2 KORINTUS 13:8 - Nanduk Ngget Tul Pidnak Wene

⁸ Ndemeret wene iri na lugud tak pogolar-e, nir-e lugud tak kwarurag-e meya-o. Are, nit-nen kwatli iri-ge ndemeret wene bem-et kwatli-o.

2 KORINTUS 13:8 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:28

Yosoloma, Mika-nen yosolar-e: ”Nagawan kat nde tugurug-et kurug-et lobok yosolar-e, at yu na-ge wene-ge Nagawan Indo-nen emndam tak pidnak wene-ge lag-o luk yebet niyudtag-o! Kit yu me ndok wirigep yu-ge mondok kenaru wolmer-o!” luk yak indij-o.

MARAKUS 9:39

Yesus-nen yosolar-e: ”An nunu bem kwiye worak mende nggeret kwaridnak nab-e ereya-net an nunu meya rak puwa-ge lak me, kit-nen mbawi wururak pug-o.

2 KORINTUS 10:8

Nde, kit mberak kunpurak pem-e lag-o. Are, kit mendak kunpurak pem Nagawan Indo-nen amawi wok nindidnak iri bem an nindi kwarat kek yusu iri bem an-e ninggiri kamin pug-o.

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 KORINTUS 13:7

Kit meya kwarugup naru, nir-e Mbal Pem Nagawan eram tepan yili-o. Iri yili iri-ge, nir-e ombol nggwe yidnak nap nggal yik niniyujwaklug-e lag-o. Are, nir-e mborok tak pugwi nap nggal tak nonpogola-t nde, kit konak nak kwarobog-o luk-nen yili-o.

2 KORINTUS 13:9

Nir-e ndeyag-et nde, kit kenmawi ala karuk, nit nenalin nenalen kali-o. Nde, kir-e iminep mbal yobok-nen nir-e kenmanggim tepan yili-o.

1 TIMOTIUS 1:20

Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.