2 KORINTUS 3:5 - Nanduk Ngget Tul Pidnak Wene

⁵ Nit nondomok nenmawi bem-nen nit nenambik neneyabu nggal yabu yu wanili bug-o. Mbal Pem Nagawan at-net yabu wanurak nenpem tak poso-o.

2 KORINTUS 3:5 ပူးပေါင်းရင်းမြစ်များ

NDAK WIRIDNAK WENE 41:16

Yosoloma, Yusup-nen onggo yosolar-e: ”Nab-o, ndegel koboso nap an-nen yoso-ge lag-o. Iri-ge Mbal Pem Nagawan nak-nen ebe-ge ndemeret ludsa para yoso-o” yij-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

LUKAS 24:49

Nde, an Neid-nen urul pidnak na-ge an-nen kendam pil lobok yimin-o. Alat nde, Mbal Pem Nagawan-nen idnak amawi-ge kin kenpem mbumakluk, o siri yu me-t towarak wolmer-o” luk yak indij-o.

YOANES 15:5

E elem-e an-net yusu-o. Nde, inggi-ge kit-net yili-o. Ap-nen an narem puksa woralat, an na at arem puksa woralat yidnak nap-nen-e engen kwarat lombok puwa-o. Nde, kir-e an narem puksa woragit lak ala-ge, yi kwatlik ndi kwatlik kwarugup pug-o.

OROMA 15:18

An-e kwiye lag-et wene yusu yu-ge, yu bem-nen yusu-o. Kerisut an narem worala-nen-e enlem nin nap iri-nen Mbal Pem Nagawan-nen yidnak yidnak kwarugwi nap makluk, nene bem-nen na, kwaroso bem-nen na,

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 3:10

Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

1 KORINTUS 3:6

An-nen uwi yaki-o. Apolos-nen yi kilij-o. Alat nde, wirik poso-ge Mbal Pem Nagawan-nen nag-o.

2 KORINTUS 12:9

Alat nde, Nagawan Indo-nen nene erep nggarosolar-e: ”Kat ndeyak yidnak pem an namawi-ge iminep mbal yusu me, an-nen idnak we wok ondoso elem-e kat kamanggim-e ndak-nen yusu-o” luk yij-o. Iri bem-e, Kerisut amawi an nebem mbumag-o luk an ndeyak yidnak pem an nindi kek tak posolar-e, an nalin nalen kasu-o.

2 KORINTUS 2:16

Nir-e lak momtak nap enabirumu-ge wat momtak emben meya kwat yusu-o. Nde, inmiri yurak nap enabirumu-ge unluk tak purak emben konak kwat yusu-o. Alat nde, yabu iri-ge ta nggal-nen nde ndak tak puwa-o?

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.