2 KORINTUS 7:13 - Nanduk Ngget Tul Pidnak Wene

¹³ Iri bem-nen nit ninndi kwarat yanggwinij-o. Nde, nit ninndi yanggwinidnag-e iri nag-e lag-o. Kit pidsa-nen Titus kwarat indi yangonogola, at alen kwarat kaidnak iri na bem-nen nit-nen na nenalin nenalen kwarat kaige-o.

2 KORINTUS 7:13 ပူးပေါင်းရင်းမြစ်များ

OROMA 12:15

Enalin enalen kali nap inmin-e kit-nen na kenalin kenalen ker-o. Nde, yip tili nap inmin-e kit-nen na yib-et turag-o.

OROMA 15:32

Nde, iri-ge Mbal Pem Nagawan indi-nen nde ”Irit mag-o” yosola-ge, an nalen min-et kit kendam lobok yimindik, kit kennggendumu woralar-e, nindi yamuk ma-o.

1 KORINTUS 12:26

Ininggi unuwok misik nde andi ala-ge, ininggi unuwok erep pidsa-t andi yoso-o. Nde, ininggi unuwok misik nde kek tak obogola-ge, ininggi unuwok erep pidsa-nen enalin enalen kagwi-o.

1 KORINTUS 16:13

Kenpage kwil kwalsa wolmer-o. Kinndi angin tubu yidnak pem tugup lak woragolat, kwiye lag-et woragolar-e kenarong min wolmer-o.

1 KORINTUS 16:18

It-nen-e an min kit min ninndi alen tak piga-o. Iri nggal kwarugwi nab-e kek tak enper-o.

2 KORINTUS 2:13

Alat nde, nenggam Titus iri na kagit lak me, an nindi mondok kabak alar-e, o iri nap na an-e mburusu-o yak unduruk, Makeronia mbirigi-o.

2 KORINTUS 2:3

Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

2 KORINTUS 7:14

An-nen Titus imbiri bem kit kentembel kwarat wanigirik me, kit-nen an ninggiri rak pigit lak yigeb-o. Nir-e pempa ndemeret wene nak yak kondogolat woraige-o. Iri nggal, nit-nen Titus imbiri bem kentembel wanige wene na lud tag-et yij-o.

2 KORINTUS 7:15

An-nen yebet keneyasolar-e, kir-e at-nen yidnak yidnak nak kwarogolat, kinndi kwiye min konowak lele min-et kit-nen kirip koropsa wa yak togolat yigep iri na yebet kasolar-e, at-nen kit kenabuwa-ge kwarat kasu-o.

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

PILIPI 2:28

Iri bem-e, an-e ndag-et nak kit kendam ibil lobok yimin-o. Iri ala-ge, kit-nen at karug-e, kenalen kwarat kagola-ge, an nindi puru yidnak na-ge lak ma-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

PILEMON 1:20

Iri bem-e, nab-o. Nagawan Indo unu bem yongga niri-o. Kerisut ebem kundigerik me, nindi yamuk tak pi-o.

PILEMON 1:7

Nanggam Pilemon wa-e. Kar-e an nabuwa kasu bem-e an nalen tak posolat, nindi uwi ya bosolat yusu-o. Marak inpidnak nap pidsa na inndi uwi ya bigen-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.