2 KORINTUS 4:2 - Nanduk Ngget Tul Pidnak Wene

² Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

2 KORINTUS 4:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:34

at-nen tugurug-et yak ondosolar-e: ”Iri nggal-et tuguruk kwarer-o” yak ondosoloma-ge, tugurug-et iri na nggal-et kwariga-o. ”Iri na nggal-et tugurug-et kwarer-o” yak endamu, tugurug-et kwariga-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

OROMA 6:21

Nanduk kwarugwi bem iri nggal kwarige-o luk yawo kinnggiri kali na bem-e, onggo-ge no mende nde lesa wanigeb-o? Lag-o. Iri mende kwarugwi onggo-ge wat yugwi elem-nen yusu-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

2 KORINTUS 11:6

An-e wene yoso bem-e nil kil tag-et nde, enaru yugwi mende bem-e mondok kwarat naru me, nir-e pempa yi mende ndi mende oboksa bem-nen an naru yidnak iri-ge nam-et mirik konpogolat woraige-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 5:11

Nir-e Nagawan Indo aye kagwi nenaru me, ap enmengen mbatli-o. Mbal Pem Nagawan-e nit ninndi mondok nam-et kasu-o. Nde, an-nen perasolar-e, kit-nen na nit ninndi nam-et kali, lak? perasu-o.

2 KORINTUS 6:8

Ap-nen-e nunnu kek tak pogola-nen na, nunnu mbilaro ngin tak pogola-nen na, ninnggiri worogola-nen na, nentembel wanogola-nen na, nenesiget yugwi nap nggal tak nonpogola-t nde, nir-e ndemeret wene nak yugwi-o.

2 KORINTUS 7:14

An-nen Titus imbiri bem kit kentembel kwarat wanigirik me, kit-nen an ninggiri rak pigit lak yigeb-o. Nir-e pempa ndemeret wene nak yak kondogolat woraige-o. Iri nggal, nit-nen Titus imbiri bem kentembel wanige wene na lud tag-et yij-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

EPESUS 5:12

It-nen kuruwama-nen kwatli mende iri-ge obok yurak tet inggiri worag-o.