2 KORINTUS 6:16 - Nanduk Ngget Tul Pidnak Wene

¹⁶ Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

2 KORINTUS 6:16 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:21

Iri yamu, ndok worogola, Elia na Isarael nap endam mberarik-nen yak ondosolar-e: ”Kir-e mepme-nen kinndi mberen worali iri-ge misiget tak pugub-o? Mbal Pem Nagawan iri nde ndemeret Mbal Pem Nagawan-et ala-ge, irit kek tak uburag-o. Nde, Mbaal iri nde mbal pem nagawan ala-ge, irit kek tak uburag-o” luk yak indij-o. Iri yak ondosola-ge, iri me ndok wiriga nab-e onggo yigit lag-o.

NDAWI ENGGA 90:1

Nagawan Indo wa-e. Kar-e ap pem lud woragolat nit kurak yugwi ondoro-nen yusu-o.

MBIRIGA WENE 20:3

Kir-e Mbal Pem Nagawan nin mbi tena wolmomtak pug-o. Alat nde, an nak kek tak nobogolat wolmer-o.

MBIRIGA WENE 23:13

Nagawan Indo an-nen yak kindigi wene-ge kwara yebet ker-o. Kir-e Mbal Pem Nagawan nin mbi erembel wanurak pug-o. Mondok unnu anggambut tet yurak pug-o” yij-o.

MBIRIGA WENE 34:14

Kir-e Mbal Pem Nagawan nin mbi erembel wanurak pug-o. Nagawan Indo Mbal Pem Nagawan an-e nin mende nan mende min ndak ndak tak nuburag-e mondok nisili-o.

YEREMIA 31:1

Nagawan Indo-nen yosolar-e: ”An-e Isarael nap enlem oboksa Enmbal Pem Nagawan kwat yosolat, it na an nilirak kwat yurak tarem-e wog-et ma-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

YESKIEL 36:25

Iri rak kunpurug-e, yi kopkap lak pem nggweyel yaga kenpem pimin iri-ge kit-nen erembel wanugwi kugwiwak oboksa min kik tak onposo mende-nen kit kopkap tobok tak kinpidnak ereba min oboksa masa labuk yobokluk-nen kwarimin-o.

YESKIEL 36:28

Worasola-ge, kir-e an-nen konmborak wok indigi o nggweyak iri na me-t woragub-o. Woragolar-e, kir-e an nilirak kwat yugub-o. Nde, an-e kit Kenmbal Pem Nagawan kwat yimin-o.

OSEA 14:8

It iri-ge tuguruk neram lobok yuwarik, an nindipma wolma-o. Ir-e nggandum ari nggal lagolat, anggut ari nggal wigak yogolar-e, anggut amburu Libanon woraso anggu obok mboroso nggal it enanggu onpog-e mburuwa-o.

OSEA 2:23

An-nen-e nilirag-e it unuwi nggweyak pem unpumu, enalen pem irit wolma-o. Nde, it unnu yogolat ’Enabuwa kaso buk’ yugwi ereba na-ge an-nen enabuwa kaso-o luk mirik inpimin-o. Nde, it erep unnu yarogolat, ’At ilirag-e lak’ yugwi ereba na-ge ’Kir-e an nilirag-o’ yak indimin-o. Iri yosola, it-nen onggo yogolar-e: ’Kar-e nit Nenmbal Pem Nagawan-nen yusu-o’ luk yuwa-o” luk yij-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 6:24

”Ap misik-nen-e eidtak mberentak ndegel unpugwi bug-o. Nde, iri kwarogolar-e, eid misik iri na isili rak posolat, misik iri na abuwa kujwa nde ma-o. Are, misik iri na kwara ndegel obosolat, nde, misik na kwara ndegel ibigit lak yosolat ma-o. Iri nggal, kit-nen na Mbal Pem Nagawan min nggweyak ma mende mberen ndugururag-e meyar-o.

LUKAS 5:36

Yurug-e, Yesus-nen nden karuk wene mbi yak ondosolar-e: ”Ap-nen-e sum umbuk ndelep yidnak panggarogolar-e, sum ngget pem umbuk min-e panggarugwi bug-o. Iri kwarosoma-ge, sum ngget na amawi-nen-e umbuk na ndelak poso-o. Iri-nen sum umbuk ebem ngget panggaridnak iri na ndak ndag-e lag-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 6:56

An nebe min neyabi min nasu nab-e at-nen an narem worala, an-nen na at arem-et worasu-o.

OROMA 8:11

Wat yidnak nap ennggendumu-nen Yesus uruk tak pid Indi iri na nde kit kenarem worala-ge, Kerisut Yesus wat yidnak nap ennggendumu-nen uruk tak pid nap at-nen-e kit kenpe wat momtak iri na irit uruk tak puwa-o. Iri kwat kunpuwa iri-ge at Indi kit kenarem worasu iri bem-net kwat kunpuwa-o.

OROMA 8:9

Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

OROMA 9:26

Nde, ’Kir-e an nelem nap-nen yili-ge lag-o’ yak indidnak sa iri me-nen-e ’Kir-e urug-et woraso Mbal Pem Nagawan ilirak-nen yili-o’ luk yak unduwa-o” yij-o.

1 KORINTUS 10:21

Kit-nen-e Nagawan Indo-nen idnak yimbe arem kenanggo nonggolat, kugi-nen idnak yimbe arem kenanggo nonggolat momtag-e lag-o. Kit-nen-e Nagawan Indo-nen idnak mburu nonggolat, kugi-nen idnak mburu na nonggolat momtag-e lag-o.

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

EPESUS 2:22

Kerisut ebem-net kit na irit, it erep inmin wok kunpuruk, Konak Indi ebem Mbal Pem Nagawan woraso uwi irit wurusu-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

1 TIMOTIUS 3:15

Alat nde, an ndag-et lobok yigit lak nde ala-ge, Mbal Pem Nagawan ama woragwi nap nggal, uruk nak woraso Mbal Pem Nagawan-nen idnak lambuk tak inpidnak nap nir-e ngge nggal woragwi-o luk karu yonokluk-nen mbarusu-o. Nde, lambuk tak inpidnak nab-e ndemeret wene paro min eyogo woraso min-nen yusu-o.

2 TIMOTIUS 1:14

Nit nenarem worasu Konak Indi amawi bem-nen kat kebem pidnak konak mende iri-ge kwara parugu wolmin-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

IBERANI 8:10

Nde, Nagawan Indo-nen yosolar-e: ’Alat nde yawo-ge Isarael nap inmin urul paga yak indimin wene na-ge yur-o: Abok woragolar-e, an-nen-e imiri mbarak pidnak wene iri na waga it inndi arem posolat, wene na-ge it inndi bem mbarosolat yimin-o. An-e it Enmbal Pem Nagawan kwat yosolat, nde, ir-e an nelem nap kwat yogolat mul-o.

YAKOBUS 4:5

Mbal Pem Nagawan engga bem-nen wene misik yosolar-e: ”Mbal Pem Nagawan-nen nit nenarem pid indi iri-ge mondok ukwe ukwe nak yoso indi irit pamu-o” luk yid iri-ge we ereya-t yij-e lag-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

1 YOANES 4:12

Ap misiger-o luk tet Mbal Pem Nagawan mondok kagwi bug-o. Nde, Nit-nen nde nabuwa kabuwa yogola-ge, Mbal Pem Nagawan-e nit nenarem woralat, nit nenarem-e at-nen enabuwa kaso elem na-ge iminep mbarak irit wolma-o.

1 YOANES 4:15

”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.

NAM PARA WENE 2:1

”Epesus woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at inggi kigit nggwe wonaru tuju na tenaga, emas-nen konidnak tal tuju na enggenggerak waring kasu nap iri-nen yidnak wene-o.

NAM PARA WENE 21:3

Iri luk, an kuliginggal-e, nagawan-nen koreyak woraso ondoro-nen ene ngguloksa yosolar-e: ”Yawo-ge Mbal Pem Nagawan woraso sa-ge ap ennggendumu worasu-o! Ar-e it inmin worala, ir-e at ilirak kwat ma-o. Nde, Mbal Pem Nagawan ar-et it inmin woralat, it Enmbal Pem Nagawan kwat ma-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.