2 KORINTUS 3:1 - Nanduk Ngget Tul Pidnak Wene

¹ Tuguruk nit nondomok nentembel wanurag-a? Are, ap ere-nen yili nggal, nit nentembel wanidnak engga kit kinmbiri bem nuk kagolat, kit-nen mbal nindidnak engga nde nuk kagolat yul-a?

2 KORINTUS 3:1 ပူးပေါင်းရင်းမြစ်များ

YIDNAK YIDNAK WENE 18:27

Nde, Apolos-nen-e Akaya nggwe ele bem ndil layekluk yosola-ge, Yesus ene wanugwi nap Akaya woragwi-nen Apolos na wok ubuwakluk, Epesus woragwi ennggamirak tak inpidnak nap-nen engga mbara enmanggim pikma, at na iri me wok lug-e, Mbal Pem Nagawan we wok ondoso elem pem-e inndi a gin tubu yidnak nap ereba na kwara yongga indij-o.

OROMA 16:1

Lambuk tak inpidnak nap Kenkerea iri me ndegel onposo nintid kwe Pebe iri-ge kenaru rak peyeg-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 16:3

Nde, an lobok yimindik-nen-e kit kinndi-n pidnak nap engga mbara wok unduruk, kit-nen ndok wiridnak tol iri-ge Yerusalem waruk mburuwakluk wirik inpimin-o.

1 KORINTUS 3:10

Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

2 KORINTUS 10:12

Nir-e enambik entembel wanugwi nap inmin misiget luk nde it inmin ndak ndak yurag-e kwiye-o. It na it-nen enambik inmin ndak wat koragolat, it na it-net enambikpebe-net irit irit tak pogolat yili-o. It iri-ge wid inndi worak ijar-o!

2 KORINTUS 10:18

At ondomok erembel wanusu nap iri-ge ndag-e lag-o. Are, Nagawan Indo-nen erembel wanusu nap iri perak nde mondok ndak-nen yusu-o.

2 KORINTUS 10:8

Nde, kit mberak kunpurak pem-e lag-o. Are, kit mendak kunpurak pem Nagawan Indo-nen amawi wok nindidnak iri bem an nindi kwarat kek yusu iri bem an-e ninggiri kamin pug-o.

2 KORINTUS 12:11

An-e wid kwat yigi-t nde, kit-nen kwat nibidnak pem-net iri kwat yigi-o. Kit-nen kek tak nuburag-e an-et nde, an-e ebe lak mende nggal-et nde, yi kwarugwi ndi kwarugwi bem-e an-e wirik inpidnak nap ija lombok ereba inmin ndak ndak-net yusu-o.

2 KORINTUS 12:19

Kit-nen nenperagolar-e: ”It iri-ge nit ninmbiri bem-e it enambikpebe lud tak nak kwarugwi nab-o luk yuwakluk engga iri mbatli-o” luk nenperali-t nde, iri-ge lag-o. Nir-e Mbal Pem Nagawan imbiri bem-et Kerisut ebem ala wene yu yili-o. Nennggamirak kenabuwa worak wa-e. Nit-nen kwatli mende oboksa-ge kit kinndi angin tubu yidnak iri mendak pogolat-nen kwatli-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 5:12

Nit nentembel wanogolat-nen wene tuguruk yak kindili-ge lag-o. Are, kit-nen nit nunnu kek tak pobokluk-nen yili-o. Iri yugup ala-ge, ap inndi arem woraso mende bem-e lak, are, ap onmbol nggwe nak kaidnak pem unnu kek tak pili nap iri na wene yak ondobog-o luk yak kindili-o.