2 KORINTUS 5:7 - Nanduk Ngget Tul Pidnak Wene

⁷ Nde, nit yawo mbitli yu-ge, nenlengen-nen kagwi mende bem mbitli-ge lag-o. Ninndi angin tubu yidnak pem-net mbitli-o.

2 KORINTUS 5:7 ပူးပေါင်းရင်းမြစ်များ

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

2 KORINTUS 4:18

Nit nenlengen-nen kwara yik kagolar-e, enlengen-nen kagwi mende-ge kali bug-o. Are, kagwi buk mende irit yik kali-o. Enlengen-nen kagwi mende-ge luru wolmomtak-nen yusu-t nde, kagwi buk mende-ge woralik nalik momtak-nen yusu-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

TUGURUK YIDNAK WENE 12:9

o Nagawan Indo-nen wok kunduwa iri na me kit-nen ngguruk, yamuksa kona wolmomtak iri na me-ge awo nggwigit lak-nen kwatli-o.

IBERANI 10:38

Nde, an nelem nap, lud tak nak tak inpidnak nab-e inndi angin tubu yidnak pem-net unluk wolma-o. Alat nde, ap misik-nen nde indi angin tubu yidnak keya bosola-ge, an-nen-e ap na ebem-e nalen kamin pug-o” luk yij-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 PETERUS 5:9

Kennggamirak Kerisut ebem inndi angin tubu yidnak nap yi wi ndi wi worali na kit andi bandi kali nggal-et kali iri-ge kenaru me, Kerisut ebem kinndi angin tubu yigep pem tugup lak woragolar-e, Sere imin kunsuru ndere yer-o.