2 KORINTUS 4:8 - Nanduk Ngget Tul Pidnak Wene

⁸ Yi mende ndi mende bem mangonokma rak ninpidnag-et nde, ngonok tak ninpigit lag-o. Nit ninndi kabak yidnag-et nde, ninndi lele yugwi bug-o.

2 KORINTUS 4:8 ပူးပေါင်းရင်းမြစ်များ

NDAWI ENGGA 37:33

Alat nde, Nagawan Indo-nen-e konak nap iri na-ge kegera at uwim nap inggem keya boso bug-o. Iri-nen ebem wene mbarogolat-nen na angin worak ebem puwakluk keya boso bug-o.

YESAYA 40:31

Alat nde, ap Nagawan Indo ebem wat tak worali nab-e enmawi ngget irit wok unduwa-o. It iri-ge towe ud isiyamu-nen kudsa mondok teram abu pubu mburusu iri nggal pubu mburuwa-o. Ir-e pong kil mborogolar-e, enpabog-e lak ma bug-o. Ir-e tula mborogolar-e, ndeyak ma bug-o.

ABAKUK 3:17

E ara na engen pigit lak yosolat, anggut ari na engen pigit lak yosolat, saitun engen mbarugwi tarem wok yidnag-et nde, ebe kwara mbarugwi na lak yosolat, nggandum mbato yapmu yagidnak na kwara pigit lak yosolat, lomba wam ereba na oboksa wat yosolat, wam uwi ereba na ondoro nak yosolat ma-t nde,

YOANES 14:18

An-e li mul nggal keya kinpimin pug-o. Kendam lobok yimin-o.

1 KORINTUS 10:13

Kit kenarem woraga pil nggoso mende iri-ge arig-e lak, ap pidsa-nen kagwi mende-t kenpem mbusu-o. Alat nde, Mbal Pem Nagawan-e mot mot nak kwaroso me, kit kenmawi ndak ndag-e lak siyak terak menna kenarem woraga pil nggurak mende-ge kenpem mbuma naru, keya kunpuwa bug-o. Are, kenarem woraga pil ngguwa tarem-net at-nen-e mamak pobokluk wesera mbururak tula mirik kunpuwa-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

2 KORINTUS 6:12

Nit-nen-e kit wok kunpurag-e ndag-et nde, kit-nen-e nit wok nunpurag-e meya-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

2 KORINTUS 7:5

Nde, Makeronia wok luk ombol nggwe-nen-e nir-e nenaboro yamuksa woragit lag-o. Nin me, nin me na nir-e anggun panggun nak kagolar-e, ap erep inmin ngguno nak pogolat, nenarem-nen-e kwiye kagolat woraige-o.

NGGALATIA 4:20

An-nen yak kundusu wene yu-ge siyak nin nggal tak peyeklug-e, an-e kit kinmin totno woraleb-a! Nde, kit kenpem ala, an nindi kabak yusu-o.

1 SEMUEL 28:15

Iri lug-e Semuel-nen Saul yak tosolar-e: ”Kar-e noluk-nen an sil neyasu-o? Noluk-nen kar-e tuguruk an wene mbo nubusu-o?” yosoloma Saul-nen onggo yosolar-e: ”An-e Pilisin nap-nen mondok nebem kore yogola nindi kabak yosolat-nen yusu-o. Mbal Pem Nagawan-nen na abu keya nuburuk, an nene na kulusu bug-o. At ene lomboksa yugwi nap enpem-nen na irit, nabi bem-nen na irit mondok onggo yak nurusu bug-o. Iri ala karuk, an-nen kwarurak wene-ge nombo kat-nen mul noronokluk kin wok kubusu-o” luk yak tij-o.

1 SEMUEL 31:4

Iri yikma, Saul-nen ap sujwe at esan waruk noso nap iri nak yak tosolar-e: ”An-e Nagawan Indo enaru buk nap ereba-nen tena nuburuk pesel nebaga keya nuburuk nururag-e mondok nimbit me, kat-nen yalawi iri lit yaga niri-o” yak tij-o. Alat nde, ap sujwe iri na-nen-e Saul iri na kwara kek tak oboso me, wururag-e kwiye-nen larok yij-o. Iri ala karuk, Saul na-ge at ambik eyalawi iri na sindik puruk indi-net yebaksa ambik eyalawi anggat pem mbosolat, wat yij-o.