2 KORINTUS 6:6 - Nanduk Ngget Tul Pidnak Wene

⁶ Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

2 KORINTUS 6:6 ပူးပေါင်းရင်းမြစ်များ

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

1 KORINTUS 12:8

Konak Indi-nen-e ap misik wok tosolar-e, indi nggat nggat pem wene yoso iri wok tosolat, nde, Konak Indi misiget iri na-net nin nap wok tosolar-e, indi tenggerak pem wene yoso wok tosolat yusu-o.

1 KORINTUS 13:4

Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

1 KORINTUS 2:16

Mbal Pem Nagawan engga mbarak pem-nen yosolar-e: ”Nagawan Indo indi iri-ge ta aru-nen at mul turag-o?” luk yij-et nde, Kerisut indi-ge nit nenarem worasu-o.

1 KORINTUS 2:4

An-nen yoso wene min an-nen tomboroso aid wene min-e ap inndi tenggerak pem inndi lunugwi wene bem-nen yigi-ge lag-o. Alat nde, Konak Indi amawi-nen mirik onposo bem-nen yak kindigi-o.

2 KORINTUS 1:23

An-nen yimin wene yu-ge: ”Ndemeret wene-o” luk kungguruwak-nen an-e Mbal Pem Nagawan wene mbo busu-o. An nindi ar-e aru-o. An-e kit kenabuwa-nen Korintus iri me lobok yurak yigi-t nde, larok yigi-o.

2 KORINTUS 11:11

An-nen kit kenabuwa kagit lak yosolat-nen yigi-a? Lag-o. An-nen kenabuwa kaso iri-ge Mbal Pem Nagawan aru-o.

2 KORINTUS 11:4

Nde, ap-nen kit kendam lobok luk, nit-nen yak kindidnak Yesus-e lak, nin Yesus mbi owene yak kondogola na, nit-nen wok kindidnak Indi-ge lak, nin indi mbi wok kondogola na, nit-nen yak kindidnak aid wene-ge lak, nin aid wene yak kondogola na, iri-ge kit kenalen min-et wanili nag-o.

2 KORINTUS 11:6

An-e wene yoso bem-e nil kil tag-et nde, enaru yugwi mende bem-e mondok kwarat naru me, nir-e pempa yi mende ndi mende oboksa bem-nen an naru yidnak iri-ge nam-et mirik konpogolat woraige-o.

2 KORINTUS 12:15

Nde, an-nen perak nde nalen min-et an narengge oboksa kenmanggim posolat, an nondomok niminep wesel korasolat yimin-o. Nde, an-nen nde kit kenabuwa kwarat kasola-ge, kir-e ngge luk-nen an nabuwa mariget nak kudtag-o?

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 KORINTUS 2:10

Kit-nen nde ap misik-nen meya yidnak kenmberam tak pogola-ge, an-nen na nemberam tak pimin-o. Nde, an-nen nde ap meya yidnak nemberam tak posola ge, – an-e nemberam tak purak mbi mondok worala-ge – iri-ge kit kenpem ala Kerisut inmbiri bem-et nemberam tak pimin-o.

2 KORINTUS 2:4

Engga mbal kindigi iri-ge, an nindi kwarat puru luk, nindi andi min yip kwarat yosolat mbarigi-o. Alat nde, kit kinndi puru rak purak pem engga iri mbarigi-ge lag-o. Are, an-nen kit kenabuwa mondok kwarat kasu iri kenaru rak posolat-net mbarigi-o.

2 KORINTUS 3:3

Nde, Kerisut-nen mbaridnak engga nit-nen pil mburuwakluk ninggem pid engga iri-ge kit-net yili-o. Engga na-ge amburu bem-e mbarigit lag-o. Are, uruk nak woraso Mbal Pem Nagawan Indi bem-nen mbaridnag-o. Nde, kerepnen konidnak engga mbarugwi bem mbarigir-e lag-o. Are, ap inndi bem mbaridnak-nen yusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

2 KORINTUS 7:2

Kir-e kinndingen tak nenper-o. Nit-nen-e ap mbi lel mberel ibigit lak, ap mbi ombol pem lagit lak, ap mbi ebem-nen lesa wanigit lak yige-o.

NGGALATIA 3:2

Wene misiget yu nak yak nerer-o: Imiri mbarak pidnak wene-nen yidnak yidnak nak kwarigep pem-nen Konak Indi wanigep, lak? Are, aid wene kuluruk, iri bem kinndi angin tubu yigep pem-nen Konak Indi wanigeb-a?

NGGALATIA 3:5

Mbal Pem Nagawan-nen-e Konak Indi we wok kondosolat, kit kennggendumu-nen kwiye worak mende kwarusu iri-ge, kir-e imiri mbarak pidnak wene-nen yidnak yidnak nak kwarogola-nen iri kwarusu, lak? Are, kir-e aid wene kuluruk, iri bem kinndi angin tubu yigep pem-nen kwarusu-a?

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

EPESUS 3:4

Nde, iri bem kit-nen engga na wonarogolar-e, Kerisut ebem yidnak kura wene an-nen yebet kagi-ge kenaru ma-o.

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 2:3

Indi tenggerak elem oboksa min enaru yugwi elem oboksa min-e Kerisut arem-et kura worasu-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TESALONIKA 2:10

Kit-nen na irit, Mbal Pem Nagawan-nen na irit, wene yu-ge ndemeret wene-o luk kunggurugub-o. Nir-e kit kinndi angin tubu yidnak nap kwat konpogolar-e, marak nak, lud tak nak, siyak lugud tak pigit lak irit kwat kinpige nar-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 5:2

kweyap inndi worak inmin-e kiyarak nggal tak unpurag-o. Nde, kweyap ndugum inmin-e kindi mondok mbek tak pem-net kiridtak nggal tak unpurag-o.

2 TIMOTIUS 3:10

Alat nde, kar-e an-nen mul ondoso min an-nen woraso nebage min an-nen yebet karuk kwaroso min an nindi angin tubu yidnak min an-nen mamak puruk woraso min an-nen ap enabuwa kaso min an-nen tugup lak woraso min

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 YOANES 3:18

Nilirak wa-e. Nir-e ap enabuwa kagolar-e, we nenemnde bem nak-nen: ”An-e ap enabuwa kaso-o” luk yurag-e meya-o. Are, ndemeret ap enabuwa kagolar-e, nininggi-nen kwarugwi mende bem-net kudtag-o.

WENE MBENARUGWI NAP-NEN KWARIDNAK WENE 16:15

Iri ala karuk, Ndelila-nen yosolar-e: ”Kat-nen an yak norosolar-e: ’An-e kat kabuwa kasu-o’ yak nurusu iri na-ge yawo-ge kombol nggwe nak-nen yoso keyagi-o. Kenan pem-et kerengenma nggal tak nuburuk, yawo-nen na: ’An namawi-ge iri nggal-nen yusu-o’ luk yak nurusu bug-o” luk yak tij-o.