2 PETERUS 2:10 - Nanduk Ngget Tul Pidnak Wene

¹⁰ Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.

2 PETERUS 2:10 ပူးပေါင်းရင်းမြစ်များ

NDAK WIRIDNAK WENE 49:6

Ir-e insilepma yili iri bem-net ap ondogolat ondomok inndi alen yurak pem nak lembu wam emengen mbara tu mbururak meya rak pogolat yugwi me, an-e it ndok wutluk wene mbarogola na enne erep wanimin pug-o. It ndok worogola na ennggendumu nggwimin pug-o.

2 SEMUEL 20:1

1 NAGAWAN NAGAWAN-NEN KWARIDNAK WENE 12:16

Isarael nap ereba-nen yik kaiganggal-e, nagawan iri na-ge it enne-ge kuligit lak ala karug-e, Isarael nap oboksa-nen enne nggoksa yogolar-e: ”Ndaut min at-nen wigarak min-nen-e nit Isarael nab-e no kwat nunpugwi-o? Abalombog-o! Nenma mburuwog-o! Ereabeam iri-ge at abalombok nak-nen kwaruwag-o” yogoluk, Isarael nab-e enma mbiriga-o.

MBIRIGA WENE 22:28

Kir-e Mbal Pem Nagawan obok pogolat, kit kennggendumu enne kulugwi nap iri na imbiri lamut tak purak pug-o.

YEREMIA 2:31

Isarael nap wa-e. An-nen yusu wene yu kwara koler-o. An-e kit kenmanggim-e nembaga usu nggwarak nggal kwat yosolat, nggweyak ndamuk mom ndirik nggal kwat yosolat yigi-a? Alat nde, kit-nen yogolar-e: ’Nir-e weserak nindi-n pidnak yeba-t nul-o. At eram tuguruk mbururag-e ninmbir-o’ yili iri-ge noluk-nen yili-o?

LUKAS 11:25

At na mbiridnaknggal-e, o iri na o liri kora mondok konidnak kaso-o.

LUKAS 19:14

Alat nde, ap kek tak na elem nap-nen at insili rak puruk, at imbirik ap wirik onpogolat-nen yosolar-e: ’Ap iri-ge nit nennggendumu nagawan mendak purag-e ninmbir-o’ luk yiga-o.

YIDNAK YIDNAK WENE 23:5

Yak togolikma-ge, Paulus-nen yak ondosolar-e: ”Nanggamirak wa-e. At iri-ge tepan ombo nggulok-nen yusu-o luk naru buk-nen yigi-o. Engga mbarak pem-nen yosolar-e: ’Kit kenlem nap nagawan imin-e wene meya yak turak pug-o’ luk mbarak worasu-o” luk yij-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

2 KORINTUS 10:3

Nir-e ndemeret nggweyak ma yu me worali-t nde, nggweyak ma nap-nen wim tumburugwi nggal wim timbitli bug-o.

EPESUS 4:19

It inndi yebet kagwi elem na lak yidnak me, ”Meya mende nak kwarogolat wolmog-o” luk yogolat, yi meya ndi meya kwarogolar-e, it na it-net mamak pigit lak kwatli nag-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

1 TESALONIKA 4:7

Nir-e mbilaro ngin mende kwaruwakluk-nen Mbal Pem Nagawan-nen wene mbo ninpij-e lag-o. Are, nir-e marak nak wolmakluk-nen wene mbo ninpij-o.

2 TIMOTIUS 3:2

Iri tarem-e ap-nen-e ondomok enabuwa nak kagolat, uwang nak nggok tak pogolat, enambikpebe kek yogolat, inndi kek tak pem wene yogolat, ap pesel onpogolat, ineid iniya enne tarogolat, wa na yugwi buk, aid wene insili rak pogolat,

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

YURAS 1:10

Alat nde, ap iri-nen-e it enaru buk mende nde mbilaro ngin tak pili-o. Nde, indi lak mende ndak wiridnak-nen yebet kaso nggal, it-nen yebet kagwi mende iri-nen-e it lak tak unpusu-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

1 SEMUEL 10:27

Alat nde, meya yugwi nap erep-nen yogolar-e: ”Nit ninmiri yurak nab-e ab-e yu nggal-er-a?” yogolar-e, at te rak obogolar-e nagawan we wok undugwi mende-ge wok tigit lak yiga-t nde, ar-e aru buk nggal irit larok yij-o.