2 KORINTUS 6:4 - Nanduk Ngget Tul Pidnak Wene

⁴ Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

2 KORINTUS 6:4 ပူးပေါင်းရင်းမြစ်များ

YESAYA 61:6

”Kir-e Mbal Pem Nagawan ndegel ubugwi nab-o” yak kondogolat, kunnu-ge ”Nagawan Indo-nen yidnak tepan ombo-o” luk yaruwa-o. Kir-e enlem nin nap enarengge ereba na bem kunluk konak woragolar-e, it enarengge ereba na bem kinndi kek yogolat woragub-o.

YOEL 1:9

Nggandum mbato min anggut min Nagawan Indo ama pugwi ereba na-ge pusa lak yamu me, tepan ombo pempa tugup lak Nagawan Indo ama yabu wanugwi ereba na-ge yip nggu lek tenak worali-o.

YOEL 2:17

Nde, tepan ombo Nagawan Indo ama iri na me yabu wanugwi nab-e Nagawan Indo amanggim kan pugwi iri na wok, iri-nen o panggo tumende bem iri na wok, enggendumu iri na me-nen yip togolat-nen tepan yogolar-e: ”Nagawan Indo wa-e. Kat kilirag-e enabuwa ki-o. Kat kilirag-e kat-nen keya unpugunmu, kopkap tobok yogola, ap enlem erep-nen eneyaruk yogolar-e: ’It Enmbal Pem Nagawan-e ngge me worasu-o?’ luk yuwa naru, keya unpurak pug-o” luk yuwakluk yak ender-o.

LUKAS 21:19

Kit-nen nde tugup lak mamak puruk woragup pem-e kinmiri yaga wanugub-o” luk yij-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

YIDNAK YIDNAK WENE 20:34

Nde, an min an nanggamirak totno nugwi nap min ukwe peragwi mende ndak wolmokluk an nondomok ninggi-net yabu wanoso iri-ge kir-e kenaru nar-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

OROMA 16:10

Kerisut ebem mamak puruk woragaid nap Apeles na min Aritobulus ama woragwi nap min inmin-e ”Wa yak kindij-o” luk yak undurag-o.

OROMA 3:5

Nde, nit-nen meya yidnak pem-nen-e Mbal Pem Nagawan-nen lud tak nak kwaroso iri na nam tak posola-ge, nir-e no wene nde yul-o? Nit meya yidnak pem Mbal Pem Nagawan isilepma nenpem posola-ge, ”Kar-e mot mot kwat nunpusu bug-o” luk yak tul-a? (An-e ki nap inmin yidnak nggal yigi-o.)

OROMA 5:8

Alat nde, nir-e meya yugwi nap woragola, Kerisut-e nenmanggim wat yamu me, iri bem-nen Mbal Pem Nagawan-nen nit nenabuwa kaso elem mirik ninpij-o.

1 KORINTUS 3:5

Nde, Apolos-e no nab-o? Paulus-e no nab-o? Nit mberen iri-ge Mbal Pem Nagawan ndegel ubugwi nap-nen yili-o. Nde, Nagawan Indo-nen at eyabu nenarik tak nenpem pidnak ala, nit-nen ndowaga kinndi angin tubu yigeb-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

1 KORINTUS 9:11

Nit-nen aid wene uwi-ge kit kennggendumu pil kaigerik me, kit-nen-e nggweyak ma mende nit wok nundurag-e nggog-a?

2 KORINTUS 11:23

Ir-e Kerisut ndegel ubugwi nap-nen yili-a? Ap indi wawa-nen yugwi nggal yimin-et nde, it na ndegel ubugwi-t nde, an-e terak menna ndegel oboso-o. It yabu-ge mariget waniga-t nde, an perak nde yabu kwarat wanigi-o. Ir-e siyag-et linggamburok undugwi-t nde, an perak kwarat pem linggamburok nurugwi-o. Ir-e misik tarem nggal-et o kubu me inpil nggugwi-t nde, an-e kwarat pem o kubu me nibil nggugwi-o. An-e kwarat pem wat yugwi tu nggambut mu wok yukmu-o.

2 KORINTUS 11:27

An yabu kwarat wanosolar-e, nababok lak yoso-o. Kwarat pem nene yigit lak, nuruk nak woragi-o. Mburu nere yilik, yi nere yilik yoso-o. Kwarat pem-e nunggwi mende lak yilik, toro yilik, nusum lak we woralik yoso-o.

2 KORINTUS 11:9

Nde, an kit kinmin woralat norol lak woralar-e, ap misiget ter-o luk kenpem tol nggi yigit lag-o. An-nen ukwe yidnak mende oboksa-ge nenggamirak Makeronia-nen lobok yidnak nap iri-nen wok niriga-o. Kit kenpem angin pimin naru, yi mende ndi mende bem an nindi-n luruk puruk worakmu, nde, abok na iri nggal-et kwarosolat woramin-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

2 KORINTUS 12:12

Wirik ibidnak nap-nen yusu-o luk yenggerak nuburak mende oboksa-ge kit kennggendumu-nen nindi mamak puruk kwarosolar-e, yenggerak purak mende min kagwi buk mende min kwiye worak mende min kwarosolat woragi-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

2 KORINTUS 4:17

Nde, yawo luru nenpem mbusu andi bandi mende te iri-nen-e woralik nalik momtak kek tak mende terak minik irit kwarak nunpusu-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

2 KORINTUS 4:8

Yi mende ndi mende bem mangonokma rak ninpidnag-et nde, ngonok tak ninpigit lag-o. Nit ninndi kabak yidnag-et nde, ninndi lele yugwi bug-o.

2 KORINTUS 7:11

Nde, Mbal Pem Nagawan indi-n pidnak pem-nen kit kinndi puru bera yidnak iri-nen kit kenarem engen kwarat pid iri ker-o: Kir-e kondomok kenlat mbarogolat, kinsili-nen kinsilepma yogolat, kwiye yogolat, kenmawi kondogolat, ap-nen meya yidnak pem angin worak mende enpem purak kinndi yogolat yili irir-o. Iri kwarogolat-nen-e, wene iri oboksa bem-e kit-nen meya mbi kwatli buk irit yak nindili-o.

KOLOSE 1:11

Enpem mboso mende oboksa kenpem mbosola-ge, kinndi luruk puruk woragolat, kenalen min-et woraboklug-e, at amawi kwarat iri-nen kenmawi rak posola-ge, kit kenmawi yugub-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

1 TESALONIKA 3:7

Nir-e andi bandi min anggun panggun min kagolar-et nde, kit konpok kulige iri-nen na kit kinndi angin tubu yidnak iri-nen na nit ninndi yamuk tak pij-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

1 TIMOTIUS 2:15

Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 2:24

Nagawan Indo ndegel poso nap-nen-e ngguno purag-e meya-o. Ap pidsa inmin-e yeget ndeget yosolat, ap mul ondoso aru nap yosolat, mamak poso nap yosolat,

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.

NAM PARA WENE 3:10

Kir-e an-nen: ’Mamak puruk wolmer-o’ yak kindigi wene na ndak ndag-et mamak puruk woraigepndik me, nggweyak ma nap oboksa inndi ngareyekluk, nggweyak ma nap oboksa enpem anggun panggun mende mbuma tarem-e an-nen-e kinmiri yimin-o.