2 KORINTUS 4:4 - Nanduk Ngget Tul Pidnak Wene

⁴ It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 KORINTUS 4:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:22

Yosoloma, Nagawan Indo-nen yosolar-e: ’Arem yabu wanosolar-e, no kwarugun-o?’ luk kin wanosola, indi iri na-nen yosolar-e: ’An mbirimindik, Akap-nen idnak iri nggal kwat ma-o luk urul pugwi nap oboksa ennesiget yugwi rak inpimin-o’ yosoloma, Nagawan Indo-nen yosolar-e: ’Ob-o. Iri kwari-o. Kat-nen arem yabu mondok wanugun-o’ yosola kuligi-o” luk yak tij-o.

YESAYA 6:10

Yosoluk yarik, an yak norosolar-e: ”Ap ereba-ge kagolat, kologolat, yebet kagolat yogolat, nden karuk tuguruk an neram lobok yogola, ki yuwa naru kat-nen-e ap ereba inndi-ge muruk tak posolat, eneyanggo na eneyanggoru lak tak posolat, enlengen ngguru rak posolat kwarurag-o” luk yak nirij-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

YOANES 12:35

Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

YOANES 12:40

”Mbal Pem Nagawan-nen yosolar-e: ’It-nen an neram lobok yogola, an-nen ki yaga wok indimin naru, it enlengen-nen kujwa naru, it inndi-nen yebet kujwa naru, an-nen it enlengen ngguru rak posolat, it inndi amawi rak posolat yigi-o’ luk yij-o.”

YOANES 12:45

Nde, an neyasu nab-e, an wirik nibil lobok yidnak nab-et kasu-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 16:11

Nde, nggweyak tena woraso na-ge abu ebem wene mbarak pidnak worasu me, Mbal Pem Nagawan-nen-e ap enpem wene mbarurag-e abu tel korarik worasu-o luk mirik unpuwa-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

YIDNAK YIDNAK WENE 26:23

It-nen yogolar-e: ’Mesias-e mondok yane-t wuruwa-o. Nde, at iri-ge wat yidnak nap ennggendumu-nen nandug-et uruk yuwa-o. Nde, uruk lug-e, at-nen-e nit nenlem nap na irit, enlem nin nap na irit yaya wene yak unduwa-o’ luk irit yiga-o” luk Paulus-nen yij-o.

1 KORINTUS 10:20

Mondok lag-o! It enlem nin nap-nen wosa bugwi sa pili mende iri-ge Mbal Pem Nagawan amanggim pili-ge lag-o, kugi amanggim-et pili-o luk iri yosolat-nen yigi-o. Nde, kir-e kugi imin kundik wolmomtak iri-ge an-e nisili-o.

2 KORINTUS 2:11

Sere-nen nit urugwe nggwe rak nunpuwa naru-nen iri-ge kwatli-o. Sere indi-ge nenaru nar-o.

2 KORINTUS 2:12

Kerisut-nen idnak aid wene ap yak undurak pem o Teroas wok yiginggal-e, Nagawan Indo-nen at eyabu wanurak pem tu-ge kuwarak pidnak nde kagi-o.

2 KORINTUS 3:11

Nde, luru wolmomtak mende iri perak abinal worak woragaij-o. Alat nde, pem wolmomtak mende iri-ge abinal mondok kwarat worasur-o!

2 KORINTUS 3:14

Ndemeret, it inndi anggat lak nggal woraiga-o. Nde, iri kuri-nen yawo na ir-e nanduk urul pidnak wene engga na kagola-ge, entare lumurak pidnak sum iri-ge worasu-o. Kerisut at nak-nen sum na waburag-e ndag-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 6:12

Nde, nir-e ki nap inmin wim mbatli-ge lag-o. Are, amawi worak oboksa min amawi min nggweyak ma ndamuk yu tena woragwi nagawan min teram woraso amawi worak inndi meya min it iri inmin-et nir-e wim mbatli-o.

PILIPI 2:6

Ar-e Mbal Pem Nagawan-et nde, ”An nebage Mbal Pem Nagawan imin ndak ndak woraso tena worayeg-o” luk peragir-e lag-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

IBERANI 6:4

Nde, it Mbal Pem Nagawan eyaya bem woragwi na-t nde, inndi angin tubu yidnak keya bidnak nap iri-ge nggesa-nen tuguruk kondok tak uburag-o? It iri-ge aid arem-nen we wok ondoso mende na undu karuk, Konak Indi-ge it enpem mbidnak erep na winde luk,

2 PETERUS 1:19

Iri bem-e, Mbal Pem Nagawan ene lomboksa yugwi nap-nen yidnak wene na-ge kwara nenaru yili-o. Nde, urul pidnak wene na-ge ndamuk woraso sa tal pago pidnak nggal-nen yusu-o. Nde, tal iri amare irit worasoma, o nda yosolat o nda nda wonaru pil wasolar-e, kit kenarem yaya rak purak iri na yik karok woragolar-e, kir-e wene iri na kwara yebet kagolat wolmomtag-e ob-o.

1 YOANES 2:11

Alat nde, at anggam isili rak poso nab-e ndamuk arem-et worasolar-e, ndamuk arem waring kasolar-e, ndamuk iri-nen at erengen ngguru rak pidnak me, at mburusu sa na an-e iri me mburusu-o luk yenggerak pusu bug-o.

1 YOANES 2:8

Iri nde, mbal kundusu wene yu-ge imiri mbarak pidnak wene ngget-nen yusu-o. Wene ngget yu-ge Kerisut ebem-nen na, kit kenpem-nen na, yu-ge ndemeret wene-nen yusu-o luk yenggerak pili-o. Ndamuk na lak yosolat, ndemeret yaya-ge yaya rak pusu-o.

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.