2 KORINTUS 6:18 - Nanduk Ngget Tul Pidnak Wene

¹⁸ An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

2 KORINTUS 6:18 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 48:3

Koreyak worasolat-nen Yakup-nen Yusup yak tosolar-e: ”Mbal Pem Nagawan Mondok Amawi Worak iri na-nen-e o Kanaan wi Lus iri me-nen an nimbiri bem nam luk, imbiringgat tak nobosolat-nen

2 SEMUEL 7:14

Nde, an-e at eid kwat yimin-o. Nde, ar-e an nambara kwat ma-o. At-nen nde lugud tak kwarosola-ge, ineidtak-nen enmbararak undugwi nggal-et wirimin-o.

NDAWI ENGGA 22:30

Ap it inmbirik unluk wolma nap-nen-e Nagawan Indo at nak kek tak obogolat wolma-o. At owene-ge ap pem lud-nen wigarogolat wolma-o.

YESAYA 43:6

An-nen-e abare abam (utara) nggwe min abare ena (selatan) nggwe min yak tosolar-e: ’An nilirag-e pem tena unpuruk wolmomtak pug-o. Ndag-et nak lera keya enper-o’ yimin-o. An nambararag-e erepma-nen lobok yogolat, an nararag-e nggweyak erep yoboksa-nen lobok yogolat ma-o.

YEREMIA 31:1

Nagawan Indo-nen yosolar-e: ”An-e Isarael nap enlem oboksa Enmbal Pem Nagawan kwat yosolat, it na an nilirak kwat yurak tarem-e wog-et ma-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

YOANES 1:12

Alat nde, ap erep-nen-e at wok uburuk, at ebem inndi angin tubu yiga nab-e Mbal Pem Nagawan ilirak kwat momtak amawi wok indij-o.

OROMA 8:19

Ndak worak inpidnak mende oboksa-nen-e: ”Mbal Pem Nagawan ilirag-e mepme-n nam tak unpuwa-o!” luk yik karok inndi mbung mbung tak worali-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

EPESUS 1:5

Ar-e nit nenabuwa kaso bem-net Yesus Kerisut ebem ala, Mbal Pem Nagawan-nen-e nir-e at ilirak tak nunpurag-e nanduk-net iri mondok lud tak puruk woragaij-o. Iri rak nonposolar-e, at alen min-et at indi-nen puruk kwarij-o.

NAM PARA WENE 1:8

Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 21:22

Nde, Mbal Pem Nagawan uwi nggal-e Nagawan Indo Amawi Mondok Kwarat Mbal Pem Nagawan at ondomok min Loba Wam Marik min-net yili me, an-nen-e Mbal Pem Nagawan uwi o siri iri me-ge kagit lag-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.