2 KORINTUS 7:4 - Nanduk Ngget Tul Pidnak Wene

⁴ An-e kit kinmin-e wene nam-et nak yoso-o. An-e kit kenpem-nen na nindi kek tak poso me, anggun worak mende kwarat nenpem mbidnak worasu-t nde, an nindi mondok yanggonak woralar-e, nalin nalen kwarat worasu-o.

2 KORINTUS 7:4 ပူးပေါင်းရင်းမြစ်များ

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

OROMA 5:3

Nde, iri kwarurak pem nak nenalen kali-ge lag-o. Nit andi bandi kali na bem nenalen kali-o. Nde, andi bandi mende iri-nen ninndi tugup lak uwi yaboso iri-ge nenaru me,

1 KORINTUS 1:4

Kerisut Yesus ebem Mbal Pem Nagawan-nen we wok ondoso elem na wok kindidnak pem, an-e pempa-nen Mbal Pem Nagawan ”Wiwa-o” yak toso-o.

2 KORINTUS 1:14

abok-nen mondok iminep mbara-t kenaru yugub-o luk an nindi mbung mbung tak worasu-o. Nde iri-ge, Yesus Kerisut-nen idnak tarem-nen nir-e kit kenpem ala ninndi abi kek tak pul nggal, kit-nen na nit nenpem ala kinndi abi kek tak pugub-o.

2 KORINTUS 1:4

Inndi yangonoso mende Mbal Pem Nagawan-nen nondomok tak wok nindidnak iri na bem-nen nit-nen na it anggun panggun nin tak nan tak enpem mbidnak nap na inndi yangunuwakluk, nit anggun panggun kagwi mende oboksa Mbal Pem Nagawan-nen-e nit ninndi yangonoso-o.

2 KORINTUS 10:8

Nde, kit mberak kunpurak pem-e lag-o. Are, kit mendak kunpurak pem Nagawan Indo-nen amawi wok nindidnak iri bem an nindi kwarat kek yusu iri bem an-e ninggiri kamin pug-o.

2 KORINTUS 11:21

An-e ninggiri min-et wene yu yak kundusu-o: Nit-nen iri nggal kwat kunpurag-e mondok kwiye-o. Alat nde, ap mbi-nen yi mende ndi mende bem kwiye lag-et at indi kek tak posola-ge, (An-e wid-nen yugwi nggal-et yusu-o) an-nen na kwiye lag-et nindi kek tak pimin-o.

2 KORINTUS 2:14

Alat nde, nir-e Kerisut ebem ombol nggwe yurak tulabiyem at-nen pempa wok nunpuruk mburusu bem-e Mbal Pem Nagawan wa yak tuwog-o. Emben konak mende wigaril mboroso nggal, Kerisut enaru yurak emben konak iri-ge nit nenpem nggwe-nen nin me nan me wigaril mburusu-o.

2 KORINTUS 3:12

Nit ninndi-ge wene iri bem mbung mbung tak woragolat me, nir-e kwiye lag-et yili-o.

2 KORINTUS 7:14

An-nen Titus imbiri bem kit kentembel kwarat wanigirik me, kit-nen an ninggiri rak pigit lak yigeb-o. Nir-e pempa ndemeret wene nak yak kondogolat woraige-o. Iri nggal, nit-nen Titus imbiri bem kentembel wanige wene na lud tag-et yij-o.

2 KORINTUS 8:24

Iri bem-e, nit-nen kit kentembel wanili na ndemerer-o luk kunpurujwak-nen kir-e lambuk tak inpidnak nap oboksa inmbiri bem ap enabuwa kagwi mende bem kwara enabuwa ker-o.

PILIPI 1:14

Nde, kere kamat nibidnak na bem-nen-e nennggamirak erep kwarat-nen-e Nagawan Indo ebem ala, ebem lud enmawi kunduruk, Mbal Pem Nagawan-nen yidnak wene-ge mondok kwiye lag-et ap yak indili-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

PILIPI 1:26

Iri bem-e an tuguruk kit kendam wok yosola-ge, an-nen yidnak pem Kerisut Yesus unu mondok kwarat kek tak pogolat woragub-o.

PILIPI 2:17

Alat nde, Mbal Pem Nagawan amanggim wam wosa bidnak nggal, at amanggim pidnak nggal, kit kinndi angin tubu yidnak pem an neyabi nde wirik purak ala-ge, an nalen kasolat, kit pidsa kinmin na nalen kasolat yeleb-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

1 TESALONIKA 2:2

Nde, nir-e nanduk Pilipi woragola-ge, lel mberel nonpogolat, nagweyak nggal tak nonpogolat yiga wene iri-ge kenaru nar-o. Alat nde, Mbal Pem Nagawan-nen ninndi kwiye lak tak posola-ge, nit ninmin kwarat wene eyak worogola-t nde, Mbal Pem Nagawan-nen idnak aid wene-ge kwiye lag-et yak kindige nar-o.

2 TESALONIKA 1:4

Kit iri nggal kwarogola me, Mbal Pem Nagawan-nen idnak lambuk tak inpidnak nap oboksa ennggendumu-nen nir-e kentembel wanili-o. Angin worak mende nin tak nan tak kenpem mbosola na, andi bandi mende kagolat na, kir-e kinndi angin tubu luk, mamak puruk worali me, nir-e kentembel wanili-o.

PILEMON 1:7

Nanggam Pilemon wa-e. Kar-e an nabuwa kasu bem-e an nalen tak posolat, nindi uwi ya bosolat yusu-o. Marak inpidnak nap pidsa na inndi uwi ya bigen-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.