2 KORINTUS 8:19 - Nanduk Ngget Tul Pidnak Wene

¹⁹ Iri nag-e lag-o. Are, lambuk tak inpidnak nap-nen at iri len obogolar-e, nir-e ap enabuwa kagwi yabu yu wanogola, nit ninmin waring kujwakluk len ibiga-o. Yabu yu wanogolar-e, Nagawan Indo unu kek tak puwokluk-nen na, ap yongga ondogolat nenalen min yongga indili nam tak puwokluk-nen na wanili-o.

2 KORINTUS 8:19 ပူးပေါင်းရင်းမြစ်များ

YIDNAK YIDNAK WENE 14:23

Nde, it wirik inpidnak nap-nen-e lambuk tak inpidnak nap o nin me nin me woragwi na ennggendumu ogore yidnak nap mendak inpil lobok yiga-o. Mendak onpogolar-e, mburu ninggit lak tepan nak yogolat-nen ogore yidnak nap ereba na-ge ebem inndi angin tubu yidnak Nagawan Indo na eram kegera inggem inpiga-o.

YIDNAK YIDNAK WENE 15:22

Iri rak purug-e, it wirik inpidnak nap min ogore yidnak nap min-nen yogolar-e: ”Nit nennggendumu-nen ap erep len unpuruk, Paulus min Mbaranabas min mborogola inmin mburuwakluk lunuwog-o” yogolikma-ge, lambuk tak inpidnak nap pidsa-nen-e ”Ob-o” luk, ennggamirak tak inpidnak nap ennggendumu-nen unnu kek tak woragwi nap Yuras na unu misig-e Mbaranabas min Silas min na-ge lenak inpiga-o.

YIDNAK YIDNAK WENE 15:25

Iri bem-e, nit pidsa-nen ninndi misiget luk, nit-nen enabuwa kagwi nap Mbaranabas min Paulus min lobok yogola, inmin kendam lobok yurak nap erep len inpige-o.

YIDNAK YIDNAK WENE 19:22

Nde, at yongga tugwi nap mberen, Timotius min Erastus min Makeronia nanduk wirik inpij-o. Alat nde, at ariget nak siyak Asia iri me woragaij-o.

YIDNAK YIDNAK WENE 19:29

Yogolikma-ge, o siri iri me-ge nari wari mbogolar-e, ap kwarat ereba-nen-e Paulus imin waring kagwi Makeronia nap mberen Nggayus min Aristarakus min na lit unpuruk mbirigarik, keyari pugwi wi iri me inmin nggwiga-o.

OROMA 5:11

Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.

OROMA 5:3

Nde, iri kwarurak pem nak nenalen kali-ge lag-o. Nit andi bandi kali na bem nenalen kali-o. Nde, andi bandi mende iri-nen ninndi tugup lak uwi yaboso iri-ge nenaru me,

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

2 KORINTUS 8:11

Iri bem-e, yawo-net yabu na-ge worok tak per-o! Yabu na wanogolar-e, ”Iri nggal-et wanul-o” luk kenalen min-et wanigep iri nggal ndak ndak yabu na worok tak pogolar-e, kit kininggem worasu mende bem-net wanogolat wolmer-o.

2 KORINTUS 8:12

Kir-e kenalen min-et pugup ala-ge, Mbal Pem Nagawan-nen kit kininggem woraso mende iri ndak ndak irit wanuwa-o. Nde, enarengge lak kagir-et nde, Mbal Pem Nagawan-nen ”Wok niri-o” luk yoso bug-o.

2 KORINTUS 8:20

Inndi lubug-et Mbal Pem Nagawan amanggim pidnak silobulo kwarat yu tena woragolar-e, ap-nen nit nonpok puwa naru, nir-e mondok kwara tena worali-o.

2 KORINTUS 9:2

It yongga undurak pem kit kenalen yili iri-ge naru me, an-e Makeronia nap inmbiri bem kit kentembel wanosolar-e: ”Akaya nap iri-ge olengen nanduk woraige bem-net yongga undurak lid lud tak puruk woraiga-o” luk yak ondosolakmu-ge, kit kenmawi kwindigep iri na karuk, ap kwarat inndi te rak pigeb-o.

2 KORINTUS 9:8

Yi mende ndi mende oboksa bem pempa ndak woraboklug-e, Mbal Pem Nagawan-nen-e at-nen we wok ondoso mende nggilara ndak yaga wok kundurag-e ndak-nen yusu-o. Iri-nen-o kit-nen yi kwatlik ndi kwatlik konak nak kwarogolar-e, kenarengge-ge ndinik nak wolma-o.