2 KORINTUS 7:14 - Nanduk Ngget Tul Pidnak Wene

¹⁴ An-nen Titus imbiri bem kit kentembel kwarat wanigirik me, kit-nen an ninggiri rak pigit lak yigeb-o. Nir-e pempa ndemeret wene nak yak kondogolat woraige-o. Iri nggal, nit-nen Titus imbiri bem kentembel wanige wene na lud tag-et yij-o.

2 KORINTUS 7:14 ပူးပေါင်းရင်းမြစ်များ

YOANES 17:19

Ir-e ndemeret wene bem lena kat karengge makluk, it enmanggim an-e kat karengge teyek-nen an-e an-net len yigi-o.

2 KORINTUS 10:8

Nde, kit mberak kunpurak pem-e lag-o. Are, kit mendak kunpurak pem Nagawan Indo-nen amawi wok nindidnak iri bem an nindi kwarat kek yusu iri bem an-e ninggiri kamin pug-o.

2 KORINTUS 12:6

An-net an nondomok nindi kek tak pelep nggal-e, an nindi kek pelep iri-ge ndemeret me, ”Wid-nen yugwi nggal yusu-o” luk yak nururak pug-o. Alat nde, ap-nen an neberagolar-e, an-nen kwarosola kaidnak pem-nen na, an-nen yosola kulidnak pem-nen na, niyujwag-o luk, an-e nondomok nindi kek tak pimin pug-o.

2 KORINTUS 2:13

Alat nde, nenggam Titus iri na kagit lak me, an nindi mondok kabak alar-e, o iri nap na an-e mburusu-o yak unduruk, Makeronia mbirigi-o.

2 KORINTUS 7:13

Iri bem-nen nit ninndi kwarat yanggwinij-o. Nde, nit ninndi yanggwinidnag-e iri nag-e lag-o. Kit pidsa-nen Titus kwarat indi yangonogola, at alen kwarat kaidnak iri na bem-nen nit-nen na nenalin nenalen kwarat kaige-o.

2 KORINTUS 7:4

An-e kit kinmin-e wene nam-et nak yoso-o. An-e kit kenpem-nen na nindi kek tak poso me, anggun worak mende kwarat nenpem mbidnak worasu-t nde, an nindi mondok yanggonak woralar-e, nalin nalen kwarat worasu-o.

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

2 KORINTUS 8:24

Iri bem-e, nit-nen kit kentembel wanili na ndemerer-o luk kunpurujwak-nen kir-e lambuk tak inpidnak nap oboksa inmbiri bem ap enabuwa kagwi mende bem kwara enabuwa ker-o.

PILIPI 1:26

Iri bem-e an tuguruk kit kendam wok yosola-ge, an-nen yidnak pem Kerisut Yesus unu mondok kwarat kek tak pogolat woragub-o.

2 TESALONIKA 1:4

Kit iri nggal kwarogola me, Mbal Pem Nagawan-nen idnak lambuk tak inpidnak nap oboksa ennggendumu-nen nir-e kentembel wanili-o. Angin worak mende nin tak nan tak kenpem mbosola na, andi bandi mende kagolat na, kir-e kinndi angin tubu luk, mamak puruk worali me, nir-e kentembel wanili-o.