2 KORINTUS 8:23 - Nanduk Ngget Tul Pidnak Wene

²³ Titus iri perak nde, nannggam an totno yabu wanugwi nap, an totno yongga kundugwi nap-nen yusu-o. Nde, nennggamirak mberen at imin waring kali nap iri perak nde, lambuk tak inpidnak nap-nen wirik inpidnak nap, Kerisut unu kek tak pugwi nap-nen yili-o.

2 KORINTUS 8:23 ပူးပေါင်းရင်းမြစ်များ

LUKAS 5:10

Nde, Simon imin keyane wanugwi nap, Sebendeus ilirak Yakobus min Yoanes min-nen na wir-o luk yiga-o. Iri ala-ge, Yesus-nen Simon na yak tosolar-e: ”Kwiye kasu-ge meyog-o. Yawo-net keyane wanoso nggal ap wanoso nap kwat yugun-o” luk yak tij-o.

LUKAS 5:7

Iri ala karuk, it ennggamirak e koma nin arem worakmu, ”Yonggo nindil lobok yer-o” luk ininggi sambok yiga-o. Nde, it na lobok yigarik, e koma mberen iri na me keyane ya yebetsa pil nggurug-e, e koma ya na-ge yubuk yurak nggal yij-o.

YOANES 13:16

An-e ndemeret yak kundusu-o. Ndegel unpugwi nab-e at eid na teberak puruk, nggok-nen yusu-ge lag-o. Nde, wirik inpil mburugwi nab-e at ibil mbiridnak nap na teberak puruk nggok-nen yusu-ge lag-o.

1 KORINTUS 11:7

Ab-e Mbal Pem Nagawan ut mimirik nde, Mbal Pem Nagawan unu kek tak pugwi mende-nen yusu me, enanggulmbij-e purak pug-o. Alat nde, kwami-ge ap unu kek tak pugwi mende-nen yusu-o.

2 KORINTUS 12:18

Titus na kit kendam lobok yuwakluk emengen mbarigirig-e, at totno mburuwakluk nennggam misik iri-ge an-nen ibil lobok yigi-o. Nde, Titus-nen-e kit kinsilobulo mbi terak lesa wanid, lak? Titus nenmbereg-e Konak Indi misiget iri na-nen yidnak yidnak nak kwarogolat, nit nunuwok na misiget nak pugwi bug-a?

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

2 KORINTUS 8:16

Nir-e kit yongga kundurak pem ninndi embem yili nggal, Mbal Pem Nagawan-nen kit yongga kundurak pem Titus na indi embem wok tid iri bem nit Mbal Pem Nagawan wa yak tili-o.

2 KORINTUS 8:18

At imin ibil lobok yogolar-e, nennggam misik, aid wene yak indidnak pem lambuk tak inpidnak nap oboksa-nen at unu kek tak pugwi nap irit nit-nen ibil lobok yili-o.

2 KORINTUS 8:19

Iri nag-e lag-o. Are, lambuk tak inpidnak nap-nen at iri len obogolar-e, nir-e ap enabuwa kagwi yabu yu wanogola, nit ninmin waring kujwakluk len ibiga-o. Yabu yu wanogolar-e, Nagawan Indo unu kek tak puwokluk-nen na, ap yongga ondogolat nenalen min yongga indili nam tak puwokluk-nen na wanili-o.

2 KORINTUS 8:22

Iri bem-e, it mberen nap inmin-e nit nennggam misik ibil lobok yili-o. Nit-nen at iri indi ngal tenak woraige nggal-e, ap yongga undurak pem-e indi embem nde kaige-o. Nde, yawo-ge mondok at indi kit kenpem pidnak me, kit yongga kendeyekluk at amawi kundusu-o.

2 KORINTUS 8:6

Iri bem-e, ap enabuwa kagwi yabu tel kwirid nap Titus na-nen kit kendam lobok luk, yabu iri na kit kennggendumu iminep mbal makluk at emengen mbarige-o.

PILIPI 2:25

Nandug-er-e an nanggam yabu misiget erep wanogolat, wim misiget erep tomborogolat yoso nap, nonowot Epapororitus na-ge kit kendam ibil-et lobok yimin-o. At iri-ge an yongga nuruwakluk kit-nen ibil lobok yigep nar-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

1 TESALONIKA 2:2

Nde, nir-e nanduk Pilipi woragola-ge, lel mberel nonpogolat, nagweyak nggal tak nonpogolat yiga wene iri-ge kenaru nar-o. Alat nde, Mbal Pem Nagawan-nen ninndi kwiye lak tak posola-ge, nit ninmin kwarat wene eyak worogola-t nde, Mbal Pem Nagawan-nen idnak aid wene-ge kwiye lag-et yak kindige nar-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

TITUS 1:4

Kat min an min Yesus ebem ninndi angin tubu yigerik me, ndemeret nambara Titus kamanggim mbarusu-o. Nineid Mbal Pem Nagawan min Ninmiri Yoso Kerisut Yesus min-nen idnak we wok ondoso elem min yamuksa woragwi elem min-e kimin wolmag-o.

PILEMON 1:17

Iri bem-e, kat-nen nde an nimin-e ”Nit Kerisut ebem ninndi angin tubu yidnak nap misiger-a” luk neberasolar-e, Onesimus na tuguruk wok obosolar-e, an wok nibidnak nggal irit wok ibi-o.

PILEMON 1:24

An nimin yabu misiget erep wanugwi nap Marakus min Aristarakus min Ndemas min Lukas min-nen na irit wa yak kitli-o.

3 YOANES 1:8

Iri bem-e, nit Kerisut nap-nen-e nennggamirak Kerisut nap iri-ge ndemeret yabu wanili iri-ge totno wanidnak nggal-e mondok yongga undurag-o.