2 KORINTUS 6:5 - Nanduk Ngget Tul Pidnak Wene

⁵ Linggamburok nondogola, o kubu me ninpil nggogolat, ap kwarat-nen nenpem mbud yogolat yiga-o. Nenpabok lak yosolat, nene yigit lak, nunluk nak woragolat, nere kagolat yige-o.

2 KORINTUS 6:5 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:27

Waruk mburugupndig-e, ’O kubu me per-o’ yak ender-o. Nde, o kubu me purug-e, yi min nunggwi mende min mariget nak mak terenak worakmu, an-e nurug-et lobok yimin-o” luk yak indij-o.

YESAYA 53:5

Alat nde, ar-e nit-nen meya yidnak pem tege kundugu obogolat, nit-nen meya kwarugwi bem linggamburok worogolat kwariga-o. Nit ninmiri yuwakluk ar-e anggun panggun kagaij-o. At aboro tap yonok lonok mbosolat, mep yolo mbid ereba na-nen-e ki rak ninpij-o.

YEREMIA 38:6

Yak ondosoloma-ge, an-e tenaga wok nuburuk, kere yela nagawan ambara Malkia-nen idnak yi kenanggugwi nggweyak emnde mbaridnak nagawan woraso sa o mborom iri na me mberak nibiga-o. Nde, yi emnde mbaridnak iri-ge eberek yidnak, miril nak kobong tak iri na me miril arem mberak nibikma, mbigi-o.

YESKIEL 3:17

”Nggweyakma nap, lak yoso wa-e. Kar-e an-nen Isarael nap yik eneyarok wolmomtak nap irit lenak kibigi-o. Worasoma, an-nen it enmanggim kebem pimin wene-ge iri yak undurag-o.

MATIUS 14:10

Iri ala-ge, ap ndimirik enpamu, o kubu me iri me-nen Yoanes na urusu mbariga-o.

MATIUS 14:3

Nde, Erores na-nen-e Yoanes na tenaguruk, kere kamasa o kubu me pil nggwij-o. Iri kwarid iri-ge at owot Pilipus na ogwe Erorias na wene lit lit-nen iri kwat ibij-o.

MATIUS 9:15

Kin wok obogolikma-ge, Yesus-nen it yak ondosolar-e: ”Kwe wanurak nap iri na anggamirak-nen-e kwe wanurak nap na it inmin worasola-ge, inndi puru pera yugwi-a? Mondok lag-o! Alat nde, kwe wanurak nap na it ennggendumu-nen wok uburak tarem wok yosola-n perak nde mburu ninggit lak, we wolma-o.

YIDNAK YIDNAK WENE 13:3

Yak ondosoloma-ge, ir-e mburu ninggit lak woragolar-e, tepan luk, it ininggi-nen mberen nap na tena unpurug-e, wirik inpiga-o.

YIDNAK YIDNAK WENE 14:19

Alat nde, Yawuri nap ereb-e Antiokia min Ikonium min woragwi nap wok yogolar-e, o iri nap kwarat ereba na enarem worakola, it enambigit yogolar-e, Paulus-e kerep pem wutlug-e, ”Wat yamu-o” perarug-e, lit kuruk o siri leget ombol nggwe pil mbiriga-o.

YIDNAK YIDNAK WENE 14:23

Nde, it wirik inpidnak nap-nen-e lambuk tak inpidnak nap o nin me nin me woragwi na ennggendumu ogore yidnak nap mendak inpil lobok yiga-o. Mendak onpogolar-e, mburu ninggit lak tepan nak yogolat-nen ogore yidnak nap ereba na-ge ebem inndi angin tubu yidnak Nagawan Indo na eram kegera inggem inpiga-o.

YIDNAK YIDNAK WENE 17:5

Alat nde, Yawuri nab-e enlengen ale lug-e, onggo wanugwi sa-nen we nak woragwi meya nap kwarat ndok worak unpuruk, o iri na me laga mbaga rak pogolar-e, inni enne rak piga-o. Iri kwarogolar-e, Paulus min Silas min-e ap Yason ama worali-o luk, ap kwarat endam inpil lobok yuwog-o peragolug-e, Yason uwi na mijaruwokluk yiga-o.

YIDNAK YIDNAK WENE 20:31

Iri bem-e, kwil kwalsa wolmer-o. An-e olengen ebis-et kenan woralar-e, kubu-nen, lengge-nen yip lengen min-et kundugu kit pidsa nggomo kondosolat woragi na-ge kinndi yebet yebet tak wolmer-o.

YIDNAK YIDNAK WENE 23:10

Yuruk, it nak perang yogola-ge, ”It-nen Paulus iri pok tak puwa-o” perasolug-e, san winde wari-nen san winde yak ondosolar-e: ”Mburugupndik, kit kenarong-nen it ennggendumu-nen mengga wanuruk, san winde nenma waruk mberer-o” luk yak indij-o.

YIDNAK YIDNAK WENE 23:35

at-nen yosolar-e: ”Kat kebem wene pili nap wok yogola-ge, kowene kwara mbenarimin-o” yurug-e, ”Paulus yu-ge Erores ama iri me yik karok wolmomtag-o” luk yak indij-o.

YIDNAK YIDNAK WENE 24:27

Alat nde, molengen lasolat mbosolat mberen worarug-e, Pelik ondolma-ge Porokius Pestus nde piga-o. Nde, Yawuri nap indi leneyeklug-e, Pelik-nen-e Paulus na o kubu me ibil nggwidnak iri na-t keyap tak pij-o.

YIDNAK YIDNAK WENE 26:10

Yerusalem-nen iri kwarosolat woragi-o. Tepan omborak nagawan nagawan-nen ’Irit kwari-o’ luk yak niridnak pem-e, korak inpidnak nap kwarat o kubu me inpil nggosolat, it undurak wene mbarogola-ge, an-nen na ’Ob-et unduwag-a!’ luk perasolat woragi-o.

YIDNAK YIDNAK WENE 26:29

Yak tosoloma-ge, Paulus-nen yosolar-e: ”Ndag-et nak ala na, woraruk ala na kat karig-er-e lak. Are, kat min na an nene yawo kulili nap pidsa min na an nggal-et yeleb-o luk Mbal Pem Nagawan anggarem yusu-o. Nde, kere kamat nibidnak yu nggal yurak perak nde lag-o” luk yij-o.

YIDNAK YIDNAK WENE 28:30

Molengen lasolat mbosolat mberen pem woralar-e, Paulus-e at ambik-nen onggo pidnak o iri na me woralar-e, at eram lobok yidnak nap pidsa wok onposolat woralar-e,

YIDNAK YIDNAK WENE 5:18

wirik inpidnak nap tenaga o kubu me inpil nggwiga-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 4:11

Yawo-ne na nir-e mburu nere kagolat, yi nere kagolat, nunsum na ndelak nak yorogolat, nondogolat, nondoro kwasa woragit lak yogolat,

1 KORINTUS 7:5

Kir-e inmin nene yugwi iri bem-e yuk puk yurak pug-o. Nde, kit kenmberek wene mbarogolar-e: ”Tepan yogolat wolmok-nen-o” yuruk, iri kwarurak na keya buruk, tepan yurag-o. Yurug-e, kit kondomok-nen mamak purag-e meya me, Sere-nen kinndi ngaruwa naru, kenmberek lambuk yurag-o.

2 KORINTUS 11:27

An yabu kwarat wanosolar-e, nababok lak yoso-o. Kwarat pem nene yigit lak, nuruk nak woragi-o. Mburu nere yilik, yi nere yilik yoso-o. Kwarat pem-e nunggwi mende lak yilik, toro yilik, nusum lak we woralik yoso-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

TUGURUK YIDNAK WENE 25:3

Alat nde, empat pulu (40) ombol nggwe-ge wururak pug-o. Nde, empat pulu (40) ombol nggwe-t nde worogolar-e, ap kwarat enlengen pem ap iri na-ge nagweyak nggal tak obogolar-o.

PILIPI 1:13

Iri kwat nibidnak pem-e, it nagawan woraso sa woragwi nap oboksa min ap erep oboksa min-nen neberagolar-e, ”Ar-e Kerisut ebem-nen o kubu me ibil nggwiga-o” luk nam-et neyali-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 2:9

An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

IBERANI 11:36

Ap ereb-e nggweyel onpogolat, linggamburok ondogolat, kamasa o kubu me inpil nggogolat yiga-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

IBERANI 13:23

Nit nennggam Timotius na-ge o kubu me ibil nggwiga na-ge yawo weserak ibiga-o luk kenaru yobokluk-nen yak kundusu-o. Nde, at nde an worasu sa lobok yosola-ge, an-e kit kendam lobok yosolar-e, imin lobok yimin-o.

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.