2 KORINTUS 7:9 - Nanduk Ngget Tul Pidnak Wene

⁹ yawo nalin nalen kasu-o. Kit kinndi puru bera rak pigi bem-nen nalen kasu-ge lag-o. Are, kit kinndi puru bera luk, kondok yigep ala-nen nalen kasu-o. Kit kinndi puru bera yigep iri-ge Mbal Pem Nagawan indi-n pidnak pem-net yidnak me, nit-nen-e mariger-o luk meya rak kinpigit lag-o.

2 KORINTUS 7:9 ပူးပေါင်းရင်းမြစ်များ

MATIUS 3:8

Meya kwarugwi keya buruk, kondok luk-nen kwarugwi mende mbi nam tak per-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

LUKAS 15:7

Nde, an yak kendeyeg-o. Iri nggal, meya yidnak nap misiget kondok yidnak pem-e aid arem-nen enalen kwarat kujwa-o. Nde, lud tak nak kwarugwi nap sembilan pulu sembilan (99) iri-ge ir-e meya yugwi buk me, kondok yuwa buk nap it enpem-e enalen te nggal-et kujwa-o” luk yij-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 2:16

Nir-e lak momtak nap enabirumu-ge wat momtak emben meya kwat yusu-o. Nde, inmiri yurak nap enabirumu-ge unluk tak purak emben konak kwat yusu-o. Alat nde, yabu iri-ge ta nggal-nen nde ndak tak puwa-o?

2 KORINTUS 7:8

Nde, an mbal kindigi engga iri-nen kit kinndi pururak pid ala-ge, ”Noluk mbarigi-a?” luk perasu bug-o. Engga iri-nen ereya na-net kit kinndi puru rak posola karuk, ”Noluk mbarigi-a?” luk peragi-t nde,