2 KORINTUS 2:17 - Nanduk Ngget Tul Pidnak Wene

¹⁷ Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 2:17 ပူးပေါင်းရင်းမြစ်များ

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

YIDNAK YIDNAK WENE 20:20

Nde, kit konak tak kunpurak mende mbi larok yigit lak yigi-o. Are, ap inmbiri bem-nen na, kit kenma ya nggwilik waring kasolat-nen na nggomo kondosolat, mul kondosolat woragi-o.

YIDNAK YIDNAK WENE 20:27

Mbal Pem Nagawan indi-n pidnak ereb-e teberak pigit lak. Pidsa yak kindigi nar-o.

1 KORINTUS 5:8

Iri bem-e, nir-e sakwi tarem iri igijak worogolar-e, nanduk-nen lomboroso mende, meya yugwi min uwingga mbarugwi min yidnak lomboroso mende arem pidnak oroti iri imin igijak wururak pug-o. Are, lomboroso mende arem pigit lak oroti, mbek tak pidnak oroti, ndemeret wene bem yidnak oroti iri nak igijak wuruwog-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 1:18

Mbal Pem Nagawan-e ndemeret wene nak yoso me, wene urul an-nen yak kondosolar-e: ”Ob-o, Lag-o” yurak pem yak kundusu-ge lag-o.

2 KORINTUS 11:11

An-nen kit kenabuwa kagit lak yosolat-nen yigi-a? Lag-o. An-nen kenabuwa kaso iri-ge Mbal Pem Nagawan aru-o.

2 KORINTUS 12:19

Kit-nen nenperagolar-e: ”It iri-ge nit ninmbiri bem-e it enambikpebe lud tak nak kwarugwi nab-o luk yuwakluk engga iri mbatli-o” luk nenperali-t nde, iri-ge lag-o. Nir-e Mbal Pem Nagawan imbiri bem-et Kerisut ebem ala wene yu yili-o. Nennggamirak kenabuwa worak wa-e. Nit-nen kwatli mende oboksa-ge kit kinndi angin tubu yidnak iri mendak pogolat-nen kwatli-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

2 KORINTUS 6:7

lud tak nak kwarugwi wene yak undugwi bem na, Mbal Pem Nagawan amawi bem na, irit kwarugwi-o. Nde, lud tak nak kwarugwi nensan-e ninnggi kigit nggwe, kware nggwe wanugwi-o.

NGGALATIA 1:6

Kir-e Kerisut-nen we wok ondoso elem pem-net wene mbo kinpid nap na ndaget nak keya buruk, nden karuk nin aid wene langgal luk mbitli iri bem an-e wi yusu-o.

1 TESALONIKA 2:4

Are, Mbal Pem Nagawan-nen-e at-nen idnak aid wene yurag-e ndak neneyaruk, nenpem pidnak me, nit-nen wene yogolar-e, ki nap indingen tak puwokluk-nen yili-ge lag-o. Are, nit ninndi ngaroso Mbal Pem Nagawan at nak indingen tak puwokluk-nen yili-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

IBERANI 11:27

Nde, Musa na indi angin tubu yidnak pem-net Pirayon isilepma at ebem posola-t nde, kwiye lag-et Mesira wi keya buruk mbirij-o. Enlengen-nen kagwi buk Mbal Pem Nagawan iri-ge at-nen-e kaidnak nggal kwarosolar-e, at indi-n pidnak sa irit mboroso komo nak yij-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.

NAM PARA WENE 2:20

Kwe Isebel iri-nen yosolar-e: ’An-e Mbal Pem Nagawan-nen nibil lobok yidnak-nen yusu-o’ yosolar-e, an ndegel nubugwi nap enmberam lasolar-e, mbabi kwarurak min kugiwak amanggim pidnak nunggwi mende norak min mul ondoso kwe Isebel na kinndi wok tili iri perak an-e nisili-o.