2 KORINTUS 3:16 - Nanduk Ngget Tul Pidnak Wene

¹⁶ Alat nde, Mbal Pem Nagawan engga mbarak pem-nen Musa imin yosolar-e: ”Ar-e nden karuk Nagawan Indo ambigit nggwe mborosola-ge, sum na wabij-o” luk yij-o.

2 KORINTUS 3:16 ပူးပေါင်းရင်းမြစ်များ

MBIRIGA WENE 34:34

Pempa Musa nde Nagawan Indo imin wene mbareyekluk Nagawan Indo ama na nggosolar-e, erare lumurak pidnak sum na-ge waburuk, ngguruk, wasolat na iniksa-t wasoluk Nagawan Indo-nen yak indidnak wene oboksa yak ondosola-ge,

YESAYA 54:13

Kat kilirak oboksa Nagawan Indo an-nen mul indimin-o. Ir-e ukwe mende bem-e mondok ndak enalen pem irit wolma-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

OROMA 11:23

Nde, it Yawuri nap na-ge inndi angin tubu yigit lak woraidnak na keya bogola-ge, tuguruk e elem na min kundik unpuwa-o. Mbal Pem Nagawan-nen-e it waga e elem min kundik unpurag-e ndak-nen yusu-o.

2 KORINTUS 3:15

Yawo-nen na irit, ir-e Musa-nen idnak imiri mbarak pidnak wene pempa wonarogola-ge, sum iri-nen it inndi lumurak puruk worasu-o.

TUGURUK YIDNAK WENE 30:10

Alat nde, kir-e Nagawan Indo Kenmbal Pem Nagawan-nen yidnak yidnak nak kwarogolat, at-nen imiri mbarak pidnak wene engga yu arem mbarak worasu yeba ndak ndag-et kwarurag-o. Nde, kir-e ndemeret kinndi min-net tuguruk at eram mbururag-o.

TUGURUK YIDNAK WENE 4:30

Kit kenpem lak tak onposo mende mbosola-t nde, anggun panggun arem woragolar-e, nden karuk Nagawan Indo Kenmbal Pem Nagawan eram mbutluk, at-nen yidnak yidnak kwarugub-o.