2 KORINTUS 5:14 - Nanduk Ngget Tul Pidnak Wene

¹⁴ Nde, Kerisut-nen nit nenabuwa kaso elem-nen-e nit tena nunpuruk worasola me, nit-nen yebet kagolar-e, ap misiget nak-nen ap oboksa enmanggim wat yid iri bem-nen ap oboksa wat yikma-o.

2 KORINTUS 5:14 ပူးပေါင်းရင်းမြစ်များ

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

LUKAS 15:24

An nambara yu-ge wat yidnag-et nde, uruk luk lobok yij-o. Pul agaij-et nde, nam yij-o’ luk yosoloma-ge, it na kijik kijak wiriga-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

LUKAS 24:29

it enmberek-nen at puk tak pogolat-nen yogolar-e: ”O ki yekluk, ndamuk yusu me, nit totno wolmog-o” yogolikma-ge, Yesus na-ge it inmin nene yekluk, it enma nggwij-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 11:25

Yosoloma-ge, Yesus-nen Marata na yak tosolar-e: ”Unluk tak onposo elem min unlug-et wolmomtak elem min-e an-net yusu-o. Inndi-ge an nebem angin tubu yuwa nab-e wat ma-t nde, unlug-et ma-o.

YOANES 5:25

An-e ndemeret yak kundusu-o. Wat yidnak nap-nen Mbal Pem Nagawan Ambara ene kuluruk, kulidnak nab-e unlug-et wolmomtak tarem-e wok yuwa-t nde, mondok wok yij-o.

YIDNAK YIDNAK WENE 18:5

Nde, Silas min Timotius min-e Makeronia-nen wok yogola-ge, Paulus na-ge pempa aid wene yik tenak woralat-nen Yawuri nap yak ondosolar-e: ”Yesus iri-ge Mesias-nen yusu-o” luk kenggera yak ondosolat woragaij-o.

OROMA 2:2

Iri mende kwarogolat woragwi nap enpem wene mbarosolar-e, Mbal Pem Nagawan-nen lud tak wene nak mbarusu-o luk, nit nenaru yili-o.

OROMA 5:15

Nde, ap misik Yesus Kerisut-nen lud tak nak kwaridnak pem Mbal Pem Nagawan-nen-e at we wok ondoso elem-e ap mondok kwarat wok indij-o.

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

OROMA 6:6

Nde, wene yu-ge nenaru nar-o. Nit meya kwarugwi nenpage iri na yigisa lak tak peyekluk, nit nenpage nanduk mende iri-ge Kerisut imin e lang pang tak pem worak pamu-o. Iri kwarid iri-ge, nir-e meya kwarugwi elem na ndegel pogolat wolma naru-nen kwarij-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

2 KORINTUS 3:7

Imiri mbarak pidnak wene iri-ge hurup ”a,e” oboksa-ge kerep pem lel kasolat-nen mbarid wene iri-ge, wat momtak wene nde mbarij-o. Alat nde, wene iri wok tid tarem-e Mbal Pem Nagawan abinal pem-net wok tij-o. Abinal iri-ge lak agaij-et nde, Musa erare abinal-nen Isarael nap-nen at erare yik kudtag-e meya yamu-o.

2 KORINTUS 3:9

Nit nenpem anggun worak mende purak wanidnak yabu iri perak abinal worak woragaij-o. Alat nde, nit nenpem mbaridnak wene iri na lak tak purak wanidnak yabu iri-ge abinal worak terak minik-net yusu-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

KOLOSE 2:13

Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

KOLOSE 3:3

Kir-e wat yigepma-o. Nde, kunluk worali iri-ge Kerisut ebem-net Mbal Pem Nagawan arem kura worali-o.

1 TIMOTIUS 2:6

Ap pidsa meya inggem-nen wisirik enpeyekluk onnggo posolar-e, Yesus-e at ambikpebe iminep wisirik pamu-o. At wat yid iri-ge, Mbal Pem Nagawan-nen ap pidsa inmiri yurak yidnak iri na yenggerak purak pem iri tarem-et wat yij-o.

1 TIMOTIUS 5:6

Alat nde, at ukwe ukwe mende nak kore yoso kwe togwe iri-ge urug-et nde, wat yidnak-nen yusu-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

IBERANI 2:9

Alat nde, nir-e Yesus kali-o. Nde, Mbal Pem Nagawan-nen we wok ondoso elem pem ap oboksa enmanggim wat makluk Yesus iri-ge luru nak aid nap indipma teberak ibij-o. At andi bandisa wat yid iri bem-e yawoge ar-e nagawan nggulok kek tak pidnak irit kali-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.