2 KORINTUS 7:8 - Nanduk Ngget Tul Pidnak Wene

⁸ Nde, an mbal kindigi engga iri-nen kit kinndi pururak pid ala-ge, ”Noluk mbarigi-a?” luk perasu bug-o. Engga iri-nen ereya na-net kit kinndi puru rak posola karuk, ”Noluk mbarigi-a?” luk peragi-t nde,

2 KORINTUS 7:8 ပူးပေါင်းရင်းမြစ်များ

YOANES 16:6

Nde, wene yu yak kindigi bem-e, kit kinndi puru pera yili-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

2 KORINTUS 7:11

Nde, Mbal Pem Nagawan indi-n pidnak pem-nen kit kinndi puru bera yidnak iri-nen kit kenarem engen kwarat pid iri ker-o: Kir-e kondomok kenlat mbarogolat, kinsili-nen kinsilepma yogolat, kwiye yogolat, kenmawi kondogolat, ap-nen meya yidnak pem angin worak mende enpem purak kinndi yogolat yili irir-o. Iri kwarogolat-nen-e, wene iri oboksa bem-e kit-nen meya mbi kwatli buk irit yak nindili-o.

2 KORINTUS 7:12

Nde, an-nen engga iri mbal kindigi iri-ge, ap mbi meya yidnak pem-nen ala na, at meya rak ibidnak pem-nen ala na mbarigit lag-o. Are, yu bem-net engga na mbal kindigi-o: Mbal Pem Nagawan imbiri bem-et kir-e nit nenabuwa kwarat kagwi iri-ge kit nam-et kabokluk-nen mbal kindigi-o.

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

2 KORINTUS 7:7

At lobok yid pem nak ninndi yanggok yigit lag-o. Are, kit-nen at indi yangunigep wene iri-nen nindi kwarat yangunij-o. At-nen kit-nen kwaridnak yak nondosolar-e, nit niniyudtak kindingen yili wene min, kit kinndi puru yili wene min, an nimiri yurak pem kenmawi kwindili min yak nondosola, an nalin nalen mondok kwarat yusu-o.

2 KORINTUS 7:9

yawo nalin nalen kasu-o. Kit kinndi puru bera rak pigi bem-nen nalen kasu-ge lag-o. Are, kit kinndi puru bera luk, kondok yigep ala-nen nalen kasu-o. Kit kinndi puru bera yigep iri-ge Mbal Pem Nagawan indi-n pidnak pem-net yidnak me, nit-nen-e mariger-o luk meya rak kinpigit lag-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.