2 KORINTUS 8:8 - Nanduk Ngget Tul Pidnak Wene

⁸ An-nen-e ”Iri nggal-et kwarurag-o” luk yak kundusu bug-o. Are, ap erep-nen enmawi min-et yongga undugwi wene na mirik konposolar-e, kit-nen kinndi mbek tak pem-et ap enabuwa kali, lak? luk-nen kinndi ngarusu-o.

2 KORINTUS 8:8 ပူးပေါင်းရင်းမြစ်များ

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

1 KORINTUS 7:12

Nde, it ap erep iri-ge Nagawan Indo-nen yak undusu-ge lag-o. An-net yak undusu-o: indi angin tubu yidnak nap misik ogwe-ge indi angin tubu yigit lak kwe-t nde, ap iri imin lambuksa wolmomtag-e indingen ala-ge, un-nen-e ogwe iri keya burak pug-o.

1 KORINTUS 7:25

Nde, ap sujwe min ndugum min enmanggim wene-ge Nagawan Indo-nen ”Irit kwaru-o” luk yak nirigit lag-et nde, Nagawan Indo-ge an nubud kaso bem, at iri mot mot kwaroso nab-o luk neberagwi nap an nindi-nen peraidnak irit yimin-o.

1 KORINTUS 7:6

Yak kundusu yu-ge ”Irit kwarurag-o” luk watsa yak kundusu-ge lag-o. Are, we wal kudtak pem-nen yak kundusu-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

2 KORINTUS 8:10

Wene iri bem an nindi-n yebet kasu-ge yu-o: Olengen nanduk iri bem-net kit-nen-e wanuwog-o luk, yabu na tel kwirigep iri-ge yawo-nen worok tak purag-e kit kenmanggim-e op nggal kasu-o.

2 KORINTUS 8:24

Iri bem-e, nit-nen kit kentembel wanili na ndemerer-o luk kunpurujwak-nen kir-e lambuk tak inpidnak nap oboksa inmbiri bem ap enabuwa kagwi mende bem kwara enabuwa ker-o.

2 KORINTUS 9:2

It yongga undurak pem kit kenalen yili iri-ge naru me, an-e Makeronia nap inmbiri bem kit kentembel wanosolar-e: ”Akaya nap iri-ge olengen nanduk woraige bem-net yongga undurak lid lud tak puruk woraiga-o” luk yak ondosolakmu-ge, kit kenmawi kwindigep iri na karuk, ap kwarat inndi te rak pigeb-o.

2 KORINTUS 9:7

Iri ala-ge, ap enambik lombok-net Mbal Pem Nagawan amanggim pogolar-e, at indi-n peraruk-net puwag-o. At indi angin min-et nde nin nap-nen ”Iri nggal purag-o” luk yuwa bem nak-nen purag-e lag-o. Alen min-et poso nap iri perak nde, Mbal Pem Nagawan-nen-e abuwa kaso-o.

EPESUS 4:15

Alat nde, ap enabuwa kagwi elem pem nir-e ndemeret wene puksa tena woragolar-e, yi mende ndi mende bem nir-e Kerisut na ebem iminep mbal mog-o. Nde, anggul-e at-nen yusu-o.

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

IBERANI 10:24

Nde, nir-e lombot kerak mbogolat wolmog-o. Iri kwarogolar-e, nabuwa kabuwa bem konak nak kwaruwokluk yongga yongga wolmog-o.

YOSUA 24:14

Yosoluk yarik, wene erep min-et Yosua-nen yosolar-e: ”Kir-e kinndi mbek tak pem-et Nagawan Indo kek tak pogolat, at ndegel obogolat kinndi-net tugup lak irit wolmer-o. Nanduk konmborak Mesopotamia min Mesira min woragolat-nen erembel wanogolat woragwi kugwiwak ereba-ge mondok keya buruk, Nagawan Indo nak ndegel obogolat wolmer-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.