2 KORINTUS 4:7 - Nanduk Ngget Tul Pidnak Wene

⁷ Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

2 KORINTUS 4:7 ပူးပေါင်းရင်းမြစ်များ

AYUP 4:19

Nde, nggweyakma nap nggweyak-nen yumaga konidnak ereba enpem-e ndag-o luk indi enpem puwa perasu-a? It iri-ge ngginggiris nggal tebera lak tak unpurak ndak-net yusu-o.

MATIUS 13:44

”Mbal Pem Nagawan-nen tenagaidnak wi iri-ge yapmu nggweyak arem kura worasoma onggo nggulok pugwi silobulo mbi ap misik-nen silobulo iri kwat kasoluk, tuguruk ondolma purug-e, alin alen karuk mborosolar-e, at arengge oboksa wene wosa onggo wanuruk, uwang iri na bem yabu iri na onggo pid iri nggal-nen yusu-o.”

MATIUS 13:52

Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

1 KORINTUS 1:28

Nggweyak ma yu-ner ebe worak yik kagwi mende na lak takpuwaklug-e, Mbal Pem Nagawan-nen unnu teberak mende min ap-nen no mende nggal yik kagwi min ebe lak mende min irit len inpij-o.

2 KORINTUS 10:10

Ap misik-nen yosolar-e: ”Paulus-nen engga mbaridnag-e kwiye worak, andi le worak mbaroso-t nde, nit nendam-nen-e abage-ge ndeyak, ene na ebe lak wene yoso-o” luk yusu-o.

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

EPESUS 2:5

nir-e at ene kuruk tidnak pem-nen ninndi wat yidnak woraige-t nde, Kerisut uruk tak pid tarem-e Kerisut imin nit na nunluk tak pij-o. Mbal Pem Nagawan-nen we wok ondoso elem pem-net kir-e kinmiri yij-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

KOLOSE 2:3

Indi tenggerak elem oboksa min enaru yugwi elem oboksa min-e Kerisut arem-et kura worasu-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

1 TESALONIKA 4:4

Kit ap kenambik tak-nen konkwe wanogolar-e, marak nak woragolar-e, konak nak kwarurak iri-ge kenaru tobog-o.

2 TIMOTIUS 2:20

O nggulok arem-e piring min togolwak min kwarat worasu-o. Ereb-e emas min perak min pem-nen konidnak nak worasu-ge lag-o. Are, e min nggweyak min pem-nen konidnak na worasur-o. Nde, ereb-e nggulok sakwi tarem-nen wanogolat, nde, ereb-e we tarem-nen wanugwi-o.

WENE MBENARUGWI NAP-NEN KWARIDNAK WENE 7:2

Nagawan Indo-nen Nggireyon yak tosolar-e: ”Kat kimin mbururak nab-e kwarat me, an-nen Mirian nap urugwe nggwe rak unpuruk ir-e ombol nggwe rak inpimin pug-o. Nde, iri yimin iri-ge kat kowosirak inndi arem-nen yebet kagolar-e: ’Nit nenmawi bem-net nir-e ombol nggwe yige-o’ luk, an nerembel wanigit lak yurak ala karuk, kwarimin-o.