS 1:8

Iri mende iri pidsa-ge kit-nen tena wolmomtak mende irir-o. Nde, iri mende iri kit kenpem wok tenak woragolar-e, kir-e Nenagawan Indo Yesus Kerisut kenaru yogolar-e, kenmawi min-et ebe worak mende irit kenaru yugwi rak puwa-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.