2 PETERUS 1:12 - Nanduk Ngget Tul Pidnak Wene

¹² Iri bem-e wene abam yu-ge kenaru luk, ndemeret wene wanigep na bem kinndi tugup lak worali-t nde, pempa yeberak konposolat woramin-o.

2 PETERUS 1:12 ပူးပေါင်းရင်းမြစ်များ

YIDNAK YIDNAK WENE 16:5

Iri nggal kwaril nogolar-e, lambuk tak inpidnak nap inndi angin tubu yidnak na inndi wi ya bil mborogola-ge, ap ereb-e it inmin misik nambek misik nambek ap kwarat yiga-o.

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

KOLOSE 2:7

at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

2 TIMOTIUS 1:6

Iri bem-e, an ninggi tena kobosola, Mbal Pem Nagawan-nen we wok ondoso wok kirid iri na uruk tak ponokluk yeberak kubusu-o.

IBERANI 10:32

Nanduk woraigep iri na kinndi yebet ker-o. Iri tarem-e Mbal Pem Nagawan eyaya wanigep pem-e anggun panggun kwarat kenpem mbosola-t nde, kir-e mamak puruk woraigeb-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

2 PETERUS 1:13

Wene abam yu yeberak kunpurag-e an neyabu-t me, an nuruk woralar-e, yeberak konposolat woramin-o.

2 PETERUS 1:15

Nde, an wat yumu wene yu pempa kit yeberak konposolat wolmaklug-e, an-e ndemeret namawi kundusu-o.

2 PETERUS 3:1

Nanggamirak kenabuwa worak wa-e. Engga yu-ge mberen pem tak posolat kenmanggim mbara pil lobok yusu-o. Nde, engga mberen yu arem-nen yeberak kunpusu wene iri-nen kit kenarem-e marak woragwi kinndi nam makluk engga ya mbarigi-o.

2 PETERUS 3:17

Alat nde, nanggamirak kenabuwa worak wa-e. Wene yu-ge kir-e kenaru nar-o. Iri bem-e, Mbal Pem Nagawan-nen yidnak wene kwarugwi buk nap-nen kabak woragwi ndak ndak kabak tak konpogolat, kit-nen tugup lak tena woragwi na kabak tak kunpuwa naru, kwil kwalsa wolmer-o.

1 YOANES 2:21

Iri ala-ge, kir-e ndemeret wene kenaru buk ala, engga yu mbal kundusu-ge lag-o. Are, ndemeret yoso Mbal Pem Nagawan iri-ge mondok enesiget yoso bug-o kenaru yili iri bem-nen engga yu mbal kundusu-o.

2 YOANES 1:2

Nde, ndemeret wene-ge nit nenarem woralat, nit nin-min pem-et woralik nalik wolma iri bem-nen kenabuwa kali-o.

YURAS 1:17

Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.

YURAS 1:5

Wene yu oboksa-ge kit kenaru-t nde, an-nen yeberak kenpeyeg-o. Nagawan Indo-nen-e Isarael nap iri-ge o Mesira-nen inmiri yij-et nde, abok nggwe-ge at ebem inndi angin tubu yigit lak nab-e at-nen lak tak enpamu-o.