2 KORINTUS 13:5 - Nanduk Ngget Tul Pidnak Wene

⁵ Kit na kit-net kinndi mbenarer-o. Kir-e ndemeret kinndi angin tubu yidnak pem tugup lak worali, lak? luk kondomok kinndi ngarer-o. Kerisut Yesus-e nit nenarem worasu-o luk kenaru yili, lak? Nde, Yesus-e kenarem lak ala-ge, mborok tak pigep pem-nen-o.

2 KORINTUS 13:5 ပူးပေါင်းရင်းမြစ်များ

YEREMIA 6:30

It iri-ge Nagawan Indo an-nen mbo inpidnak me, ap-nen it unnu yarogolar-e, ’Mbo bidnak perag-o’ luk yuwa-o” luk yak tij-o.

YESKIEL 18:28

At iri-ge at-nen kwaroso ereba na ’An-e meya iri nggal kwaroso kagi’ luk, meya kwaroso keya buruk, kondok yidnak me, ar-e wat yigit lak, mondok uruk irit wolma-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 15:4

An narem puksa woragola-ge, an na kit kenarem puksa woramin-o. Inggi na e elem min kundigit lak, arik woralar-e, engen poso bug-o. Iri nggal, kit-nen na an narem puksa woragit lak ala-ge, engen pugup pug-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

YOANES 6:56

An nebe min neyabi min nasu nab-e at-nen an narem worala, an-nen na at arem-et worasu-o.

YOANES 6:6

(Iri yak tid iri-ge at-nen-e at-nen kwarurak iri-ge aru-t woralar-et nde, we Pilipus indi kasolat-nen yij-o.)

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 8:10

Alat nde, Kerisut nde kit kenarem worala-ge, kit kenpe-ge meya kwarugwi me, wat yugub-et nde, kir-e Mbal Pem Nagawan imin lud tak nak kinpidnak me, Konak Indi-nen kinndi uruk tak pidnak worasu-o.

1 KORINTUS 11:28

Iri ala-ge, ap pidsa enambiktak-nen inndi mbenatluk-net mburu min yimbe arem kenanggo min-e nujwag-o.

1 KORINTUS 11:31

Nit-nen nde nondomok ninndi mbenarigenggal-e, nenare pelep pug-o.

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

1 KORINTUS 6:15

Kit kenpe-ge Kerisut inggi ujok na-ge kir-e kenaru bug-a? Nde, an-e Kerisut inggi ujok na waga uwingga mbaroso kwe inggi ujok nggal tak pimin-a? Mondok lik laksa-o!

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

1 KORINTUS 6:2

Marak nap-nen-e nggweyak ma nap pidsa enpem wene mbaruwa-o yidnak iri-ge kir-e kenaru buk, lak? Iri ala-ge, nggweyak ma nap pidsa enpem wene mbarurag-e kit kinggem worasola-t nde, wene te nggal iri-ge kit-nen mbarurag-e meya kali-a?

1 KORINTUS 9:24

Pong kagolar-e, it pong kagwi nap pidsa ndak ndak puburak mbiridnag-et nde, nggareksa mbiridnak nap misiget nak-nen onggo wanoso kir-e kenaru bug-a? Iri nggal-et kir-e onggo wanurak pem-e pong nak kagolat wolmer-o.

1 KORINTUS 9:27

An-nen aid wene-ge nin nap yak indidnag-et nde, an mbo nubuwa naru, an nebe tebesa wolmaklug-e, an na an-net wat korasu-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

NGGALATIA 4:19

Nilirak kenabuwa worak wa-e. Kwami-nen li ndakolat yane wurugwi nggal, iri nggal-et Kerisut abage kit kenarem kwat makluk, an-e nilirak kit kenpem yane wurusu-o.

NGGALATIA 6:4

Ap ondomok tak-nen at-nen kwaroso iri na eyami mbaruwag-o. Nde, at-nen kwaroso iri-ge konak nak ala-ge, at ondomok-nen kek yurak ob-o. Nde, nin nap-nen kwarogola kaidnak pem at ondomok kek yurag-e meya-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 2:19

It iri na-ge enanggul Kerisut na puksa tenakit lak worali-o. Kerisut na ebem-net ebe oboksa-ge ndak ndaksa ndogorosolar-e, it min emengen min-nen konda misiget tak posolar-e, Mbal Pem Nagawan indi-n pidnak pem-et nggok yusu-o.

KOLOSE 2:7

at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

1 TIMOTIUS 2:15

Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.

2 TIMOTIUS 3:8

Yanes min Yamberes min-nen Musa-nen yidnak wene eyak wiriga nggal, iri nggal-et ap iri kwarugwi na-nen ndemeret wene na eyak witli-o. Iri kwatli nap iri-ge inndi yebet kagwi na lak yidnak me, it inndi angin tubu yidnak na mborok tak pili-o.

TITUS 1:13

Nde, at-nen kinggirid iri-ge ndemerer-o. Iri bem-e, it inndi angin tubu yidnak na tugup lak wolmaklug-e, mondok kene amawi min-et nggomo indi-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

TITUS 2:2

Ap indi worak yak ondosolar-e: ”Kir-e kinndi min-et woragolat, kinndi nggat nggat worak woragolat, kondomok kinndi towarak woragolat mer-o. Nde, kinndi angin tubu yidnak pem na, ap enabuwa kagwi bem na kinndi luruk puruk woragwi bem na iminep mbarak irit wolmer-o” luk yak indi-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

IBERANI 4:1

Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.

IBERANI 6:8

Alat nde, nggweyak iri-nen-e tusuwangge min isile worak min nak wirik posola-ge, nggweyak na-ge meya me, Mbal Pem Nagawan-nen imbiri lamut tak puruk, worok tak posolar-e, kan nujwa-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 PETERUS 5:9

Kennggamirak Kerisut ebem inndi angin tubu yidnak nap yi wi ndi wi worali na kit andi bandi kali nggal-et kali iri-ge kenaru me, Kerisut ebem kinndi angin tubu yigep pem tugup lak woragolar-e, Sere imin kunsuru ndere yer-o.

NAM PARA WENE 2:5

’An-e abu meya luk yoboksa mbigi kagi’ luk perarug-e, kit meya kwatli iri keya buruk, kondok yer-o. Kondok luk, nanduk kwarogolat woraigep nggal kwarer-o. Kit nde kondok yigit lak ala-ge, an lobok yimindig-e, kit kental iri-ge ondolma-nen lesa wanimin-o.