2 KORINTUS 5:20 - Nanduk Ngget Tul Pidnak Wene

²⁰ Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

2 KORINTUS 5:20 ပူးပေါင်းရင်းမြစ်များ

NEMIA 9:29

Eneyanggo watluk, kat-nen yak indidnak wene kwara kwaruwakluk, kat-nen-e nggomo indingen-et nde, it-nen-e it-nen kwarurak enpem pidnak wene-ge inndi kek tak pogolar-e, keya biga-o. Ndemerer-e it-nen nde kat-nen kwarurak enpem pidnak ereba na nde kwarogola-ge, it unluk wolmomtak na-t nde, kulurag-e keya buruk, eneyanggo lak luk, lembe yogolar-e, kuligit lak yogolat, yidnak yidnak kwarigit lak yogolat yiga-o.

NGGOMO WENE 13:17

Wirik ibil lobok yidnak nap nari wari rak iri na-nen-e enare purak sa mberak onposo-o. Alat nde, wirik ibil lobok yidnak nap enmberam laso buk iri na-nen-e kona lambuksa woragwi rak poso-o.

YEREMIA 38:20

Yosoloma, an-nen onggo yak tosolar-e: ”Nagawan kar-e kegera it ereba ininggem kubuwa-ge lag-o. An-e kat nak perak Nagawan Indo-nen yidnak yidnak kwari-o luk mondok kemengen mbarusu-o. Iri kwarosola-ge mondok wene lag-o. Nagawan kat na mondok kuruwa bug-o.

MALEAKI 2:7

Ndemeret tepan ombo-nen kwarurag-e Nagawan Indo Mondok Kek tak an nowene ndemeret mot mor-et ap mul ondogolat wolmomtak irir-o. Nde, it iri-ge an-nen wirik inpil lobok yidnak me, ap-nen-e an nindi-nen pidnak wene-ge it irit kin wok onpogolat wolmomtag-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

LUKAS 14:23

Yosoloma-ge, eid na-nen ndegel oboso nap na yak tosolar-e: ’An nama yebet yuwaklug-e, kar-e tula nggok nggwe min marik nggwe min mborosolar-e, ap yorok porok wesu bem woragwi ereba kene lembesa langgara inpil lobok yi-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

OROMA 5:10

Nir-e Mbal Pem Nagawan imin wim mbarak woraige-t nde, at Ambara wat yid na bem-nen nir-e Mbal Pem Nagawan imin lambuk yige iri-ge ija-t nde, Mbal Pem Nagawan imin kundik nunpuruk, Yesus uruk woraso bem nit ninmiri yuwa iri perak nde ija lombog-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

2 KORINTUS 5:11

Nir-e Nagawan Indo aye kagwi nenaru me, ap enmengen mbatli-o. Mbal Pem Nagawan-e nit ninndi mondok nam-et kasu-o. Nde, an-nen perasolar-e, kit-nen na nit ninndi nam-et kali, lak? perasu-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

EPESUS 6:20

Aid wene waruk mburuwakluk, an-e wirik nibidnak nab-et nde, aid wene na bem o kubu me nibil nggwidnak worasu-o. Iri ala-ge, aid wene na-ge ”Iri nggal kwasa yonog-o” luk yak nirid nggal-et an kwiye lag-et wene iri yek-nen namanggim tepan yogolat wolmer-o.

KOLOSE 1:20

Iri ala-ge, Mbal Pem Nagawan indi-nen yi mende ndi mende oboksa-ge at ondomok imin lambuk tak posolar-e, at Ambara na ebem-nen lambuk tak pij-o. At Ambara-ge e lang pang tak pem wat yid iri bem-et Mbal Pem Nagawan-nen lambuk tak posolar-e, nggweyak ma woraso mende oboksa nde mbal pem woraso mende oboksa nde at ondomok imin lambuk tak pij-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.