2 KORINTUS 7:10 - Nanduk Ngget Tul Pidnak Wene

¹⁰ Mbal Pem Nagawan indi-n pidnak pem-nen ap inndi puru bera yugwi iri-nen-e ap inndi kondok yogola, inmiri yurak pem-nen kwaroso-o. Nde, iri yidnak ala, ”Noluk iri nggal kwat ninpij-a?” yugwi bug-o. Alat nde, nggweyak ma yu-nen yidnak inndi puru bera yugwi iri-nen-e wat yugwi elem kwarak poso-o.

2 KORINTUS 7:10 ပူးပေါင်းရင်းမြစ်များ

NDAK WIRIDNAK WENE 30:1

Alat nde Arakel na-ge la ndakit lak irit woralar-e, ambap iri na bem erengen ale posolat-nen Yakup yak tosolar-e: ”La misik ndak niri-o. Lak nde ala-ge, an-e mondok wat yeg-o” luk yak tij-o.

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

2 SEMUEL 17:23

Nde, Agitopel na-nen yik kagaidnggal-e, at-nen yidnak wene-ge mondok nggarugwi buk ala karug-e, kelerai wam ombolwak pem kore yogolat-nen puruk kore yugwi ondoro iri na kelerai wam ombol pem puruk ebem kore luk, at ambik ama mberarig-e, at-nen kwarurak mururak ereba na ndegera kwatlug-e, ambikpebe urusuwak ngonoksa tiong yamu, at owe owot yapma unpugwi sa iri na me yapma ibiga-o.

1 NAGAWAN NAGAWAN-NEN KWARIDNAK WENE 21:4

Nabot-nen yak tid iri na kulurug-e, indi siklumu luk, isilepma min Akap iri na-ge ama mbirij-o. Mborosolar-e, erare kebet wok turuk nene yoso sa mbinggirik nak woralat nunggwi mende-ge ninggit lak keya bij-o.

NGGOMO WENE 15:13

Inndi arem enalen min woragola-ge, entare na yek tag-et woragwi-o. Alat nde, inndi puru rak woragolar-e, enpem nggwirik, enmawi lak woragwi-o.

NGGOMO WENE 15:15

Anggun panggun arem woraso nap-nen-e pempa anggun nak kasolat woraso-o. Nde, yek tak alen pem woraso nap-nen-e pempa yek tak alen pem woraso-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

YUNUS 3:10

Iri kwarogola, Mbal Pem Nagawan-nen-e it-nen kwatli iri na-ge kagaij-o. At-nen yik kasolar-e, it-nen meya kwarugwi enpage iri na-ge keya bidnak irit kagaij-o. Karug-e, at-nen-e lak tak unpurak indi yemnak pid iri na luruk tak posolar-e, lak tak unpurak yid iri na-ge larok yij-o.

YUNUS 3:8

Ap-nen na irit, wam-nen na irit, mondok karung sum nak yururag-o. Ap oboksa-nen niri nera meya kwaroso-o luk, kondok yogolar-e, ap oboksa-nen ndemeret kinndi-net Mbal Pem Nagawan eram tepan yurag-o. Nir-e mondok nenpage konogolat, nit-nen meya nak kwarugwi iri konogolat wolmomtag-o.

YUNUS 4:9

Alat nde, Mbal Pem Nagawan-nen Yunus yak tosolar-e: ”Kat-nen ol kere iri bem kisilepma yurak iri-ge ndak ndag-e lag-o” yosoloma, Yunus-nen onggo yosolar-e: ”Noluk-nen nisilepma yigit lak yurag-o? Mondok nisilepma kwarat yosolat wat momtak iri-ge ndak-net yusu-o!” luk yij-o.

MATIUS 26:75

Yosoloma-ge, Yesus-nen Peterus yak tosolar-e: ”Towe wam kusi ene yigit lak ma-net kenan pem an nimin-o: ’Ap iri-ge an naru bug-o’ luk yugun-o” yak tid iri na Peterus-nen yebet karuk, mbepme mberarig-e, yip kondok lud yij-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 18:13

Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

2 KORINTUS 12:21

An tuguruk wok yimin nggal, kit kinmbiri bem Mbal Pem Nagawan-nen an ninggiri wuruwa iri-ge nanduk kwarogolat woraidnak nap-nen-e it meya kwarogolat woragwi-ge kop kap tobok tak kwarugwi min kwami terak ye unpugwi min kwarugwi buk mende kwarugwi min iri kwarugwi keya buruk kondok yigit lak ala karuk, an-e yip kwarat timin-o luk numud kasu-o.

2 KORINTUS 7:9

yawo nalin nalen kasu-o. Kit kinndi puru bera rak pigi bem-nen nalen kasu-ge lag-o. Are, kit kinndi puru bera luk, kondok yigep ala-nen nalen kasu-o. Kit kinndi puru bera yigep iri-ge Mbal Pem Nagawan indi-n pidnak pem-net yidnak me, nit-nen-e mariger-o luk meya rak kinpigit lag-o.

IBERANI 12:17

Kir-e kenaru-o. Onggo wanarik ombol nggwe-nen-e eid-nen at imbiringgat tak uburak na indingen kwarat woragaij-et nde, at imbiringgat tak ibigit lag-o. Yip min-et emengen mbarij-et nde, at-nen kwaridnak iri tuguruk ndet yaga nin tak purag-e meya yij-o.