2 KORINTUS 3:17 - Nanduk Ngget Tul Pidnak Wene

¹⁷ Nde, engga wene iri arem-e Nagawan Indo yidnak iri-ge Konak Indi min yij-o. Nde, Nagawan Indo Indi woraso sa iri me-ge ab-e weserak nak woragwi-o.

2 KORINTUS 3:17 ပူးပေါင်းရင်းမြစ်များ

NDAWI ENGGA 51:12

Kat-nen idnak inmiri yoso elem iri na bem-nen tuguruk nalen elem tak nibi-o. Kat-nen yidnak yidnak kwarurak nindi rak irit pi-o.

YOANES 6:63

Konak Indi nak-nen unluk tak onposo-o. Nde, ki nap enmawi-ge ebe lak mende-nen yusu-o. Nde, Konak Indi-nen an-nen yak kundusu wene na bem-nen kunluk tak konposo-t nde,

YOANES 8:32

Kit-nen ndemeret wene kenaru yogola-ge, wene iri-nen-e wisirik kunpuwa-o” luk yak indij-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 15:45

Mbal Pem Nagawan engga mbarak pem-nen yosolar-e: ”Nanduk woraso nap Aram iri-ge uruk mende worak irit kwat yij-o.” Alat nde, woroksiyem Aram iri-ge ap unluk yaga wok ondoso Indi irit kwat yij-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

NGGALATIA 4:6

Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

NGGALATIA 5:1

Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

2 TIMOTIUS 1:7

Nde, Mbal Pem Nagawan-nen-e kwiye yurak indi wok nundusu-ge lag-o. Are, Konak Indi-nen-e nenmawi rak posolat, ap enabuwa kagwi rak nonposolat, nondomok mamak puruk wolmomtak elem wok nondosolat, yusu-o.