2 KORINTUS 4:6 - Nanduk Ngget Tul Pidnak Wene

⁶ Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

2 KORINTUS 4:6 ပူးပေါင်းရင်းမြစ်များ

NDAK WIRIDNAK WENE 1:3

Nde, Mbal Pem Nagawan-nen yosolar-e: ”Yaya min-o” yosoloma, yaya yij-o.

NDAWI ENGGA 63:2

Kat kama-nen kar-e keyasolat, kat kamawi min kat-nen kek tak woraso min-e kayeg-o.

NDAWI ENGGA 90:16

Kat-nen kwaroso-ge nit kat ndegel kubugwi nap mirik ninpi-o. Nde, kat kabinal-e nit-nen nderak mirik inpi-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 40:5

Iri yosola-ge, Nagawan Indo abinal-e nam tak puwa-o. Iri yosola-ge, nggweyakma nap oboksa enlengen-nen kujwa-o. Ndemeret Nagawan Indo-net urul pusu-o” luk ene misik-nen yusu-o.

YESAYA 45:7

Yaya min ndamuk min-e an-net ndak woroso-o. Imbiri lamut min inmbiringgat min-e an-net enpem poso-o. Ereba oboksa kwaroso-ge Nagawan Indo an-net yusu-o.

YESAYA 60:2

O yu-ge ndamuk-nen muruk tak puruk worasu-o. Ap enlem oboksa-ge muruk tak unpuruk worasu-o. Alat nde, Nagawan Indo eyaya-ge kit kenanggul pem kenangga pil wuma-o. Nagawan Indo woralat-nen eyaya yoso-ge kit kenanggul pem nam yuwa-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 11:40

Yosoloma-ge, Yesus-nen Marata na yak tosolar-e: ” ’Kat kindi angin tubu yosola-ge, Mbal Pem Nagawan kek tak woraso iri-nen idnak amawi kagun-o’ luk yanem-et yak kirigi na-ge lag-a?” luk yak tij-o.

YOANES 12:41

Yesaya-nen iri yid iri-ge Yesus kek tak pidnak na karuk, Yesus imin-et yij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

1 KORINTUS 12:8

Konak Indi-nen-e ap misik wok tosolar-e, indi nggat nggat pem wene yoso iri wok tosolat, nde, Konak Indi misiget iri na-net nin nap wok tosolar-e, indi tenggerak pem wene yoso wok tosolat yusu-o.

2 KORINTUS 2:10

Kit-nen nde ap misik-nen meya yidnak kenmberam tak pogola-ge, an-nen na nemberam tak pimin-o. Nde, an-nen nde ap meya yidnak nemberam tak posola ge, – an-e nemberam tak purak mbi mondok worala-ge – iri-ge kit kenpem ala Kerisut inmbiri bem-et nemberam tak pimin-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 5:8

Nde, nanduk kir-e ndamuk woraigeb-et nde, yawo-ge Nagawan Indo ebem yaya worali-o. Iri bem-e, yaya ilirak-nen kwarugwi nggal-et kwarogolat wolmer-o.

PILIPI 2:6

Ar-e Mbal Pem Nagawan-et nde, ”An nebage Mbal Pem Nagawan imin ndak ndak woraso tena worayeg-o” luk peragir-e lag-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

1 TESALONIKA 2:12

Mbal Pem Nagawan-nen tenagaidnak wi min at unu kek tak pidnak min at totno wanobok-nen wene mbo kinpid Mbal Pem Nagawan na alen tak pobokluk-nen nit-nen-e nggomo kondogolat, keneyak marogolat, kiri keresa yak kondogolat yige-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

IBERANI 6:4

Nde, it Mbal Pem Nagawan eyaya bem woragwi na-t nde, inndi angin tubu yidnak keya bidnak nap iri-ge nggesa-nen tuguruk kondok tak uburag-o? It iri-ge aid arem-nen we wok ondoso mende na undu karuk, Konak Indi-ge it enpem mbidnak erep na winde luk,

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

2 PETERUS 1:19

Iri bem-e, Mbal Pem Nagawan ene lomboksa yugwi nap-nen yidnak wene na-ge kwara nenaru yili-o. Nde, urul pidnak wene na-ge ndamuk woraso sa tal pago pidnak nggal-nen yusu-o. Nde, tal iri amare irit worasoma, o nda yosolat o nda nda wonaru pil wasolar-e, kit kenarem yaya rak purak iri na yik karok woragolar-e, kir-e wene iri na kwara yebet kagolat wolmomtag-e ob-o.