2 KORINTUS 8:3 - Nanduk Ngget Tul Pidnak Wene

³ It-nen kwariga wene ndemeret kenggel kendeyeg-o. It enarengge ndak ndag-et wok nindiga-o. Alat nde, terak menna wok nindiga-o.

2 KORINTUS 8:3 ပူးပေါင်းရင်းမြစ်များ

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

MARAKUS 14:8

Kwe yu-nen kwarid iri-ge, at-nen kwarurak irit kwarij-o. An yapma nibigit lak ma, abuwok ma-net yapma nuburak pem amburu nebem kilik pij-o.

YIDNAK YIDNAK WENE 11:29

Kwat yosoloma-ge, Yesus ene wanugwi nap-nen-e Yurea woragwi ennggamirak tak inpidnak nap na yongga unduwog-o luk, it komondomok insilobulo ndak ndag-et menggasa enmanggim piga-o.

OROMA 10:2

It-nen enmawi min-et Mbal Pem Nagawan erembel wanili-t nde, iri kwatli iri-ge ir-e ndemeret Mbal Pem Nagawan enaru-nen yili-ge lag-o luk an-nen yak kundusu-o.

1 KORINTUS 16:2

An lobok yosola tarem nak-nen tol ndok wuru-ge lag-o. Are, pempa pempa Hari Minggu tarem ndok worogolar-e, kit kenarik tak-net kontol wanugwi ndak ndak tol ereb-e menggesa ndok worogolat wolmer-o.

1 KORINTUS 9:17

An nindi-nen yabu wanosolat nggal-e, ”Onggo wok nerer-o” yeleb-o. Alat nde, an yabu wanusu yu-ge an nindi-nen wanusu-ge lag-o. An nebem-et pidnak ala-nen wanusu-o.

NGGALATIA 4:15

Kit kenalen kwarat kagolat woraigep na-ge ngge me-o? An-nen kenpem konggorosolar-e: Enlengen nde kulugwi nggal-nen-e kenlengen kela an wok netleb-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

KOLOSE 4:13

At iri-ge kit kenmanggim na, Laorikia min Kierapolis min woragwi enmanggim na, yabu amawisa wanusu-o luk an-nen kenggera yak kundusu-o.

1 TESALONIKA 2:8

Nir-e kit kenabuwa mondok kwarat iri-nen ndowaga Mbal Pem Nagawan-nen idnak aid wene nak tembesa wok kundurag-e lag-o. Are, nit nenpe min-et wok kundurag-e te-t woraige-o. Nir-e kit kenabuwa kwarat kagolat woraige-o.

PILEMON 1:14

kat-nen ”Ob-o” yigit lak ma, an-nen nak kwarurag-e meya-o. An nak-nen ndumu yurag-e lag-o. Are, kat kindi-nen peraruk nak-nen yongga nururag-e nindingen-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.