2 KORINTUS 2:7 - Nanduk Ngget Tul Pidnak Wene

⁷ Yawo-nen perak nde, kit-nen-e at iri na kunlugom tak puruk, at indi abi-nen wat kurujwa naru, at indi yungunugup na-e.

2 KORINTUS 2:7 ပူးပေါင်းရင်းမြစ်များ

NDAWI ENGGA 124:3

it insilepma kwiye worak iri-nen mondok nunsu kundugu nok nenpeleb-o.

NGGOMO WENE 1:12

It yawo-ge enalen pem konak worali-t nde, nit-nen enpem mbud yogolar-e, unsu kundugu nok unpul-o.

YESAYA 28:7

Mbal Pem Nagawan ene lomboksa yugwi nap min tepan omborak min-e anggut engen amburu ndonggosa nonggolar-e, inndi lak lak yogolar-e, tula-ge ya landok nak nili-o. Nde, Mbal Pem Nagawan ene lomboksa yugwi nab-e Mbal Pem Nagawan-nen nabi nggal pem mirik inpidnak ereba na-ge kwara yebet kali bug-o. Nde, tepan omborag-e it-nen wene nggaruksa mbaruwa-o luk ap-nen wene mbenaruwakluk enpem pugwi-t nde, it-nen-e wene nggaruksa mbarurag-e meya-o.

1 KORINTUS 15:54

Nde, piri yoso mende yu-ge piri yoso buk mende yirik onposolat, wat yugwi mende yu-ge wat yugwi buk mende yirik onposolug-e, Mbal Pem Nagawan engga mbarak pem-nen yidnak wene yu-ge ndak ndak tak posolar-e: ”Ombol nggwe yidnak pem-nen wat yugwi elem-e lak tak pij-o.”

2 KORINTUS 2:8

Iri bem-e, kir-e ndemeret at abuwa kwarat kali aru rak pobokluk an-e yak kundusu-o.

2 KORINTUS 5:4

Nir-e nggweyak ma yu me luru wolmomtak wi na arem woragolar-e, angin worak mende nenpem pidnak iri bem-nen yane witli-o. Iri-ge nit nenpe, nggweyak ma mende yu yungguruwakluk-nen yili-ge lag-o. Are, nenpe ngget mende-ge taro iri na ombol pem yesa wok nondosola, pem-et unlug-et wolmomtak mende-nen luru wolmomtak mende iri lungguk mberak puwakluk-nen yili-o.

2 KORINTUS 7:10

Mbal Pem Nagawan indi-n pidnak pem-nen ap inndi puru bera yugwi iri-nen-e ap inndi kondok yogola, inmiri yurak pem-nen kwaroso-o. Nde, iri yidnak ala, ”Noluk iri nggal kwat ninpij-a?” yugwi bug-o. Alat nde, nggweyak ma yu-nen yidnak inndi puru bera yugwi iri-nen-e wat yugwi elem kwarak poso-o.

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

PILIPI 2:27

Ndemerer-o. At iri-ge kugi kwarat wiridnak pem wat momtak nggal yij-et nde, Mbal Pem Nagawan-nen at ubud kagaij-o. Nde, at ubud nak kagaij-e lag-o. Are, an min ebem lud nindi puru ma naru, an nubud na kagaij-er-o.

KOLOSE 3:13

Kit na kit-net kennggam imin mamak puruk woragolat, kit meya rak kinpidnak mbi worala-ge, ”Wiwa-o” luk yak kerak mbogolar-e, lak tak pogolat wolmer-o. Nagawan Indo-nen kit meya yidnak amberam tak pid nggal, kit-nen na iri nggal-et nin nap-nen meya rak kinpidnak mondok kenmberam tak per-o.

1 TESALONIKA 4:13

Nennggamirak wa-e. At ebem inndi mbung mbung tak woragwi buk nap-nen inndi puru pera yili nggal, kit-nen na iri nggal kinndi puru pera yugup naru, wat yidnak nap iri nggal kwat unpuwa-o luk kenaru wolmomtak iri-ge nir-e nindingen-o.

2 TESALONIKA 3:6

Nennggamirak wa-e. Nennggamirak perari worak nap min nit-nen kit yak kindidnak wene iri na-nen yidnak yidnak kwarugwi buk nap min it endam-nen nuruksa wolmer-o luk, nir-e Nagawan Indo Yesus Kerisut unu bem-et kiri keresa yak kindili-o.