2 KORINTUS 4:9 - Nanduk Ngget Tul Pidnak Wene

⁹ Lel mberel ninpidnag-et nde, nenarik keya ninpigit lag-o. Nggwin yaga mberak ninpidnag-et nde, wat yigit lag-o.

2 KORINTUS 4:9 ပူးပေါင်းရင်းမြစ်များ

NDAWI ENGGA 22:1

Nembal Pem Nagawan wa-e. Nembal Pem Nagawan wa-e. Kar-e noluk keya nubusu-o? An-e kat keram wene mbo bil luwasu-t nde, kar-e nene kuligit lak yosolat an-e yongga nurusu bug-o.

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

NDAWI ENGGA 42:11

Noluk-nen an-e nindi abi kalok yosolat, yane wat tenak worasu-o? An-e Mbal Pem Nagawan ebem nindi mbung mbung tak woralat, an-e Nembal Pem Nagawan, nimiri yoso nap iri na wiwa-o yak tosolat woramin-o.

NDAWI ENGGA 42:5

An-e noluk-nen nindi puru yosolat, yane wurusu-o? An-e Mbal Pem Nagawan ebem nak nindi wat tak puruk worasu-o. Iri kwarosolar-e, an-e tuguruk at erembel wanosolat, Nembal Pem Nagawan, nimiri yoso nap iri nak wa yak tosolat woramin-o.

NGGOMO WENE 24:16

Mot mot woraso nab-e wosa mberenak wolma-t nde, pempa men yik tenag-et wolma-o. Alat nde, meya yugwi nab-e lak tak onposo mende-nen mondok yigisa lak tak unpuwa-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

MIKA 7:8

Nir-e wosa mbige-t nde, mondok tugurug-et men-et mul me, nit yigisa keya ninpidnak iri na bem nit nunuwim nap-nen-e enalen yurag-e meya-o. Yawo na ndamuk arem worali-t nde, Nagawan Indo-nen-e yaya rak nunpuwa-o.

ABAKUK 3:17

E ara na engen pigit lak yosolat, anggut ari na engen pigit lak yosolat, saitun engen mbarugwi tarem wok yidnag-et nde, ebe kwara mbarugwi na lak yosolat, nggandum mbato yapmu yagidnak na kwara pigit lak yosolat, lomba wam ereba na oboksa wat yosolat, wam uwi ereba na ondoro nak yosolat ma-t nde,

YOANES 15:20

’Ndegel unpugwi nab-e at eid na teberak puruk, nggok yusu bug-o’ luk yak kindigi wene na yeberak wolmer-o. Nde, it-nen nde an lel mberel nibidnak ala-ge, kit na lel mberel-et kunpuwa-o. Nde, it-nen nde an-nen yidnak yidnak nak kwaridnak ala-ge, kit-nen yidnak yidnak na kwaruwar-o.

OROMA 8:35

Kerisut-nen nit nenabuwa kaso iri na arem woragola-ge, ta-nen kuri worak nunpuwa-o? Inndi kabak yugwi mende-nen na, angin worak mende-nen na, lel mberel unpugwi mende-nen na, nere-nen na, enarengge lak woragwi bem-nen na, kwiye kagwi mende bem-nen na, wim-nen na, iri-nen-e Yesus nenabuwa kaso iri na arem-nen kuri worak nunpuwa-a?

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

2 TIMOTIUS 3:12

Kerisut Yesus imin kundik woragolat-nen Mbal Pem Nagawan-nen kwaroso nggal kwaruwokluk yuwa nap pidsa-ge lel mberel unpuwar-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.