2 KORINTUS 5:17 - Nanduk Ngget Tul Pidnak Wene

¹⁷ Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

2 KORINTUS 5:17 ပူးပေါင်းရင်းမြစ်များ

NDAWI ENGGA 51:10

Mbal Pem Nagawan wa-e. Kat-nen an nindi-ge ngget kopkap lak irit kwasa keya nibi-o. An nindi-ge kundik woraso elem iri na bem-nen ngget tak irit nibi-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESKIEL 18:31

Kit-nen meya kwarogolat woragwi iri keya buruk, kit kinndi min kit-nen yebet kagwi min ngget tak puruk wolmer-o. Noluk-nen kir-e wat yurak tula kore yili-o?

YESKIEL 36:26

An-nen-e kinndi masa ngget tak posolat, kit-nen yebet kagwi min ngget tak posolat kwarimin-o. Nde, kit kinndi amawi kerep nggal iri na ondolma-ge, yidnak yidnak kwarugwi inndi wok kindimin-o.

MATIUS 12:33

”Kit-nen nde e konag-o luk yogola-ge, engen iri na konag-er-o. Nde, e nde meya-o luk yogola-ge, engen iri na meyar-o. E engen poso bem-nen yenggerak kagwi-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

LUKAS 5:38

Iri bem-e, anggut engen amburu nggeret mbelag-e yimbe ngget arem-et woranggasa pil nggurag-o.

YOANES 14:20

Iri tarem wok yosola-ge, an-e Neid arem woralat, kit na an narem woragolat, an na kit kenarem woralat yusu-o luk kenaru yugub-o.

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YOANES 15:5

E elem-e an-net yusu-o. Nde, inggi-ge kit-net yili-o. Ap-nen an narem puksa woralat, an na at arem puksa woralat yidnak nap-nen-e engen kwarat lombok puwa-o. Nde, kir-e an narem puksa woragit lak ala-ge, yi kwatlik ndi kwatlik kwarugup pug-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

YOANES 3:3

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

YOANES 3:5

Yosoloma-ge, Yesus-nen at yak tosolar-e: ”An-e ndemeret yak kurusu-o. Yi min Konak Indi min-nen ndet inpigit lak nab-e, Mbal Pem Nagawan-nen tenagaidnak wi ngguwa bug-o.

OROMA 16:10

Kerisut ebem mamak puruk woragaid nap Apeles na min Aritobulus ama woragwi nap min inmin-e ”Wa yak kindij-o” luk yak undurag-o.

OROMA 16:11

An nelem nap Erorion min Narikitus ama woragwi Nagawan Indo ene wanidnak nap min inmin-e ”Wa yak kindij-o” luk yak undurag-o.

OROMA 16:3

An nimin totno Kerisut Yesus eyabu misiget erep wanugwi Periska min Akwila min inmin-e ”Wa yak kindij-o” luk yak undurag-o.

OROMA 16:7

An nelem nap an totno o kubu me ninpil nggwidnak nap Andoronikus min Yunias min inmin-e ”Wa yak kindij-o” luk yak undurag-o. Mberen nap iri-ge wirik inpidnak nap ennggenggerak-nen unnu kek tak pidnak nap-nen yili-o. An-e awo Kerisut ebem nindi angin tubu yigit lak ma-net it nanduk inndi angin tubu yidnag-o.

OROMA 16:9

Nit ninmin totno Kerisut eyabu misiget erep wanugwi Urabanus min nanggam nindi kundik Itakis min inmin-e ”Wa yak kindij-o” luk yak undurag-o.

OROMA 7:6

Alat nde, kamat nunpuruk woraso imiri mbarak pidnak wene na inggi wesera wat yigerik me, nit yawo-ge imiri mbarak pidnak wene inggem-nen weserak ninpidnak worali-o. Iri bem-e, nir-e nanduk ininggi-nen mbaridnak imiri mbarak pidnak wene na ndegel ibili-ge lag-o. Are, Konak Indi-nen mirik ninpidnak ngget mende iri ndegel ibili-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 13:11

Nde, an li marik worasolar-e, nene yoso min nindi-n peraso min yebet kaso min-e li marik-nen kwarugwi irit kwarosolat woragi-o. Nde, yawo an nindi worak yosolar-e, li marik-nen kwarugwi iri-ge keya bigi-o.

2 KORINTUS 12:2

An naru nap, Kerisut ene wanidnak nap misig-e lengen empat belas woraige ombol nggwe-ge aid arem tap kenan ombol nggwe mondok teram iri me lek karuk lagaij-o. (Nde, iri-ge ndemeret at ebe lek karuk laidnak min yid, lak? Are, engena nak nde yij-a? An-e naru bug-o. Mbal Pem Nagawan nak aru-o.)

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.

2 KORINTUS 5:19

Nit-nen yili wene-ge yu-o: It-nen meya yidnak na wonarigit lag-et, Mbal Pem Nagawan-nen-e Kerisut ebem ap oboksa at ondomok imin lambuk tak inpij-o. Nde, at-nen-e at imin lambuk tak unpurak wene iri-ge nit nenpem pamu-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

NGGALATIA 6:15

Iniye ambasap wabidnak na irit, iniye ambasap wabigit lak na irit, iri-ge ebe lak mende-nen yusu-o. Alat nde, nenpage ngget mende kwat yidnak iri perak nde nggulok-nen yusu-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 2:15

At-nen-e imiri mbarak pidnak wene min wene na-nen ”Iri nggal kwaru-o” yidnak wene min-e lak tak pij-o. Iri kwarid iri-ge enlem mberen kuri worak woraidnak iri na-ge at ondomok ebem-nen lambuksa ap elem ngget misiget nak kwarak puruk, lambuk tak enpeyekluk-nen kwarij-o.

PILIPI 4:21

Kerisut Yesus ebem woragwi marak nap oboksa-ge ”Wiwa-o yij-o” luk yak undurag-o. An nowosirak nimin worali nap-nen na wa yak kindili-o.