2 KORINTUS 7:15 - Nanduk Ngget Tul Pidnak Wene

¹⁵ An-nen yebet keneyasolar-e, kir-e at-nen yidnak yidnak nak kwarogolat, kinndi kwiye min konowak lele min-et kit-nen kirip koropsa wa yak togolat yigep iri na yebet kasolar-e, at-nen kit kenabuwa-ge kwarat kasu-o.

2 KORINTUS 7:15 ပူးပေါင်းရင်းမြစ်များ

NDAK WIRIDNAK WENE 43:30

Nde, Yusup na-ge owot iri na karuk, abuwa-nen indi puru yosolat ondomok mamak purak meya ala karuk, it enndam ereya na-net at nene yoso sa nggosolar-e, yip tij-o.

1 NAGAWAN NAGAWAN-NEN KWARIDNAK WENE 3:26

Mbarurak wene iri na kulurug-e, ndemeret la iri ija iri na-nen yosolar-e: ”Nagawan kek tak wa-e. Mondok la iri-ge wururak pug-o. At irit urug-et wok turag-o!” luk yij-o. Nde, kwe iri na-nen iri yid iri-ge era indi kundugu iri-nen ndowaga-nen yij-o. Alat nde, kwe misik iri na-nen yosolar-e: Nit ponokigi we wolmok-nen mondok mbarurag-o” luk yij-o.

ESERA 10:9

Nde, kenan pem ereya na worarug-e, waneya sembilan tanggal duapulu iri bem-e o Yewura min Mbenyamin min nggweyak pem woragwi nap oboksa Yerusalem nak lobok yogolar-e, Nagawan Indo uwi mborom nak ndok wiriga-o. Nde, iri tarem-e mondok talme nggok irit mbosolar-e, toro-nen ap ereba na-ge enne-ge ndok lele enne waniga-o. Nde, ereb-e wene nggok mbatli iri na-nen ndowaga kwiye-nen enne-ge ndok lele enne waniga-o.

ESERA 9:4

Nde, an-e nindi mbel tenak iri na me-t koreyak worasoma-ge, o iri na-ge keyama Nagawan Indo amanggim kan purak ndak yosoloma, ap lobok yogolar-e, an neram lop lop wiriga-o. Nde, it lobok yogolar-e, ap Mbabilonia iri me mbo inpidnak sa-nen lobok yidnak nap ereba na-nen meya kwaridnak pem Nagawan Indo-nen enpem mbud momtak ereba na yebet karug-e, mondok kwiye kwarat yiga-o.

NDAWI ENGGA 119:120

An-e kat kaye-nen lele yosolat, kat-nen ap enpem wene nggaruksa mbarugun iri na bem nindi-ge purung purung yusu-o.

NDAWI ENGGA 2:11

Kwiye min-et Nagawan Indo nak kek tak eber-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

OSEA 13:1

Nde, nandug-e it enlem Eperaim iri-ge kek tak onpogolat, it enlem Eperaim iri-nen nde wene wirik pogola-ge, Isarael nap ennggendumu enlem erep ereba na-ge kwiye-nen tebek yugwi-t nde, enlem Eperaim iri na-ge kugwi Mbaal iri na erembel wanogolar-e, meya yiga-o. Iri bem-e it enlem iri-ge lak ma-o.

YOANES 16:21

Kwe mbi ela ndageyekluk woralar-e, yane wururak tarem panggo yosolar-e, kwe na andi bandi kaso-t nde, ela na ndaguruk nggwe-ge ’Nggweyak ma yu wolmomtak pem-e la mbi ndaki-o’ luk alen kasolar-e, andi bandi kaidnak na mid tak poso-o.

YIDNAK YIDNAK WENE 16:29

Yosoloma-ge, at-nen ”Tal warug-o” luk, puburak mborosolar-e, kwiye-nen owak kot kot min-et Paulus min Silas min endam erare nggwe tud yij-o.

1 KORINTUS 2:3

Nde, an-e kit kennggendumu woralar-e, ndeyak luk, kwiye-nen nowak lele lele min-et woragi-o.

2 KORINTUS 2:9

Wene yu bem-nen engga iri mbal kindigi-o: yi mende ndi mende oboksa ndak ndak kwarugup, lak? luk kinndi ngarosolat-nen mbarigi-o.

2 KORINTUS 6:12

Nit-nen-e kit wok kunpurag-e ndag-et nde, kit-nen-e nit wok nunpurag-e meya-o.

EPESUS 6:5

Ndegel unpugwi nap wa-e. Nggweyak ma yu me-n kit-nen ndegel unpugwi nagawan nagawan-nen yidnak yidnak nak kwarogolar-e, kinndi kwiye min konowak lele min-et kwarogolat wolmer-o. Kerisut ndegel ibili nggal-et kinndi mot mor-et ndegel onpogolat wolmer-o.

PILIPI 1:8

Mbal Pem Nagawan-e aru-o. Kerisut Yesus-nen kenabuwa kaso nggal, iri nggal-et an-e kit pidsa kenpem nindi mondok kwindik worasu-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

2 TESALONIKA 3:14

Nit-nen mbaridnak engga yu-nen yidnak yidnak nak kwaroso buk nap mbi worala-ge, kit-nen ap iri na lombot uburuk, at inggiri kujwakluk mondok imin are kundurak pug-o.

1 YOANES 3:17

Ap misik isilobulo kwarat worala-t nde, at anggam arengge lak me, indi kabak worala karug-et nde, at anggam yongga wirigit lak alar-e, iri yoso nab-e nggesa-nen ”An-e Mbal Pem Nagawan abuwa kasu-o” luk yuwa-o?