2 KORINTUS 5:9 - Nanduk Ngget Tul Pidnak Wene

⁹ Iri bem-e, nit nenpe imin woragolat-nen na irit, nenpe keya buruk-nen na irit, at alen tak ubuwokluk nenmawi kwindili-o.

2 KORINTUS 5:9 ပူးပေါင်းရင်းမြစ်များ

NDAK WIRIDNAK WENE 4:7

Kat-nen nde konag-et kwarigennggal-e, kerare-ge yek tag-et woraleb-o. Alat nde, kat-nen meya kwarosola-ge, meya elem karem nggweyekluk mondok komo panggo rak worasu-o. Meya elem-nen inggiyapma rak kebeyekluk worasu-t nde, kat-nen-e iri-ge urugwe nggwe rak pi-o” luk yak tij-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YIDNAK YIDNAK WENE 10:35

Alat nde, ab-e ap enlem ennggendumu-nen ta-nen nde Mbal Pem Nagawan aye kasolat, lud tak nak kwarosolat ma nab-e, Mbal Pem Nagawan-nen urugom tak pusu-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

OROMA 14:8

Nde, nir-e nunluk nde woragolar-e, Nagawan Indo amanggim nunluk wulmul-o. Wat yogolat na, Nagawan Indo amanggim-et wat yul-o. Iri bem-e, nunluk wolmomtak na, wat momtak na nir-e Nagawan Indo arengge-nen yili-o.

OROMA 15:20

An-nen peraso-ge yu-o: Kerisut unu kulugwi buk sa nak aid wene yak indil nurak peraso-o. An-e nin nap-nen o ugwi pidnak pem o wirimin naru-nen irit kwaroso-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

2 KORINTUS 5:6

Iri bem, nir-e pempa kwiye lag-et worali-o. Nit nenpe yu arem woragolar-e, Nagawan Indo imin-e erepma worali-o luk nenaru yili-o.

2 KORINTUS 5:8

An-e tuguruk yak kundusu-o. Nir-e kwiye lag-et woragolar-e, nenpe yu keya buruk, Nagawan Indo imin wolmokluk at eram mbururak perak nde mondok nindingen-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TESALONIKA 4:11

”Nir-e yamuksa wolmog-o” luk kinndi-nen peragolat, kit kondomok konowene mbarogolat, kit kondomok kininggi-nen yabu wanogolat wolmer-o luk nanduk-nen na yak kindige nar-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

IBERANI 12:28

Iri bem-e, nit nunuwi nggweyak iri-ge mondok tugup lak wolmomtak wi wok nindidnak me, Mbal Pem Nagawan wa yak togolat wolmog-o. Nde, Mbal Pem Nagawan-nen ”Iri nggal kwat nubuwag-o” luk yidnak pem at erembel wanogolar-e, ninndi kwiye min-et at kek tak pogolat wolmog-o.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.