2 KORINTUS 4:5 - Nanduk Ngget Tul Pidnak Wene

⁵ Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

2 KORINTUS 4:5 ပူးပေါင်းရင်းမြစ်များ

MATIUS 23:8

Alat nde, Mul Kondoso Nab-e misiget nak worasu, nde, kit oboksa-ge owe owot-net yili me, kit kinmin-e ’Mul Nondoso Nab-o’ luk yak kundurag-e meya-o.

MATIUS 3:11

Kit meya yidnak keya buruk, kondok yili iri bem-net an-nen yi ma kunpusu-t nde, an nimbirik lobok yuwa nap-nen perak nde Konak Indi bem kanduk pem yi ma kunpuwa-o. At iri-ge an nggal-e lag-o. Amawi worak terak minik me, an nggal-nen at ijok sum na waruk nurak tet meya-o.

YOANES 7:18

Ap misik-nen-e at ondomok indi-n pidnak mul ondoso nab-e at ambik unu kek tak purak kwarusu-o. Alat nde, at wirik ibil lobok yidnak nap unu kek tak purak indingen nap-nen-e at arem-e enesiget wene-ge mondok lak me, mot mot yoso-nen yusu-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 2:36

Iri bem-e, kit-nen e lang pang tak pem wirigep nap Yesus na-ge, Mbal Pem Nagawan-nen Nagawan Indo min Kerisut min tak pidnak nap-nen yusu-o luk Isarael nap it lolo pidsa-nen wene yu mondok kwara enaru mag-o” luk yij-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

1 KORINTUS 1:23

nit-nen-e Kerisut e lang pang tak pem wiridnak wene nak yili-o. Nde, nit-nen yili wene iri-ge Yawuri nap enambigir-e unuwok abis pijaksa mberak onposo kerep nggal yosolat, enlem nin nap enambigir-e wid-nen yugwi nggal yosolat yusu-t nde,

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 12:3

Iri bem-e, an-nen wene yu-ge kwara kenaru rak peyeg-o. Konak Indi arem woraso nap-nen-e ap misiger-o luk tet-nen yosolar-e: ”Yesus iri-ge imbiri lamut mag-o!” luk yoso bug-o. Nde, ap misiger-o luk tet-nen yosolar-e: ”Yesus iri-ge Nagawan Indo-nen yusu-o” luk yoso iri-ge Konak Indi arem worasu iri bem nak-nen yoso-o.

1 KORINTUS 15:47

Nanduk woraso Aram iri-ge nggweyak pem-nen ndak worak me, nggweyak ma nab-er-o. Alat nde, imbirik lobok yid Aram iri-ge aid arem-nen mbuwagaij-o.

1 KORINTUS 2:2

An nindi-nen perasolar-e, kit kennggendumu woralar-e, nin wene nan wene pidsa keya buruk, Yesus Kerisut min at e lang pang tak pem wiridnak wene min nak tena woramin-o luk irit peragi-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

2 KORINTUS 1:19

Nde, Mbal Pem Nagawan Ambara Yesus Kerisut na owene kit kennggendumu-ge Silwanus-nen na, Timotius-nen na, an-nen na yak kindi-ge owene iri-ge ”Ob-o, Lag-o” yoso-nen yusu-ge lag-o. Are, at ebem-e ”Ob-o” iri nak worasu-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

PILIPI 1:15

It erep-nen Kerisut owene yili iri-ge enlengen ale min an-nen yidnak wene eyak wuruwokluk-nen yili-t nde, it erep-nen-e inndi mbek tak pem-et Kerisut owene yili-o.

PILIPI 2:11

it ondomok enmende nggwe-nen para yogolar-e: ”Yesus Kerisut yu-ge Nagawan Indo-nen yusu-o” luk yogolat-nen-e Nineid Mbal Pem Nagawan unu kek tak puwa-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.