2 PETERUS 1:19 - Nanduk Ngget Tul Pidnak Wene

¹⁹ Iri bem-e, Mbal Pem Nagawan ene lomboksa yugwi nap-nen yidnak wene na-ge kwara nenaru yili-o. Nde, urul pidnak wene na-ge ndamuk woraso sa tal pago pidnak nggal-nen yusu-o. Nde, tal iri amare irit worasoma, o nda yosolat o nda nda wonaru pil wasolar-e, kit kenarem yaya rak purak iri na yik karok woragolar-e, kir-e wene iri na kwara yebet kagolat wolmomtag-e ob-o.

2 PETERUS 1:19 ပူးပေါင်းရင်းမြစ်များ

NDAWI ENGGA 119:105

Kat-nen yidnak wene iri-ge an nuwok purak amanggim tal min an mbururak tula yaya rak purak tal min-nen yusu-o.

NGGOMO WENE 6:23

Keid kiya-nen nggomo kiridnak wene iri-ge kat kamanggim tal-nen yusu-o. It-nen nggomo korogolat met kibidnak ereba na-nen-e kat konag-et wolmomtak mirik kubusu-o.

YESAYA 41:26

Iri kwarurak wene-ge kwat yosola-ge, ’Yid iri na-ge kwat yid yur-o’ luk yuwokluk, kit kennggendumu-nen-e ta nggal-nen abuwokma-nen ’Iri kwaruwa-o’ luk urul pigepma-o? Alat nde, kit kennggendumu misik-nen mbi ’Iri nggal kwat ma-o’ luk urul pigit lag-o. ’Iri nggal kwat ma-o’ luk kit-nen mbi yogola, ap-nen na mbi mondok kuligit lag-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

YESAYA 9:2

Ndamuk arem waring kaiga nap iri-ge yaya abinal worak kaiga-o. Nde, abu kan ndamak pem woraiga nab-e yaya elem iri na-nen yaya rak unpusu-o.

MATIUS 4:16

Ndamuk pem woragwi nap-nen-e yaya nggulok mbi kaigo-o! Nde, wat momtak elem ugumak-nen yemendak unpuruk woragwi nap enmanggim-e mo pil wagaij-o!” luk yij-o.

YOANES 5:35

Yoanes na-ge tal pago eyaya worak nggal woragaij-o. Pago worala-ge, luru kir-e at eyaya bem kenalen min-et woraigeb-o.

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YIDNAK YIDNAK WENE 15:29

Nde iri-ge, nunggwi mende kugi amanggim pidnak min eyabi min pip ndonggoksa wat yidnak ino min mbabi yugwi min ereya-ge mondok keya burag-o. Nde, ereya mende nde keya bugupndig-e, konag-et kwarugub-o. Irir-o. Naptak wiwa-o” luk engga mbariga-o.

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

IBERANI 2:2

Nde, aid nap enpem nggwe-nen Musa yak tidnak imiri mbarak pidnak wene iri-ge ndemeret wene-t me, ta-nen nde wene iri na kulurug-et nde, ndak ndak kwarigit lak ala-ge, iri kwaridnak iri na onggo ndak ndak enpem mboso-o.

YAKOBUS 2:8

Imiri mbarak pidnak wene owak ndum Mbal Pem Nagawan engga bem-nen yosolar-e: ”Kat kambik kabuwa kasu nggal-et kat keralu nap na enabuwa ki-o” luk iri yidnak iri na-t kwatli ala-ge, ob-et kwatli-o.

1 PETERUS 1:10

Kit kinmiri yurak wene iri-ge Mbal Pem Nagawan ene lomboksa yugwi nap-nen-e wene na kwara mbenarogolat, kore yogolar-e: ”Mbal Pem Nagawan-nen we wok ondoso elem wok kunduwa-o” luk urul pogolat woraiga-o.

1 YOANES 5:10

Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.

3 YOANES 1:6

Nde, kat-nen it enabuwa kaidnak wene-ge it-nen-e yu me woragwi Yesus ebem lambuk tak inpidnak nap na yak indiga-o. It-nen tu mbitli iri-ge konag-et mburuwakluk, kat-nen yongga ondosolar-e, Mbal Pem Nagawan alen tak pugwi mende bem yongga indi-o.

NAM PARA WENE 2:28

O nda nda wonaru iri na min-et wok indimin-o.

NAM PARA WENE 22:16

”Yesus an-nen-e kit lambuk tak kinpidnak nap kenmanggim wene yeba yak kunduwakluk an-nen idnak aid nap ibil lobok yigi-o. An-e Ndaud-nen lolo-nen wigarak-nen yusu-o. An-e o nda nda wonaru yaya worak-nen yusu-o.”