2 PETERUS 1:21 - Nanduk Ngget Tul Pidnak Wene

²¹ Nde, Mbal Pem Nagawan engga bem abok-nen kwat momtak urul paga pidnak wene iri-ge ap inndi-n pidnak pem-e mondok mbarigir-e lag-o. Are, Konak Indi nak-nen mul ondosola, ab-e Mbal Pem Nagawan-nen yidnak wene ap yak undugwi-o.

2 PETERUS 1:21 ပူးပေါင်းရင်းမြစ်များ

2 SEMUEL 23:2

Nagawan Indo Indi-nen an nemndam nggwe-nen wene yusu-o. At-nen yidnak wene-ge an nemnde bem worasu-o.

1 NAGAWAN NAGAWAN-NEN KWARIDNAK WENE 13:1

Nde, iri tarem-e Mbal Pem Nagawan ene lomboksa yoso nap misig-e o Yewura woragij-o. Worasoma-ge, Nagawan Indo-nen-e: ”Mbetel mbiri-o” yak tij-o. Yosoloma, mberarik Mbetel wok yidnggal-e, Yerobeam iri na-ge wam wosa kan peyekluk kan pugwi sa lagarik worasoma wok yij-o.

1 NAGAWAN NAGAWAN-NEN KWARIDNAK WENE 17:18

Wat yosoloma, kwe togwe iri na-nen Elia yak tosolar-e: ”Mbal Pem Nagawan ndegel oboso nap wa-e. Nab-o. Kar-e noluk-nen yu nggal kwat nigiben-o? Kat an neram lobok yigen yu-ge an meya yidnak ereba na Mbal Pem Nagawan-nen nimbiri parosolat, an-nen meya kwaroso iri na-nen ndowaga nambara yu wat yuwakluk lobok yigenma, lak?” luk yak tij-o.

1 NAGAWAN NAGAWAN-NEN KWARIDNAK WENE 17:24

Yosoloma, kwe togwe iri na-nen yosolar-e: ”Yawo-nen perak mondok naru yusu-o. Kar-e ndemeret Mbal Pem Nagawan ndegel oboso nab-er-o. Kat-nen yusu wene-ge ndemeret Nagawan Indo-nen yidnak wene-t yusu-o” luk yak tij-o.

2 NAGAWAN NAGAWAN-NEN KWARIDNAK WENE 4:22

Wasolar-e, un eram ene pil mbirij-o. Pil mborosolar-e: ”Ndegel koboso nap misik kelerai wam misik waruk lobok yuwak-nen yak ti-o. An-e Mbal Pem Nagawan ene lomboksa yoso nap Elisa iri na eram mbirimindik, ndag-et nak lobok yuwom-o” luk yak tij-o.

2 NAGAWAN NAGAWAN-NEN KWARIDNAK WENE 4:7

Iri luk, kwe iri na Elisa eram tuguruk mborosola, Elisa-nen yak tosolar-e: ”Amburu ereba-ge namat oboksa iri na uwi yagonok-nen onggo wani-o. Nde, namat mbatluk, uang minggirig-e kat kilirak inmin kunluk worabok-nen winde yer-o” luk yak tij-o.

2 NAGAWAN NAGAWAN-NEN KWARIDNAK WENE 4:9

Worala-ge, kwe iri na-nen un yak tosolar-e: ”An-nen-e ap yu me pempa wok yusu yu-ge ndemeret Mbal Pem Nagawan ndegel oboso nap-nen yusu-o luk eberasu-o.

2 NAGAWAN NAGAWAN-NEN KWARIDNAK WENE 6:10

Iri yamu-ge Isarael nagawan iri na-nen-e tula iri na nggwe korok korok woragwi nab-e kwara kwil kwalsa wolmakluk enaru rak inpij-o. Nde, Elisa-nen-e iri nggal kwasa Isarael nap nagawan iri na yak tosolat woragij-o.

2 NAGAWAN NAGAWAN-NEN KWARIDNAK WENE 6:15

Nde, kub-e kubu kabu Elisa ndegel oboso nap iri na wurungsa mbiridnggal-e, Siria nap san ombo-nen o siri iri na-ge lop lop worak worakmu, eneyagaij-o. Nde, it ereba na-ge ab-e kura wam ombolwak pem min nggweyak koma arem min mondok lid lud tak worakmu eneyagaij-o. Eneyarug-e, Elisa eram mborosolar-e: ”Nombo-o. Nir-e yawo-net mondok mena-o! Mondok ngge kwarul-o?” luk yak tij-o.

YEREMIA 23:26

It ennesiget an nene lomboksa yugwi nap ereba-ge it ondomok inndi-nen pidnak wene ereba na nilirak kabak tak unpuwokluk pem irit yak ondogolat wolma-a?

MIKA 1:1

Nde, Mika iri-ge o marik misik unu-ge Moreset woraso-o. Nde, at iri-ge Yewura wi iri na me Nagawan Yotam min Agas min Isikia min it ereya-nen ondolma lud o tena woragola tarem-nen Samaria min Yerusalem min kwat unpurak wene Nagawan Indo-nen Mika yak tij-o.

MIKA 3:7

”Abok ereba-nen kwat momtak ereba na iri nggal kwat ma-o” luk urul pili nab-e it-nen urul pidnak iri na kwat yigit lak ala karuk, innggiri nde ma-o. Mbal Pem Nagawan-nen-e it-nen yidnak wene kuligit lak yosola karuk, innggiri-nen wandu ma-o.

MARAKUS 12:36

Ndaud at na Konak Indi-nen yak tosola, Ndaud-nen yosolar-e: ’Nagawan Indo-nen an-nen idnak Nagawan Indo yak tosolar-e: An ninggi kigit nggwe koreyak irit worasoma, kat kuwim nab-e an-nen kat kuwok unggutmu teberak inpimin-o luk yak tij-o.’

LUKAS 1:70

Nanduk-nen Mbal Pem Nagawan-nen Mbal Pem Nagawan ene lomboksa yugwi nap marak nap enmendam tak posolar-e: ’Irit kwarimin-o’ luk urul posolar-e:

YIDNAK YIDNAK WENE 1:16

”Nanggamirak wa-e. Yuras-nen Yesus tenagaidnak nap ininggi waruk lobok yid iri-ge at urul-e nanduk Konak Indi-nen Mbal Pem Nagawan engga bem Ndaud emendam tak pidnak wene iri na mondok ndak ndak tak posolat-nen kwarij-o.

YIDNAK YIDNAK WENE 28:25

Woragolar-e, it inndi arik tak kuri wat luk, ndi yuwokluk yukmu-ge, Paulus-nen wene misik yu yak ondosolar-e: ”Konak Indi-nen-e Mbal Pem Nagawan ene lomboksa yoso nap Yesaya emendam nggwe-nen kit kenlawingga ndemeret wene yak ondosolar-e:

YIDNAK YIDNAK WENE 3:18

Alat nde, iri kwarigep iri-ge Mbal Pem Nagawan-nen at ene lomboksa yugwi nap pidsa enmendam tak posolar-e: ’An-nen idnak Kerisut-e yane wuruwa-o’ yid iri na-t ndak tak posolat-nen kwarigeb-o.

TUGURUK YIDNAK WENE 33:1

Musa na-ge wat yigit lak ma-net Mbal Pem Nagawan-nen len ibidnak nap Musa-nen Isarael nap inmbirmggat tak onposolar-e, wene-ge yu nggal yij-o:

IBERANI 10:15

Iri wene-ge Konak Indi-nen na kenggera yak nundusu-o. Nandug-et at-nen yosolar-e:

IBERANI 3:7

Iri bem-e Konak Indi-nen yosolar-e: ”Kir-e yawo nde Mbal Pem Nagawan ene kulurug-e,

IBERANI 9:8

Iri kwarogolat woraidnak mende iri bem Konak Indi-nen mirik nonposolar-e, sum-nen wiridnak wi mondog-et nggugwi sa iri na worala-ge, O Mondok Marak iri me nggurak tu-ge awo kuwak yigit lak worasu-o luk nam-et nak mirik nunpusu-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.