2 KORINTUS 9:5 - Nanduk Ngget Tul Pidnak Wene

⁵ Iri bem-e, nennggamirak yu-ge nandug-et kendam wirik onposolar-e, kit-nen ”Iri mende-t pul-o” luk urul pigep tol na nandug-et lid lud tak pobokluk kir-e nanduk mberer-o luk enmengen mbarigi-o. Nde, tol pugup iri-ge an-nen ”Iri nggal per-o” luk yak kindidnak pem pidnag-e lag-o. Are, kit kinndi konak iri bem-net pidnak tol irit ma-o.

2 KORINTUS 9:5 ပူးပေါင်းရင်းမြစ်များ

NDAK WIRIDNAK WENE 33:11

Nab-o. An waruk lobok yigirik, wok kirigi mende ereba-ge mondok wani-o. Mbal Pem Nagawan-nen an nimin konak yosolar-e, an-nen ukwe kaso mende obok wok neramu me, kar-e ninggem keya busu-ge meyog-o” luk owe indi yanggunid yanggunid abok nggwe-nen-e Esau na-ge wok tid ereba na-ge wanij-o.

2 NAGAWAN NAGAWAN-NEN KWARIDNAK WENE 5:15

Iri kwat yurug-e, at min at nduguluk nugwi nap oboksa inmin-e Elisa eram lobok yogolar-e, Naman-nen Elisa yak tosolar-e: ”Yi wi ndi wi oboksa-nen Mbal Pem Nagawan-e Isarael nap-nen erembel wanugwi misiget yu nak worasu-o. Iri bem-e an-nen we wok kirimin mende-ge mondok wanurag-o, nab-o” yak tij-o.

1 KORINTUS 16:2

An lobok yosola tarem nak-nen tol ndok wuru-ge lag-o. Are, pempa pempa Hari Minggu tarem ndok worogolar-e, kit kenarik tak-net kontol wanugwi ndak ndak tol ereb-e menggesa ndok worogolat wolmer-o.

2 KORINTUS 8:6

Iri bem-e, ap enabuwa kagwi yabu tel kwirid nap Titus na-nen kit kendam lobok luk, yabu iri na kit kennggendumu iminep mbal makluk at emengen mbarige-o.

2 KORINTUS 9:3

An-e nennggamirak yu kendam inpil lobok yusu iri-ge, wene yu bem nit-nen kit kentembel kwarat wanige iri-ge we ebe lak mende ma-o luk inpil lobok yusu-o. Are, an-nen yak kindigi na nggal-et mondok lid lud tak puruk worabog-o luk-nen yigi-o.

2 KORINTUS 9:6

Wene yu-ge kwara yebet ker-o: Uwi mariget nak yaguwa nab-e ebe mariget nak mbaruwa-o. Nde, uwi kwarat yaguwa nab-e ebe kwarat mbaruwa-o.

PILIPI 4:17

Nde, an-nen-e silobulo we wok nururak iri nggok tak pusu-ge lag-o. Are, kit-nen silobulo wok niridnak pem-nen Mbal Pem Nagawan-nen terak menna wok kunduwakluk-nen yusu-o.

1 SEMUEL 25:27

Nab-o. An-nen kat min kat kimin nugwi nap min kenmanggim waruk lobok yigi yeba wani-o.