2 KORINTUS 6:14 - Nanduk Ngget Tul Pidnak Wene

¹⁴ Kir-e inndi angin tubu yigit lak nap inmin-e yabu ndak ndak wanurag-e ndag-e lak me, it inmin yabu wanurak pug-o. Lud tak nak kwarugwi elem-e meya nak kwarugwi elem min-e nggesa lambuksa wolma-o? Nde, yaya-ge nggesa-nen ndamuk min misiget luk wolma-o?

2 KORINTUS 6:14 ပူးပေါင်းရင်းမြစ်များ

NDAK WIRIDNAK WENE 24:3

’An-e Nagawan Indo Mbal Pem Nagawan mbal min nggweyak min tena woraso owag-o. Kat kambara Isak amanggim kwe-ge o Kanaan yu kweyab-e mondok kore yimin pug-o’ luk yi-o.

1 NAGAWAN NAGAWAN-NEN KWARIDNAK WENE 18:21

Iri yamu, ndok worogola, Elia na Isarael nap endam mberarik-nen yak ondosolar-e: ”Kir-e mepme-nen kinndi mberen worali iri-ge misiget tak pugub-o? Mbal Pem Nagawan iri nde ndemeret Mbal Pem Nagawan-et ala-ge, irit kek tak uburag-o. Nde, Mbaal iri nde mbal pem nagawan ala-ge, irit kek tak uburag-o” luk yak indij-o. Iri yak ondosola-ge, iri me ndok wiriga nab-e onggo yigit lag-o.

NDAWI ENGGA 16:3

Ap marak o yu me worali-ge an-e kek tak unpusu-o. An-e it inmin lambuksa wolmomtak irit nindingen perasu-o.

MBIRIGA WENE 34:16

Kit kinlirak-nen nde erem nin kweyap wanogola-ge, onkwerak-nen ndowaga an keya nuburuk it unkugwiwak nde erembel wanuwa-o.

NGGOMO WENE 22:24

Ndag-et insilepma wu yugwi inmin-e yagiga kundurak pug-o.

TEPAN OMBO-NEN KWARURAK WENE 19:19

An-nen ’Iri kwarurag-o’ yak kindidnak nak kwarogolat wolmer-o. Wam unu misik mende-nen wam unu misik mende iye nujwakluk eram purak pug-o. Yakwi mende engen-e unu ariktag-et nde, ondoro misik me lambuksa yagurak pug-o. Nde, sum-e kere unu ariktak pem-nen yagidnag-e mondok yururak pug-o.

MALEAKI 2:11

Nde, Yewura nab-e Mbal Pem Nagawan-nen it inmin urul pid wene iri na kwid togolar-e, Yerusalem min iri me oboksa min ereba na me-ge meya unmunggum pil kagwi mende kwatli-o. It-nen Nagawan Indo uwi at indi kundik iri na emben to rak pogolar-e, erem nin nap unkugwiwak erembel wanugwi kweyap ereba na inmin wok kerak mbogolat kwatli-o.

MALEAKI 2:15

Mbal Pem Nagawan misiget iri na-net kit min konkwerak min-e kenpe min kinndi min-e misiget tak kinpid iri na-ge lag-a? Iri kwasa kinpid iri-ge Nagawan Indo indi-ge no peraruk-nen kinpij-o? Iri kwarid iri-ge nin pem-nen-e lag-o. Kit-nen kinlirak ndakola, kinlirak ereba na-ge ndemeret Mbal Pem Nagawan ilirak kwat makluk-nen kwarak kenpamu-o. Iri ala-ge, kit kennggendumu-nen konkwerak inmin tugup lak woragit lak yugub-o luk, kit na kit-net kondomok tak kinndi towarak wolmer-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

YIDNAK YIDNAK WENE 4:23

It mberen nap wisirik onpogolikma-ge, ennggamirak endam mbirigarig-e, tepan ombo nggulok min ogore yidnak nap min-nen it yak indidnak wene ndegera yak indiga-o.

1 KORINTUS 10:21

Kit-nen-e Nagawan Indo-nen idnak yimbe arem kenanggo nonggolat, kugi-nen idnak yimbe arem kenanggo nonggolat momtag-e lag-o. Kit-nen-e Nagawan Indo-nen idnak mburu nonggolat, kugi-nen idnak mburu na nonggolat momtag-e lag-o.

1 KORINTUS 15:33

Kenambik konmbol pem lali-ge meyog-o. ”Meya kwarugwi nap inmin totno are kondogolar-e, enpage konak kwarugwi na-ge lak tak poso-o.”

1 KORINTUS 5:9

An-e engga kenmanggim mbarigi na bem-nen yak kondosolar-e: ”Kir-e mbabi yugwi nap inmin erep kundik wolmomtak pug-o” luk yak kindigi-t nde,

1 KORINTUS 6:6

Are, anggam misik-nen anggam na ebem wene mbaruwakluk, inndi angin tubu yigit lak nap endam mburugwi-a?

1 KORINTUS 7:39

Un uruk worasola-ge, ogwe-ge un panggarak worasu-t nde, un na wat yosola-ge, at-nen indi nin nap ebem puruk, wanurag-e op-nen yusu-o. Alat nde, Nagawan Indo ebem indi angin tubu yidnak nab-et wanurag-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.