2 KORINTUS 7:11 - Nanduk Ngget Tul Pidnak Wene

¹¹ Nde, Mbal Pem Nagawan indi-n pidnak pem-nen kit kinndi puru bera yidnak iri-nen kit kenarem engen kwarat pid iri ker-o: Kir-e kondomok kenlat mbarogolat, kinsili-nen kinsilepma yogolat, kwiye yogolat, kenmawi kondogolat, ap-nen meya yidnak pem angin worak mende enpem purak kinndi yogolat yili irir-o. Iri kwarogolat-nen-e, wene iri oboksa bem-e kit-nen meya mbi kwatli buk irit yak nindili-o.

2 KORINTUS 7:11 ပူးပေါင်းရင်းမြစ်များ

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

NDAWI ENGGA 119:139

An nimin sirid nab-e kat-nen mul ondoso wene ereba na-ge meme rak pogola karuk, an nisilepma-ge narem ket mbet mbusu-o.

NDAWI ENGGA 130:6

Kubu o yik karok woraso nap-nen ndag-et o kil puwag-o luk, indi iri na bem nak mbung mbung tak worasu-ge ija-t nde, an-nen nindi kat kebem mbung tak worasu-ge mondok terak minik-net yusu-o.

NDAWI ENGGA 145:19

At-nen-e at indi aye worak worali nap inndi alen tak onposolat, at-nen it enne mbo bil laidnak kuluruk, inmiri yosolat kwaroso-o.

NDAWI ENGGA 2:11

Kwiye min-et Nagawan Indo nak kek tak eber-o.

NDAWI ENGGA 42:1

Mbal Pem Nagawan wa-e. Urusa wam-nen yi ene worak mboroso norak indi eberek yusu iri na nggal an-e kat nere-nen nindi eberek yusu-o.

NDAWI ENGGA 69:9

Kat kuwi iri na undulu-nen an-e pabok pusu-o. Kat pesel kubugwi nap-nen pesel kibili ereba-ge an nebem-et mbusu-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

NDANIEL 6:14

Yosoloma, it-nen nagawan iri na yak togolar-e: ”Yewura-nen waga mbo bil lobok yidnak nap Ndaniel iri na-ge nagawan kar-e erengenma nggal tak kobosolat, kat-nen wirik pidnak wene min-et te rak pusu-o. Iri kwarosolar-e, tepan yosolar-e, misik tarem-e kenan pem-et pempa tepan yik tenak worasu-o” luk yak tiga-o.

MARAKUS 3:5

Enne lak alama-ge, Yesus na isilepma min lembena keya unpuruk, it na inndi amawi alama karuk, at indi puru agaij-o. Yurug-e, ap iri na yak tosolar-e: ”Kinggi mbung tak pi-o” luk yak tosoloma-ge at inggi mbung tak pidnggal-e, at inggi na ki agaij-o.

YOANES 2:17

Iri yosola-ge, at owosirak-nen-e ”Mbal Pem Nagawan wa-e. Kat kuwi abuwa kasolar-e, an nindi arem-e kan pago pidnak nggal nggulog-et kasu-o” luk engga wene Mbal Pem Nagawan engga bem mbaridnak iri na nde yebet kaiga-o.

YIDNAK YIDNAK WENE 17:16

Nde, Paulus na-ge mberen nap na yik eneyarok Atena worasolar-e, o iri me-ge kugiwak-nen yebet yidnak karuk, at indi puru kwarat agaij-o.

OROMA 11:20

Iri-ge ndemeret nde, it iri na-ge inndi angin tubu yigit lak pem-nen mbarak inpij-o. Nde, kit kinndi angin tubu yigep pem-e, kundik tugup lak worali-t nde, iri bem kit kondomok kek yurak pug-o. Are, mondok kwiye min-et wolmer-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

OROMA 3:5

Nde, nit-nen meya yidnak pem-nen-e Mbal Pem Nagawan-nen lud tak nak kwaroso iri na nam tak posola-ge, nir-e no wene nde yul-o? Nit meya yidnak pem Mbal Pem Nagawan isilepma nenpem posola-ge, ”Kar-e mot mot kwat nunpusu bug-o” luk yak tul-a? (An-e ki nap inmin yidnak nggal yigi-o.)

1 KORINTUS 12:25

Iri bem-e enpe iri ebem-nen kuri wat ma naru, ininggi unuwok arik tak iri-nen yongga yongga wolmakluk, irit pij-o.

1 KORINTUS 5:2

Iri nggal worasola-t nde, kir-e kinndi kek tak pili-o. Kit kinndi puru luk, iri nggal kwaridnak nab-e kit kennggendumu-nen lena mbepme rak peleb-o.

2 KORINTUS 13:7

Kit meya kwarugup naru, nir-e Mbal Pem Nagawan eram tepan yili-o. Iri yili iri-ge, nir-e ombol nggwe yidnak nap nggal yik niniyujwaklug-e lag-o. Are, nir-e mborok tak pugwi nap nggal tak nonpogola-t nde, kit konak nak kwarobog-o luk-nen yili-o.

2 KORINTUS 2:6

Kit kwarat-nen angin worak mende ap iri na ebem pigep iri-ge ndak kasu-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

2 KORINTUS 7:7

At lobok yid pem nak ninndi yanggok yigit lag-o. Are, kit-nen at indi yangunigep wene iri-nen nindi kwarat yangunij-o. At-nen kit-nen kwaridnak yak nondosolar-e, nit niniyudtak kindingen yili wene min, kit kinndi puru yili wene min, an nimiri yurak pem kenmawi kwindili min yak nondosola, an nalin nalen mondok kwarat yusu-o.

2 KORINTUS 7:9

yawo nalin nalen kasu-o. Kit kinndi puru bera rak pigi bem-nen nalen kasu-ge lag-o. Are, kit kinndi puru bera luk, kondok yigep ala-nen nalen kasu-o. Kit kinndi puru bera yigep iri-ge Mbal Pem Nagawan indi-n pidnak pem-net yidnak me, nit-nen-e mariger-o luk meya rak kinpigit lag-o.

2 KORINTUS 9:2

It yongga undurak pem kit kenalen yili iri-ge naru me, an-e Makeronia nap inmbiri bem kit kentembel wanosolar-e: ”Akaya nap iri-ge olengen nanduk woraige bem-net yongga undurak lid lud tak puruk woraiga-o” luk yak ondosolakmu-ge, kit kenmawi kwindigep iri na karuk, ap kwarat inndi te rak pigeb-o.

EPESUS 4:26

Kinsilepma yogolar-et nde, meya perak nde kwaru bug-o. Kit kinsilepma iri parugu woragolat, mo woroksa mbugu-o.

EPESUS 5:11

Ndamuk arem woragwi nap-nen ebe lak mende kwarugwi iri na min kundurak pug-o. Are, iri kwarugwi iri-ge kit-nen-e nam tak purag-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

1 TIMOTIUS 5:20

Ap erep inndi kwiye kujwakluk, it meya kwat tenak woragwi nab-e ap pidsa inmbiri bem-et innggiri wururag-o.

2 TIMOTIUS 2:15

Mbal Pem Nagawan-nen: ”An neyabu wanoso nap ndag-o” luk kuburujwaklug-e, kar-e ndemeret kamawi kondosolat wolmin-o. Nde iri-ge kat-nen yabu wanidnak na bem kinggiri kagun naru, ndemeret wene iri-ge mot mor-et mul ondosolat wolmin-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 4:1

Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.

1 PETERUS 2:2

Nde, kamo nonggolar-e, kenpe nggok yogolat, kinmiri yuwaklug-e, li nggisiya ngget nderak-nen ndemeret kamo nere yili nggal, iri nggal-et kit na ndemeret kamo Mbal Pem Nagawan-nen yidnak wene iri nere kagolat wolmer-o.

YURAS 1:23

it inmiri yuwakluk, kanduk arem-nen lesa inpil lumer-o. Nde, ap erep na enabuwa kagolar-e, kinndi kwiye min-et enabuwa kagolar-et nde, it unsum it enaboro-nen ukwe ukwe yugwi mende-nen kik tak pidnak sum iri-ge kinsili rak pugup na-e.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.