2 KORINTUS 8:6 - Nanduk Ngget Tul Pidnak Wene

⁶ Iri bem-e, ap enabuwa kagwi yabu tel kwirid nap Titus na-nen kit kendam lobok luk, yabu iri na kit kennggendumu iminep mbal makluk at emengen mbarige-o.

2 KORINTUS 8:6 ပူးပေါင်းရင်းမြစ်များ

YIDNAK YIDNAK WENE 24:17

Molengen lasolat mbosolat kwarat worarug-e, an-e tuguruk Yerusalem lobok yosolar-e, an nelem nab-e tol wok ondosolat, Mbal Pem Nagawan amanggim pugwi mende peyekluk lobok yigi-o.

OROMA 15:25

Alat nde, yawo-ge an-e Mbal Pem Nagawan-nen len inpidnak nap yongga indidnak mende waruk Yerusalem mburusu-o.

2 KORINTUS 12:18

Titus na kit kendam lobok yuwakluk emengen mbarigirig-e, at totno mburuwakluk nennggam misik iri-ge an-nen ibil lobok yigi-o. Nde, Titus-nen-e kit kinsilobulo mbi terak lesa wanid, lak? Titus nenmbereg-e Konak Indi misiget iri na-nen yidnak yidnak nak kwarogolat, nit nunuwok na misiget nak pugwi bug-a?

2 KORINTUS 2:13

Alat nde, nenggam Titus iri na kagit lak me, an nindi mondok kabak alar-e, o iri nap na an-e mburusu-o yak unduruk, Makeronia mbirigi-o.

2 KORINTUS 8:10

Wene iri bem an nindi-n yebet kasu-ge yu-o: Olengen nanduk iri bem-net kit-nen-e wanuwog-o luk, yabu na tel kwirigep iri-ge yawo-nen worok tak purag-e kit kenmanggim-e op nggal kasu-o.

2 KORINTUS 8:19

Iri nag-e lag-o. Are, lambuk tak inpidnak nap-nen at iri len obogolar-e, nir-e ap enabuwa kagwi yabu yu wanogola, nit ninmin waring kujwakluk len ibiga-o. Yabu yu wanogolar-e, Nagawan Indo unu kek tak puwokluk-nen na, ap yongga ondogolat nenalen min yongga indili nam tak puwokluk-nen na wanili-o.

2 KORINTUS 8:23

Titus iri perak nde, nannggam an totno yabu wanugwi nap, an totno yongga kundugwi nap-nen yusu-o. Nde, nennggamirak mberen at imin waring kali nap iri perak nde, lambuk tak inpidnak nap-nen wirik inpidnak nap, Kerisut unu kek tak pugwi nap-nen yili-o.

2 KORINTUS 8:4

Marak nap yongga undugwi enabuwa elem wanogolar-e, it enmanggim silobulo pul-o luk it inndi mbek tak pem-net nit nenmengen kiri keresa mbariga-o.

2 KORINTUS 9:5

Iri bem-e, nennggamirak yu-ge nandug-et kendam wirik onposolar-e, kit-nen ”Iri mende-t pul-o” luk urul pigep tol na nandug-et lid lud tak pobokluk kir-e nanduk mberer-o luk enmengen mbarigi-o. Nde, tol pugup iri-ge an-nen ”Iri nggal per-o” luk yak kindidnak pem pidnag-e lag-o. Are, kit kinndi konak iri bem-net pidnak tol irit ma-o.

PILIPI 4:18

Yawo-ge an-nen ukwe peraidnak oboksa-ge kit-nen namanggim pigepma wanigi iri-ge an-nen ukwe peraidnak ombol nggwe terak menna wanigi-o. Epaporotitus-nen wok nirigep mende wok niril lobok yamu-nen an-e mondok ndak worasu-o. Nde, silobulo wok nirigep iri-ge, emben konak mende nggal Mbal Pem Nagawan-nen kujwaklug-e, Mbal Pem Nagawan indingen tak posolat, alen tak posolar-e, Mbal Pem Nagawan amanggim wam wosa eyabi pugwi nggal-nen yusu-o.

1 PETERUS 4:10

Kir-e Mbal Pem Nagawan-nen we wok ondoso mende kona tena woragwi nap yogolar-e, kenariktak we wok kindidnak na bem-e kit na kit-net yongga yongga wolmer-o.