2 KORINTUS 2:3 - Nanduk Ngget Tul Pidnak Wene

³ Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

2 KORINTUS 2:3 ပူးပေါင်းရင်းမြစ်များ

1 KORINTUS 4:21

Kir-e ngge kwat kunpurak perali-o? Linggamburok ninggem kendam lobok yimin, lak? Are, kit kenabuwa bem nindi yangonak pem lobok yimin-a?

2 KORINTUS 1:15

An-e wene yu mondok naru worasu bem-e, kir-e mberen pem tak posolat kenalen tak purak pem nandug-et kit kendam lobok yurak perasolat woragi-o.

2 KORINTUS 1:23

An-nen yimin wene yu-ge: ”Ndemeret wene-o” luk kungguruwak-nen an-e Mbal Pem Nagawan wene mbo busu-o. An nindi ar-e aru-o. An-e kit kenabuwa-nen Korintus iri me lobok yurak yigi-t nde, larok yigi-o.

2 KORINTUS 12:11

An-e wid kwat yigi-t nde, kit-nen kwat nibidnak pem-net iri kwat yigi-o. Kit-nen kek tak nuburag-e an-et nde, an-e ebe lak mende nggal-et nde, yi kwarugwi ndi kwarugwi bem-e an-e wirik inpidnak nap ija lombok ereba inmin ndak ndak-net yusu-o.

2 KORINTUS 12:21

An tuguruk wok yimin nggal, kit kinmbiri bem Mbal Pem Nagawan-nen an ninggiri wuruwa iri-ge nanduk kwarogolat woraidnak nap-nen-e it meya kwarogolat woragwi-ge kop kap tobok tak kwarugwi min kwami terak ye unpugwi min kwarugwi buk mende kwarugwi min iri kwarugwi keya buruk kondok yigit lak ala karuk, an-e yip kwarat timin-o luk numud kasu-o.

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 KORINTUS 2:9

Wene yu bem-nen engga iri mbal kindigi-o: yi mende ndi mende oboksa ndak ndak kwarugup, lak? luk kinndi ngarosolat-nen mbarigi-o.

2 KORINTUS 7:12

Nde, an-nen engga iri mbal kindigi iri-ge, ap mbi meya yidnak pem-nen ala na, at meya rak ibidnak pem-nen ala na mbarigit lag-o. Are, yu bem-net engga na mbal kindigi-o: Mbal Pem Nagawan imbiri bem-et kir-e nit nenabuwa kwarat kagwi iri-ge kit nam-et kabokluk-nen mbal kindigi-o.

2 KORINTUS 7:16

Yi mende ndi mende bem kir-e kenpam-et kwatli kagi luk kenperasolar-e, an-e nalin nalen kasu-o.

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

2 KORINTUS 7:8

Nde, an mbal kindigi engga iri-nen kit kinndi pururak pid ala-ge, ”Noluk mbarigi-a?” luk perasu bug-o. Engga iri-nen ereya na-net kit kinndi puru rak posola karuk, ”Noluk mbarigi-a?” luk peragi-t nde,

2 KORINTUS 8:22

Iri bem-e, it mberen nap inmin-e nit nennggam misik ibil lobok yili-o. Nit-nen at iri indi ngal tenak woraige nggal-e, ap yongga undurak pem-e indi embem nde kaige-o. Nde, yawo-ge mondok at indi kit kenpem pidnak me, kit yongga kendeyekluk at amawi kundusu-o.

NGGALATIA 5:10

Alat nde, Nagawan Indo ebem ala kir-e an nimin kundik worali me, an-nen yebet kasu irit kit-nen na yebet kagub-o luk perasu-o. Nde, nari wari rak kunpusu nab-e, ebe-ge an naru bug-et nde, Mbal Pem Nagawan-nen-e ap iri na ebem wene mbaruwa-o.

2 TESALONIKA 3:4

Nde, nit-nen yak kindidnak wene-ge yawo na kwatli-o, nde, abok na iri nggal-et kwarogolat wolma-o luk Nagawan Indo ebem ala, ninndi-ge kit kenpem mbung mbung tak worali-o.

PILEMON 1:21

An-nen nggi yak kurusu mende iri-ge mondok wog-et nurugun-o peraruk engga yu-ge mbarusu-o. Nde, kat-nen siyak terak menna-t kwarugun-o luk keberasu-o.